Muuduko 22:20 - Gooti Toolluro Yogalokwono

²⁰ Toruda'ai lukomgu Eburaiyamol kuuguudo aro tovi kuu'nokaikono. Gumi jugwai'yago Nahoorolluro abolo Milkav kwolaiyo pworai somarokakwono.

Muuduko 22:20 Σταυροειδείς Αναφορές

Muuduko 11:26

Toruda'ai aki Tera'wol mwalno mwalno sumaiyokwe toga 70 kworomokwe tool kwolaiyo pworapwol sawosunokaikono. Kwolaiyo su tooraino yovo tov Eburamol Nahoorol Haranol toorogano.

Muuduko 11:27

Kuuguudo akav Tera'wolluro kwikweyago kwolaiyo toorainokwono. Tera'wol kwolaiyo pworapwol sawosunokaikono. Eburamol kuuno Nahoorol kuuno Haranol kuuno toorogano. Toro te Haranol kwolaiyo pwol yawosunyuno sumaiyokwe Lootolo sowarokaikono.

Muuduko 11:29

Aki Eburameke Nahooroleke todoral abolo amarolorakono. Nahoorol abolo mallo'moneyokwe gagwai'yago Haranolluro taiyo puruval tovalluda'ai puruv amarokaikono. Taiyo su tovalluno yovo tov puruv Milkav puruv Isukav. Toro tovalluda'ai Nahoorol Milkavi amarokaikono. Aki Eburamolluro abolo amaroka tovino yovo tov Saraiyovokwono.

Muuduko 15:1

Toruda'ai Gooti Yawel Eburamollu wojo tovibusuko wiyalo'no'no aro kuudokaikono. “Eburamoloo, luko mibinono. Gumi sabiyo tou'busuko gujumo'nodumdo toonyu yellukuromollogumwalodumdonyugono. Toro toonyu mubiyo sugudo pun nogujamonyugono. Toro agujami su ton sugudo kuunodogano.” Kuudokaikono.

Muuduko 22:21

Toro tooraino yovo tov muudu'no somaroka tool Uusolekono. Aki kwolaiyo su toolluro gagwai'yago tooro Buusoleke Aramollu ganumiyago Kemuuweleke Kesetoleke Hasoo'weke Pildaseke Jitilapeke Betuuweleke toorai somarokakwono.

Muuduko 24:10

Toro wino sumaiyokwe Eburaiyamolluro kuto ivito sugudo yasuwa'no wiyo'moneyokwe ton maro'no Eburaiyamolluro atousal sa'ai kemel toorai muunyu toru ilomoroso'no kuugollu'movokaikono. Toro tool plaino plaino sumaiyokwe kwako Mesoopootemiya tomuu wagwolago Nahoor toru ai'movokaikono.

Muuduko 24:15

Toro tool subusu'nyogalo kuuno doduke toga Rebekav gami wonyubiyo bootool tov ikwovomworaro'no alokabokakwono. Sujuraiyo su tov Nahooreke Milkakwe teyaulluro muugunyo Betuuwelluro sujuraiyokwono. Nahoorol Eburaiyamolluro gagwai'yagekono.

Muuduko 24:24

Toro kuudoganoka tovi Rebekav kuudokakwono. “Nuu Nahooreke Milkakwe teyaulluro muugunyo Betuuwelolluro taiyo to'migono.”