Muuduko 1:9 - Gooti Toolluro Yogalokwono

⁹ Toruda'ai Gooti tool aro adokaikono. “Sulugumdo tovi dolago tomuuda'ai wonyo tov avalo pumgu neya woronokwono. Toro wo'dowo'jure toga pumgu yalukullo imo'nonokwono.” Gooti tool toro adoka toga kuvinono sumo'nokakwono.

Muuduko 1:9 Σταυροειδείς Αναφορές

Muuduko 1:8

Toruda'ai Gooti tool sodo tovino yovo tov, Sulugumdovo, sowarokakwono. Iruko su tollugwojuro surakuuto tov me'no uuwolo'no'no lomwo sullourosokakwono. Toro illourosuno sumaiyokwe iruko naba 2 tollugwo me'no abawokakwono.

Joona 1:9

Toro kuudoganopo toorai Joona'wol aro kuudokaikono. “Nuu Hibruu a'mwonyugono. Toro toonyu muunyu kai'muu mwalodowodo Gooti Yawellu ilomoropiyodamdonyugono. Gooti su tool soolwara tokwe kwako tokwe tovallu sokwollosokaikono.”

2 Pita 3:5

Toro kuvi kuruv a'mwo su tooro aro tovino mwonyubusuko to'no yodupudorogano. Aiyoga muudu'nodo toga Gooti toolluro yogalo doduke tovi'aro sulugumdo tokwe kwako tokwe toval sumo'nolovakono. Gooti tool gamoro yogalo tokwe to'no wonyo kamiyo tovi anakuuto tomuuda'ai kwako yalukullo tov sokwollosokaikono.

Adodolukuu'nosungiko 10:6

Toro bomokailno sumaiyokwe Gooti aiyo yiunokuudo mujomwekovla'mdowodo toolluro yovo tovida'ai subuu'yamju aduuwiyokaikono. Gooti su tool sulugumdo tokwe'aro kwako tokwe'aro soolwara tokwe'aro yiuwi'nokai su tomuu mwalodupudo kugai'aro tonyu sokwollosokaikono. Toro sokwollosoka toolluro yovo tovida'ai ensel tool subuu'yamju aro aduuwiyokaikono. “Gooti toolluro nyo'moneyokwe tovino sogwollo kinyo'moga'maiyo. Aga kuvinono nyumo'nono'mogakono.