Muuduko 1:3 - Gooti Toolluro Yogalokwono

³ Toruda'ai Gooti tool aro adokaikono. “Bako puruv neya imo'nono.” Toro adoka toga bako tov kuvinono sumo'nokakwono.

Muuduko 1:3 Σταυροειδείς Αναφορές

Muuduko 2:4

Kuuguudo akav Gooti Yawel sulugumdo tokwe kwako tokwe tovallu sokwollosoka tovinokwono.

Matyuu 8:3

Toro kuudoka toollu Jisasol gami ato tov ruuguusapino sumaiyokwe a'mwo su toollu uubogai'no'no aro kuudokaikono. “Nuu ilaiyo anyunumaiyo. Toro te gumi agujukulmono.” Toro kuudoka kuga'gwo kuuno a'mwo su toolluro wonawiyo nobollo bwotonyo tovi kuvinono sukulokaikono.

Joon 1:5

Bako su tool dugumdo tomuu pwopiyodowodekono. Aki dugumdo tov bako su toollu ku'nono maibuulowosonokwono. Bako su tool yiunokuudo pwopimovla'mwalonekono.

Joon 1:9

Bako kuunodo su toolno'gwowi yiuwi'nokai a'mwo abolo tonyu uuwodowodekono. Aki bako su tool kwako akavi bai'meyo'mo sajukekono.

Joon 11:43

Jisasol toro me'no wuujuno sumaiyokwe toga deko guureji aro adokaikono. “Lasarosoloo, dolokabono!” Adokaikono.

Joon 3:19

Kooti yogalo su tovuro kirumwallo tov aro tovinokwono. Gooti toolluro bako toonyu kwako akavi kwolabonyugono. Toro kuvi kuruv a'mwo abolo ton ma'no ma'no yodupudo tovino tov bako toonyuno ilaiyo mwinodupudogano. Kemi dugumdo tomuuda'ai noonyumwonyu pasudo tooraino to'no kalo buuropino winodupudogano.

2 Koorin 4:6

Kuudo neya jaullulo. Gooti tool aro me'no adokaikono. “Dugumwuulo tomuuda'ai bako tov imo'nono.” Toro adoka Gooti su tool nemoro poowokalago tonyu Jisas Kraisolluro bako tov me'no anekuuwokaikono. Gooti toolluro bako bwotonyo su tov Jisas Kraisolluro sumdomago tovi'aro nevu me'no wonoma'dowadonogano. Toro te bako su tov nemoro poowokalago tonyu anakuuto tomuu me'no pwopiyodowodokwono.

Efesos 5:14

Aro tovinokwono. Bako pwopiyodowo'jure tomuu yiuwi'nokai ton kuu'maiyo toru'no bomollolupto'nosodowodogano. Su toro tovino yogalo puruv aro dodowodokwono. “Guu a'mwo me'no bolodupudo tooravuro tomuu sa wo'dumdo tooku aiyo aiko te neya dodukavono. Toro aduka'bi tookuji Krais tool gworeko toolbusuko gujumo'nowo'ji gumi bako noguuwonekono.” Dodowodokwono.

Efesos 5:8

Su tov aro tovinokwono. Sumdomgu kemoro poowokalago ton dugumwuulo toollu anakuuto tomuu kwollajupogano. Toro kuvi kuruv aga'no'gwowi Aguto toolluro a'mwo abolo me'no wimo'nodupudo togaikulluno tov gamoro gworeko to'busuko me'no wimo'nodupudogaikikono. Toro togaikul kemi Aguto su toolluro bako tov kuu'maiyo toru'no pwopiyo'moneyokwe pasudo tollovo neya domjumovlavogaulo.

1 Timooti 6:16

Aki Gooti yiuno pwolnodo su tool mabolonekono. Aki gamoro bako mwalodowodo tovi wobo toru kwako akavida'ai a'mwo pwolnodo kwol kuruv ku'nono maulai'mowonekono. Aki kwako akavida'ai a'mwo pwolnodo kwol kuruv Gooti su toollu mwonyajukekono. Aki lukomgu kuga kuruv kwako akavida'ai a'mwo pwol ku'nono mwonekono. Gooti su toolluno aro dodowadekono. “Oo yiuno Gooti pwolnodo su tool yovo aguto neya ma'mwalonekono. Aki toro toolluro mido mollomwallo tov yiunokuudo mujo'movla'mwalonokwono. Kuuguudo su tov nebal'nodokwono.” Dodowadekono.

1 Joon 1:5

Krais Jisasolluro yogalo nekudoduke tovi nevu me'no kuu'nowonogano. Yogalo kuu'nowo su tov aga kemi aikudumwakuuwono. Su tov arokwono. Gooti tool bako to'busukekono. Aki Gooti toollu anakuuto tomuu dugumdo puru'monodo kuruv nonagutekono.

1 Joon 2:8

Loowo su tov uumdo kuvi kuruv aiyo kuuno imo'nodowodokwono. Loowo su tovi Krais tool kuvinono kuumjunyajukekono. Toro toolbusuko kubalno kev kugaikul kuruv kuvinono uumjunodupudogaikikono. Kevuge'aro Krais tooke'aro togaikul loowo aiyo su tovino kuu'maiyo wuuduuwallunodupudo tov aro tovinokwono. Dugumwuulo tov nyovlaiyo'mo sadopiyo. Aki bako kuunodo pwopiyodowodo tov me'no abai'mo'mwallukokwono.