Muuduko 2:7 - Gooti Toolluro Yogalokwono

⁷ To'no'gwowi Gooti Yawel a'mwo muudu'nodo toollu yakwollo'mo tool kwako puruv malluno sumaiyokwe a'mwo toolluro kulako tov sakwollokaikono. Toro yakwolluno sumaiyokwe toga Gooti Yawel a'mwo toollu aiyo imo'nono'moneyokwe gamoro subuupuuto tovi'aro pwo'mi muujudo kuuwapiyoka toga a'mwo tool aiyo sumo'nokaikono.

Muuduko 2:7 Σταυροειδείς Αναφορές

Muuduko 1:27

Toro yajunyuno sumaiyokwe toga Gooti tool a'mwo abolo gavubusuko tonyu sokwollosokagano. Toro tool aro sokwollosokaikono. A'mwo pweke abolo purukwe tovallu sokwollosokaikono.

Muuduko 2:6

Buuruko toro maviyajuko kuvi kuruv kwa'muujudo tov muunyu kai'muu ilodawo kwako akavi aki aiko te iminyo abwolbweyajukokwono.

Muuduko 3:19

Toro te guu womdo tov dukwogulo imo'naro'bi nyomjonomwekovla'mwalbinekugono. Toro tekwogu nuvu kwako tovida'ai saguukwollo tooku kwako tovi aki aiko te pla'binekwogugano. Tabunyuwuulo akav toro agubwemono.” Gooti Yawel a'mwo toollu toro kuudokaikono.

Muuduko 3:23

Toro juno sumaiyokwe Gooti Yawel Adamollu kuudokaikono. “Guu womdo Idenda'ai bolokwo'bi kwako puvino dovlavono. Kwako su tov gumi saguukwollo tovi julloburoudanogawono.” Gooti Yawel Adamollu toro abilomodovomjopiyokaikono.

Joon 20:22

Jisasol toro me'no wuujuno sumaiyokwe gamoro sumuujudo tov uumjunyokwe su toorai uuwapiyo'no aro kuudokaikono. “Kevu Gooti toolluro Kuullo toollu nomapinorekikono.

Kuurotokwe 17:25

Aki Gooti su tool noonyumwonyu punyuno supto miyokwekono. Toro toolluno tov kwako akavida'ai a'mwo pwol gamoro ato tokwe noonyumwonyu pun yakwollowo'ji Gooti su toollu wiyo'mwojo'moneyokwe ku'nono mwiyonekono. Toro tov aro tovinokwono. Gooti gavnokwe su tool yiuwi'nokai kwako akavi mwalodowado tonollu aiyo nekullabodowodekono. Toro nekullaboduke tovida'ai sumuujudo tov yalomo'mdowadonogano. Aki yiuwi'nokai supto yodowado kun kuruv nekullabodowodekono.

Room 9:20

Kuudo neya jaullulo. Guu yasuwa'no mimo'nodekugono. Toro kweku kuruv Gooti toolluro ilaiyo winoduke tomgu'aro sokwollagubweyoka tooku imo'nodumdekugono. Toro tooku Gooti toolbusukekumaiyo. Toro tookujuno tov Gooti toollu yamuugojo aro nuudoganbiyo. “Oo Goot, guu akaro tomgu'aro sokwollanubweyodo tov buro'nyo kavlo tovino'mdeyo?” Guu su toro kuudoganbi tov ilaiyo mibinekugono. Gooti tool gavnokweyolluro winoduke tomgu'aro sokwollagubweyokaikugono.

1 Koorin 15:45

Gooti toolluro yogalo puruv aro sakwollungikokwono. “A'mwo muudu'nodo tool Adamolekono. Toro tool a'mwo aiyokwe sumo'nokaikono.” Toro sakwollungiko kuvi kuruv aiyowo'mo Adamolbusuko gabovo pwolno'gwowi a'mwo abolo tonollu aiyo nekubwemovlaiyo'moneyokwe Kuullo sumo'nokaikono.

1 Koorin 15:47

A'mwo muudu'nodo sumo'noka su tool kwako akavuro sullukwako tovida'ai sumo'nokaikono. Toro kuvi kuruv a'mwo lukomguda'ai gabovo toolno'gwowi Gooti toolluro ago muunyu kai'muuda'ai abokaikono.

2 Koorin 4:7

Nemoro poowokalago anakuuto tomuuda'ai bako pwopiyodowodo su tov kuuguudo sugudo tovino yovekurajokwono. Kuuguudo sugudo su tov nuugwiyo bwotonyo tokwe biyoma'dupudo to'busukokwono. Kuuguudo sugudo kuulanekwo'dowodo su tovuro jurogudo tov nevnokwenolluro'maiyo. Toro kuvi kuruv yiuno Gooti toollurokwono. Toro te Gooti toolluro jurogudo su tovi kuu'maiyo toru'no wuuduuwallo'moneyokwe nevu kwa'bootool jurogudo maiyo to'busuko imo'nodowadonogano. Toro tekwojonollu gamoro kuuguudo sugudo tov kuulanekwo'dowodokwono.

2 Koorin 5:1

Nevu aro kuudo nyau'mwakuuwono. Nemoro kwako akavida'ai kulako tov sel ago to'busukokwono. Sel ago su tov awo'dolopiyo'ji tov Gooti tool kulako muuduko puruv nonekullabwonekono. Kulako muuduko su tov nemi ago muuduko to'busuko nonekullumo'nonokwono. Ago muuduko su tov kwako akavida'ai a'mwo tooravuro ato togai mododupudo'maiyo. Toro kuvi kuruv Gooti gavnokwe toolluro sokwollanekubweyo'ji su tokwe gamoro mwalodowodo muunyu kai'muu aiyo yiunokuudo mujomwekovla'mwalanonogano.

1 Timooti 2:13

Su tov aro tovinokwono. Gooti tool sumdomgu Adamollu sokwollosokaikono. Toro sokwollosoka su toolluda'ai lukomgu Iviyovi sokwollosokaikono.

Hibruu 12:9

Toro te kuudo pun jaullulo. Nemoro kwako akavida'ai nellunumiyago tekwojo kuudo nekuuteyodopure kworai kuruv nevu kemoro dolago tomuu ilaiyo amwallajuuwonogano. Su toro to'busuko kubalno nemi muunyu kai'muuda'ai Nellunumiyago kwollu kuruv dolago tomuu guureji neya kuulomwalmwalanonogano. Gooti su tool nemoro kuullo tobuurai Kuunumiyago wimo'nodowodekono. Toro toollu nevu dolago tomuu kuulomwalodowado tovi'aro aiyo mujomwekovlaiyo'moneyokwe tov noma'mwalanonogano.