Muuduko 11:29 - Gooti Toolluro Yogalokwono

²⁹ Aki Eburameke Nahooroleke todoral abolo amarolorakono. Nahoorol abolo mallo'moneyokwe gagwai'yago Haranolluro taiyo puruval tovalluda'ai puruv amarokaikono. Taiyo su tovalluno yovo tov puruv Milkav puruv Isukav. Toro tovalluda'ai Nahoorol Milkavi amarokaikono. Aki Eburamolluro abolo amaroka tovino yovo tov Saraiyovokwono.

Muuduko 11:29 Σταυροειδείς Αναφορές

Muuduko 17:15

Toruda'ai Gooti tool Eburaiyamollu aro kuudokaikono. “Gumoro abolo tovino yovo tov Saraiyovo wuudodupudo kuvi kuruv aga'no'gwowi gamino yovo muuduko puruv Saravo sowa'mono.

Muuduko 20:12

Aki toro so kuvi kuruv nuu kuunano miyoukuu'naikudonyugono. Nebal'no aikudonyugono. Abolo su tov mi nyo'mwo kuvi amaronyugono. Nami nallunumiyago tool avalo pwolluro'makono. Toro kuvi kuruv ganeyago to'gwowi puvurokwono. Toro tovi amaronyugono.

Muuduko 22:20

Toruda'ai lukomgu Eburaiyamol kuuguudo aro tovi kuu'nokaikono. Gumi jugwai'yago Nahoorolluro abolo Milkav kwolaiyo pworai somarokakwono.

Muuduko 22:23

A'mwo Betuuwelol su tool Rebekavi ganumiyagekono. Toro te Nahoorolluro abolo Milkav 8-pela muugunyo su toorai toro somarokakwono. Aki Nahoorol Eburaiyamollu gagwai'yagekono.

Muuduko 24:10

Toro wino sumaiyokwe Eburaiyamolluro kuto ivito sugudo yasuwa'no wiyo'moneyokwe ton maro'no Eburaiyamolluro atousal sa'ai kemel toorai muunyu toru ilomoroso'no kuugollu'movokaikono. Toro tool plaino plaino sumaiyokwe kwako Mesoopootemiya tomuu wagwolago Nahoor toru ai'movokaikono.

Muuduko 24:15

Toro tool subusu'nyogalo kuuno doduke toga Rebekav gami wonyubiyo bootool tov ikwovomworaro'no alokabokakwono. Sujuraiyo su tov Nahooreke Milkakwe teyaulluro muugunyo Betuuwelluro sujuraiyokwono. Nahoorol Eburaiyamolluro gagwai'yagekono.

Muuduko 24:24

Toro kuudoganoka tovi Rebekav kuudokakwono. “Nuu Nahooreke Milkakwe teyaulluro muugunyo Betuuwelolluro taiyo to'migono.”