Muuduko 27:43 - Gooti Toolluro Yogalokwono

⁴³ Toro wuujuno sumaiyokwe aki aro amadokakwono. “Guu moro kwolaiyo tookugono. Toro tooku moro yogalo agudumi akavi neya duumjunono. Moro nyo'mwo Lebanol wagwolago Haran amwalluko toollomno lukado yere dovlavono.

Muuduko 27:43 Σταυροειδείς Αναφορές

Muuduko 11:31

To'no'gwowi Tera'wol Bebelooniyada'ai wagwolago Uur toru wuugollu'meyo'moneyokwe gami muugunyo kwolabolo Eburameke Saraiyokwe teyauke'aro gami muugunyo Haranolluro kwolaiyo Looteke'aro tonumdoto wuugollu'mo'mno sumaveyokwe Kenan'no avlavoponumdotogano. Toro tonumdoto plaino sumaveyokwe kwako Kenan toru yere mai'movapogano. Toro kun kuruv kwako puwai ki'mo'mno sumaveyokwe amwaloponumdotogano. Kwako su towai'no yovo tov Haran dodupudorukono.

Muuduko 24:29

Rebekav aro tovino kuudokakwono. Oo a'mwo pwol mi kuuguudo me'no anyudumokaikono. Kuuguudo su tovi wuudoduke toga gami jo'mwo Lebanol kuu'nokaikono. Aki a'mwo womdokwe toolluro gool mabidoga aullungiko tollugwogu'aro gool a'muunado sakwollungiko tovake'aro kwiyoka tonyu kwonokaikono. Toro wonyuno sumaiyokwe a'mwo womdokwe toollomno wonyo buugo alsovomwollosungiko toru'no yere alokabokaikono. Toro lokabino sumaiyokwe a'mwo womdokwe tool gami sa'ai kemel toorogai wonyo buugo alsovomwollosungiko tovi wobo toru da'mduke kwonokaikono.

Muuduko 25:20

Aisakol 40-pela kworomokwe tool Rebekavi amarokaikono. Rebekav Betuuwelolluro taiyokwono. Aki Lebanollu jo'mwokwono. A'mwo su tooral Arameyoda'aiyorakono. Aram toru Mesoopootemiya tomuu wo'dowodorukono.

Muuduko 27:13

Jekoopol toro kuudoka tovi gami ganeyago tov aro kuudokakwono. “Gumi junumiyago toolluro tabunyu agubweyo'ji tov yiuno nuuno ma'mokwono. Toro te guu moro agudumo tovino to'no neya duumjunono. Aki meme bwopto toorallu galomora'bi donumokabono.” Kuudokakwono.

Muuduko 27:42

Toro kuvi kuruv Rebekav gami muugunyo muudu'nodo Isoo'wolluro adoka tovino me'no kuu'nokakwono. Toro tov gami kwolaiyo wuullako Jekoopollu doma'no sumaiyokwe aro kuudokakwono. “Neya duu'nono. Gumi judai'yago Isoo'wol gumoro sugolmwa'judo tovino tov noromiyagubweyo'mo kwinadopiyo.” Kuudokakwono.

Muuduko 27:8

Rebekav toro wuujuno sumaiyokwe aki Jekoopollu aro amadokakwono. “Mi muugunyoloo, moro agudumi akavi neya duumjunono.

Muuduko 28:10

To'no'gwowi Jekoopol Mesoopootemiya tomuuno plaiyo'moneyokwe Biyasiba toru wuugollu'mo'mno sumaiyokwe puuto tov wagwolago Haran tomuu'aro amjo'movlaiyajukekono.

Muuduko 28:5

Aisakol Jekoopollu morapiyo'moneyokwe kuuguudo su toro amadokaikono. Toro majuno sumaiyokwe toga Jekoopol Mesoopootemiya'no plaino sumaiyokwe Lebanollu wuuru'maro'no amwallajulekono. Lebanol Arameyoda'ai Betuuwelolluro muugunyekono. Aki Lebanol Jekoopeke Isoo'weke todorallu kuuneyago Rebekavi jo'mwekono.

Muuduko 28:7

Toro kuudoka tov mi nyugwai'yago Jekoopol gami ganum kwolabolo teyaullu kaduko wiyo'no Mesoopootemiya'no me'no avlavoka tooldeyo. Kuudo saurokaikono.

Kuurotokwe 5:29

Pris aguto tool toro kuudoka tovi Pitaike'aro a'mwo kuurotokwe toorogai'aro tooro aro kuudoporogano. “Nevu a'mwo yasuwa'nodo pworavuro yogalo tovino to'no muumjunanonogano. Toro kwonol kuruv yiuno Gooti toolluro yogalo to'gwowi kuvinono neya uumjunmwalanonogano.