Mollurolovomato 8:15 - Gooti Toolluro Yogalokwono

¹⁵ Toro te Feroo tool nabuulo tooro abolopiyopo toorai kwonokaikono. Toro wonyuno sumaiyokwe adokaikono. “Oo me'no dobolopigovo.” Toro juno sumaiyokwe gamoro poowokalago tov aki aiko te lumdo aulopiyokaikono. Toro kuulopino sumaiyokwe Mooseseke Erooneke todoralluro kuudolo tovi kaduko mwiyokaikono. Gooti Yawelluro me'no adoka su tovi Feroo tool kuvinono sokaikono.

Mollurolovomato 8:15 Σταυροειδείς Αναφορές

Hibruu 3:15

Toro tovino Gooti toolluro yogalo puruv aro sakwollungikokwono. “Aga toga kevu Gooti toolluro yogaimaguurai ikudodowo'jure tovi kuu'nupi tov kemoro poowokalago ton lumdo noulopimwalpiyo. Aiyoga Isuraiyolda'ai ton kisuvolo kwiyajupo to'busuko kubalno kev kugaikul kuruv aval'no nyumwalpiyo.” Sakwollungikokwono.

Hibruu 3:8

kemoro poowokalago ton lumdo noulopipiyo. Aiyoga kemi tellukweyago ton kwako a'mwomaiyo yalukullo toru yamju wiyoganoduke toga kisuvolo kwiyajupo tonbusuko nyumwalpiyo.”

Mollurolovomato 7:4

Duuwallo su tonyu wonopi kuvi kuruv Feroo tool gumi maguu'nyubusuko yonekono. Toro so'ji tovino tov nuu Ijupda'ai tonyu kirumwallo'moneyokwe duuwallo jurogudo togai kaiyako igolmonyugono. Toro igolo'mi moro a'mwo abolo Isuraiyololluro go'no go'no iko tovasuda'ai tonyu kwako Ijup toruda'ai bomokalokuumonyugono. Toro bomokalokwodo'mure toga Ijupda'ai tooro wonopi mino tov, Oo Gooti Yawel kwoldeyo, kuudo yanuupinorogano.” Gooti Yawel Moosesollu toro kuudokaikono.

Mollurolovomato 14:5

Isuraiyolda'ai ton lukado me'no abolokwopo tovino a'mwo pworo Ijupda'ai a'mwo aguto kig Feroo toollu kuudoporogano. Toro kuudopo tovi Feroo tooke'aro gamoro a'mwo womdo tovi mollomwalokwe toorogai'aro tooro wuu'no'mno Isuraiyolda'ai tonyuno aki aiko te kuudo pumgu'aro yau'no sumaveyokwe aro sajunoporogano. “Awi, Isuraiyolda'ai ton nobolokwodopure toga nevu buro'nyo'mo wonyapino sumwa'juwonoldeyo? Aga'no'gwowi nemoro ki'nato womdo ton mimwalpinogano.” Sajunoporogano.

Mollurolovomato 4:21

Toro pla'mdopure toga Gooti Yawel Moosesollu aro kuudokaikono. “Guu Ijup toru ai'mo'bi toga moro yiuwi'nokai duuwallo tonyu Feroo toolluro sumdo tovi kuvinono neya wuuduuwallubinekugono. Toro kuuduuwallubi kwol kuruv moro yodo'mure tovida'ai Feroo tool gamoro poowokalago tov lumdo kuulopiyowo'ji a'mwo abolo tonyu mirolowapiyonekono.

Adodolukuu'nosungiko 16:9

Toro bekuroma'duke kuvi kuruv a'mwo abolo su ton Gooti toollomno kuudo youragunyumo'nyo'mo mwinyajupogano. Aki tabunyuwuulo su tonyu moropiyabiyo'moneyokwe jurogudo tov yiuno Gooti toollu uuwo'duke kuvi kuruv a'mwo abolo ton Gooti su toolluno yovo aguto mwiyajupekono. Aki gamino yovo tovi bwolomorumwogapiyo'moneyokwe kaiya'no yogalo dodupu kemi ma'no ma'nodo pasudo toorai kuuno kuumjungovlaiyajupogano.

Mollurolovomato 8:8

Toruda'ai Feroo tool Mooseseke Erooneke todorallu doma'no sumaiyokwe aro kuudokaikono. “Nuuge'aro moro a'mwo abolo togai'aro tonolluda'ai nabuulo akarai modukwopiyono'moneyokwe kev todorakul Gooti Yawellu subusu'nyogalo neya duujulo. Toro kuudubullu toga nabuulo tooro anekugollu'mopi tov nuu a'mwo abolo ton Gooti Yawellu wiroudapiyo'mo pla'mdopure tonyu nokwo wonyapino imonyugono.” Kuudokaikono.

Mollurolovomato 8:14

Toro abolopiyopo toorai a'mwo Ijupda'ai tooro mollu'bworosuno sumaveyokwe nabuulo su tooro kwako su tovi aiyowomno buullujudo aunoporogano.

Mollurolovomato 8:16

Toruda'ai Gooti Yawel Moosesollu kuudokaikono. “Guu Eroonollu aro duudono. “Guu sullukwako tovi gumoro yodeko tokwe doromiyono. Toro aromibi toga yiuwi'nokai kwako Ijupda'ai sullukwako wo'dowodo tov sumusuko tooro imo'nupinorogano.” Toro duudono.” Kuudokaikono.

Mollurolovomato 8:28

Moosesol toro kuudoka tovi Feroo tool kuudokaikono. “Kevu kemi Gooti Yawellu wiroudapiyo'mo kwako a'mwomaiyo kuu'maiyo toru'no nokwo plapinogaikikono. Toro kugaikul kuruv manyu tomuuno mavlapinogaikikono. Toro te kev todorakul mi nyo'mwojo'mo Gooti Yawellu subusu'nyogalo duujulo.” Kuudokaikono.

Mollurolovomato 8:29

Toro kuudoka tovi Moosesol aro kuudokaikono. “Nuu aga toga bolokwo'mi Gooti Yawellu subusu'nyogalo nuudumonyugono. Toro kuudumi tovi bi'ai lu'gwolamdo tooro guuge'aro gumoro a'mwo womdo tovi mollomwalokwe toorogai'aro gumoro a'mwo abolo togai'aro togaikulluda'ai nekugollu'mokavlapinorogano. Toro gujo'mwojodo'mure kuvi kuruv guu Feroo tooku aki aiko te kuunano nyoukuu'nanekudubiyo. Aki nevu Gooti Yawellu wiroudapiyo'mo pla'mdowa'jure tonollu puuto tovi nonekumjuku'biyo.”

Mollurolovomato 8:32

Toro sumo'noka kuvi kuruv Feroo tool gamoro poowokalago tov lumdo aki aiko te kuulopiyo'no Isuraiyolda'ai a'mwo abolo tonyu mirolowapiyokaikono.