Muuduko 40:3 - Gooti Toolluro Yogalokwono

³ Toro wuunyuno sumaiyokwe a'mwo toorallu wuulo killo'mo ago tovi aulomerosokarakono. Wuulo killo'mo ago su tov Feroo toolluro duuwato womdokwe toorai mido mollomwalokwe toolluro wuulo killo'mo agokwono. Aki wuulo killo'mo ago avalo su tovi Joosepol ai'nallajukokwono.

Muuduko 40:3 Σταυροειδείς Αναφορές

Muuduko 39:1

To'no'gwowi Isumaiyololluro iko tovasuda'ai a'mwo pworo Joosepollu Ijup'no amokavlavopekono. Toro mokavla'mno sumaveyokwe a'mwo Ijupda'ai pwol Joosepollu abiyomarokaikono. A'mwo abiyomaroka su toolluno yovo tov Pootifalekono. Toro tool Ijupda'ai a'mwo aguto Feroo toollu gavman womdo agutokwe wimo'nodowo a'mwo aguto Feroo toolluro agwapto toruda'ai duuwato womdokwe toorai mido amollomwallajukekono.

Muuduko 39:20

Pootifal toro wuunyuno sumaiyokwe Joosepollu wuulo killo'mo ago tovi kuulomerosupino'mo gamoro womdokwe pworai amodapiyokaikono. Toro tooro Joosepollu galomworaro'mno wuulo killo'mo ago tovi aulomerosopekono. Wuulo killo'mo ago su tov a'mwo aguto kig toolluro a'mwo kaiya'no yodopure toorai kuulomerosodowodorukono. Joosepol toro tovi aule'nallajukekono.

Muuduko 39:22

Toro kwinoka tool Joosepollu yiuwi'nokai wuulo killo'mo ago tovida'ai kuule'na'dupudo toorai mido mollomwallo'mo womdo tov kuubweyokaikono. Aki yiuwi'nokai wuulo killo'mo ago tovida'ai womdo kun kuruv Joosepollu dolago tomuu kuubweyokaikono.

Muuduko 39:23

Toro uubweno sumaiyokwe Gooti Yawel Joosepeke mwalodowo wiyo'mwojoduke tovida'ai yiuwi'nokai womdo ton ilaiyo to'no sumo'nugovlaiyajukokwono. Toro tovino tov wuulo killo'mo ago tovida'ai a'mwo mollomwalokwe tool yiuwi'nokai womdo ton Joosepollu me'no kuubweyoka tonyuno kuudo kwolallo miyourokwapiyajukekono.

Muuduko 40:4

Toro tovi a'mwo toorallu kuulomerosuno sumaiyokwe duuwato womdokwe tooravuro mollomwalo tool Joosepollu a'mwo su toorallu mollomwallo'mo ajesokaikono. Toro tooral wuulo killo'mo ago tovi manyu toga ai'nallajulorakono.

Muuduko 41:10

Toro buujuno sumaiyokwe aro kuudokaikono. “Aiyoga guu Feroo tooku a'mwo bret doto sajuko a'mwo aguto tooke'aro nuuge'aro toonallu surodo guuno'no wuulo ameronakubweyodonakono. Toro toonallu gumoro duuwato womdokwe toorai mido mollomwalo toolluro wuulo killo'mo ago tovi aulomeronakubweyodonakono.