Luuk 6:30 - Gooti Toolluro Yogalokwono

³⁰ Aki guvu yiuwi'nokai a'mwo abolo gumi domdo adagujugonpi tonyu kuvinono neya duuwiyogawono. Aki a'mwo pwol gumoro kuto ivito pun supologumaro'ji tov guu kuto ivito su tonyu aki aiko te node'noma'biyo.

Luuk 6:30 Σταυροειδείς Αναφορές

Matyuu 18:35

Toro te moro Nyunumiyago muunyu kai'muuda'ai tool kemi su toro tomgu'aro aval'no nyaikullugolo'jo. Toro tovino tov kevu kemi avalo tellugwai'yago ikullumo'nodupudo tekwojavuro kaiyako saikullugolpi tov kevu su to kworavuro ma'no ma'no pasudo tovi kemi poowokalago kuunodo togai yiunokuudo neya domodukwopiyogaulo. Toro kuvi kuruv kevu su toro mipi to'gwowi moro Nyunumiyago muunyu kai'muuda'ai tool yovekurajo to'busuko tomgu'aro aval'no nyaikullugolmwalonekono.” Jisasol su toro kuudokaikono.

Matyuu 5:39

Toro kuvi kuruv nuvno'gwowi aro ikudumo'mokwono. A'mwo pwol ma'no ma'no so'ji toollu guu a'mwo su toollu kaiyako migolbinono. Toro kweku kuruv a'mwo pwol gumoro anato tomguda'ai suuwado tovi alpuurogumollo'ji tov a'mwo su tool gumoro kwonamomguda'ai suuwado tovi alpuuronumolloneyokwe guu neya domorubweyono.

Matyuu 6:12

Aki nevu a'mwo abolo nemi kaiyako sanekullugolopo tonyuro ma'no ma'nodo tonyu modukwopiyodowado to'busuko kubalno guu nemoro ma'no ma'no pasudo yodowado tonyu yiunokuudo domonekudukwopiyogawono.

Luuk 11:41

Toro te kemoro poowokalago kuullo'movaikwopiyodowo'jure tomgu'aro uumjunopi a'mwo abolo supto yodupudo tobuurai neya duuwiyo'mwojogaulo. Kevu su toro supi tov kemoro yiuwi'nokai anakuuto tomge'aro kwa'mgu tomge'aro kuruv yiuno sugudo to'no aval'no imo'numwalbullunovakono.

Luuk 12:33

Toro te kevu a'mwo abolo apoo'nyaiyo supto yodopure pubuurai wiyo'mwojo'moneyokwe tov kevnokwe togaikulluro kuto ivito ton maket wosopi nuugwiyo amapi su tov apoo'nyaiyo supto yodopure su tobuurai neya duuwiyo'mwojogaulo. Kevu su toro supi togaikul muunyu kai'muuda'ai nuugwipweyo tonbusuko ton nomapinogaikikono. Su ton kaiyako yiunokuudo mi'nopiyo'moneyokweyogano. Aki Gooti toolluro ago muunyu kai'muuda'ai sugumaluko touso nomollu'bworosumwalpinogaikikono. Su toro amollu'bworosupi tousono'gwowi piyarupto mwolabupinogano. Gooti toolluro ago muunyu kai'muuda'ai sugumaluko su tousai kuuko pwolnodo kwol kuruv ku'nono maulowo'dolomaronekono. Aki toro tousai namdo kworo kuruv kaiyako mamollugolamopinogano.

Luuk 18:22

Toro kuudoka toollu Jisasol wonyuno sumaiyokwe aro kuudokaikono. “Guu puvino supto kuuno sadokuuno. Mi neya donumjunono. Guu mi nonumjunyo'mo tooku aro ibinekugono. Gumoro yiuwi'nokai kuto ivito ton maket tovi neya doosono. Toro woso'bi nuugwiyo agubipi tov a'mwo apoo'nyaiyo tekwojai neya duumwodeyono. Toro uumwodeyogala'bi toga mi neya donumjunogawono. Toro tooku lukomgu Gooti toolluro ago toru sulomwalbi toga sugumaluko kuunodo pun noma'binekugono.” Kuudokaikono.

Luuk 6:29

A'mwo pwol gumoro suuwado pumuuda'ai tovi allukurumollo'ji tov a'mwo su tool gumoro suuwado pumuuda'ai kuvi kuruv allukurumolloneyokwe nokwo wonyapino to'no jono. Aki a'mwo pwol gumoro nobwaiyo tovi supologumaro'ji tov guu wonyapino yo'bi gumoro youro kurukwe'aro a'mwo su toollu neya duuwiyono.

Luuk 6:31

Aki kevu pasudo punyuno, Oo a'mwo abolo pun nemi su toro tomgu'aro ilaiyo neya yanekullugolpuro, kevu pasudo su toro tovino ilaiyo ikullunodowodo tomgu'aro kevnokwe togaikul a'mwo abolo punyu pasudo aval'nodo togai to'no ilaiyo neya jugologaulo.

Luuk 6:38

Aki kevu a'mwo abolo tonyu yanyago kwimo'nupi tov Gooti tool yiuno aval'nodo tomgu'aro kemi yanyago ikullumo'nonekono. Gooti toolluro sugudo ikullabwono su tov bwotonyago kuunodokwono. Bwotonyago soullaikubweyo'ji su ton yiuno muju tovino bilowakuu'nowo'ji nobwolouro'bwo'nawonokwono. Su tov aro tovinokwono. Kevu a'mwo abolo tonyu yado kwipi tomgu'aro Gooti tool yiuno aval'nodo tomgu'aro nekullabwonekono.”

Kuurotokwe 20:35

Moro su toro sajo tovi kevu me'no kwonyajuporekikono. Toro te kev kworekul kuruv moro sajo to'busuko kubalno womdo guureji yopi a'mwo abolo wollainyo tobuurai neya duuwiyo'mwojogaulo. Su toro tovino nuu me'no aikuduuwallajonyugono. Aki nemi Aguto Jisasolluro yogalo puruv adoka tovino kuudo nyallulo'gwonmwalpiyo. Jisasol gavnokwe tool aro adokaikono. “Guu a'mwo pwollu burowo'nyodeyo ton yasuwa'no kwibi tov gumi poowokalago tovi ilaiyo bwotonyo ibwosunbinekugono. Toro tovino tov kevu aro kuudo nyaupiyo. Oo a'mwo pworavuro yasuwa'no anekullabupi tonyu amara'ji toga ilaiyo bwotonyo ibwosunanonogano. Awiyo, su toro aikullabupi toga ilaiyo pwekwono to'no ibwosunpinogaikikono. Toro kugaikul kuruv kemoro burowo'nyodeyo ton a'mwo pworai yasuwa'no kwipi toga'no'gwowi ilaiyo bwotonyo kuunodo ibwosunpinogaikikono.” Adokaikono.” Poolol wagwolago Efesosda'ai a'mwono moduvomwallokwe toorai toro kuudokaikono.

2 Koorin 8:9

Kevu nemi Aguto Jisas Kraisolluro yasuwa'wino sugumaluko tovino aro kuudo me'no yau'dupudogaikikono. Gooti tooke amwallajuko Krais tool noonyumwonyu bwotonyagokwe sumo'nyajukekono. Toro kwol kuruv kemi ikullo'mwojo'moneyokwe apoo'nyaiyo pwolbusuko sumo'nokaikono. Aki apoo'nyaiyo pwolbusuko sumo'noka su tov kevu muunyu kai'muuda'ai noonyumwonyu bwotonyagokwe neya imo'nupino'moneyokwe tovino'mokwono.

Efesos 4:28

Aki kevu kuuko yodupudo togaikul aga aki aiko te kuuko nyumwalpiyo. Toro kugaikul kuruv womdo neya domjumovlavogaulo. Kevnokwe togaikulluro ato tokwe womdo ilaiyo amjumovlapi tov a'mwo abolo supto yodopure tobuurai ilaiyo nokwo wiyo'mwojumwalpinogaikikono.