Biblia Todo Logo
Διαδικτυακή Βίβλος

- Διαφημίσεις -




Luuk 1:3 - Gooti Toolluro Yogalokwono

3 Toro to'busuko kubalno nuu kwonyu kuruv aro kuudo yau'dumdonyugono. Nuu yiuwi'nokai sumo'nugelabiyajupo tonyu po'dogalo kinomjumelabodumdonyugono. Toro kinomjumelabodumdo su tovino kuuguudo idopto'nodo tovi puukwollo neya yakwollumonyugono. Yau'dumdonyugono. Toro toonyu guu mi a'mwo aguto Tiyafulosekujomno pi'mwono yokwollagubwemo'mokwono.

Δείτε το κεφάλαιο αντίγραφο




Luuk 1:3
17 Σταυροειδείς Αναφορές  

Guu a'mwo aguto Tiyafuloseku moro puukwollo sokwollagubwemo akav aro tovinokwono. Nemi akuuto toru yiuwi'nokai Gooti toolluro womdo nekulloduke tovino a'mwo judo'no judo'nodo tooro puukwollo yakwollo'mo yamju kwiyoganyajuporogano. Toro tooro puukwollo go'no go'nodo tonyu kuvinono me'no sakwollajuporogano.


Oo Tiyafulosoloo, nuu sumdomgu buukiyo puruv me'no sokwollogujabonyugono. Buukiyo su tovi nuu aro tovino sakwollonyugono. Jisasolluro womdo mujumabino mujumabino sumaiyokwe yiuno Gooti tool kwollu muunyu kai'muuno amokailoka toga'no kwimo'nyajuko tonyuno sakwollonyugono. Aki Jisasolluro subwasajuko kugai'aro tonyuno sakwollonyugono. Moro pas me'no saguukwollo su tov toro tovinokwono. Toro te aga pugai'aro tonyuno yaguukwollumo'mokwono. Jisasol kwako akavi kuuno yomollo'no toga gamoro a'mwo kuurotokwe imo'numwalpino'moneyokwe a'mwo pworai ajesokaikono. Toro jesuno sumaiyokwe Gooti toolluro Kuullo tool Jisasollu jurogudo uubweyoduke tokwe Jisasol gami a'mwo kuurotokwe toorai sodubwasajukekono.


Toro amojurugolopo kuvi kuruv Pital yiuwi'nokai kwimo'nugelabiyajuko tonyuno sodubwasokaikono. Muudu'no kwimo'noka tovida'ai aro sodubwasokaikono.


Nuu proofet tooravuro puukwollo sakwollopo su tonyu wuu'nodum aro kuudo sau'mwakono. A'mwo Juu tooravuro miyawosunodupudo tooro Gooti toollomno kuudo youragunyumo'nodopure toorai nevu Moosesolluro loowo tokwe jul'nyo nuubweya'jo.


Toro tovino nevu i'bwo'nodowa aro me'no adomduukuurosumawonogano. Nevuge pworallu jesowa'ji kemiyomno wolomekwopiyabwanonogano. Toro tooral nemi ibwoto'nyo kuunodo Banabaseke Pooleke toorake kemiyomno wolabullunorakono.


Nevu Gooti toolluro Kuullo tool mollubworonekumokavla'mduke tovi uumjunodowa kemi Moosesolluro loowo tokwe jul'nyo ikubweyo'mo manekullunadopiyo. Su toro tovino me'no adomduukuurosumawonogano. Toro te aga kuuguudo paiko pwekwo aro adaikulla'ji tonyu neya uumjunmwalpinogaikikono.


Toro wolai'mo'mno sumaiyokwe wagwolago su towai iruko pubuul amwalokaikono. Toro tool iruko pubuul me'no mwalno sumaiyokwe wagwolago su tovi kuugollu'movokaikono. Toro wuugollu'mo'mno sumaiyokwe proovins puruvallu'aro avlavokaikono. Proovins su tovalluno yovo tov Galesiyake Frijiyake tovakono. Toro tovallu tomuu plaino sumaiyokwe wagwolago go'no go'nodo tonyu somollajukekono. Toro yomollodowo a'mwo abolo Jisasollu uumjunyokwe tonyu wuuru'ma'dowo jurogudo aduuwimwojomollajukekono.


“Oo gavman a'mwo aguto Feliksoloo, guu a'mwo sugudekugono. Nuu Klaudiyos Laisiyasonyu gumiyo'mo pas akav sokwollagubwemono. Toro te, Ilaiyokwono, agudumono. Nuu kuuguudo puruv aro gudumo'monyugono.


Gumoro yiuwi'nokai buro'nyo buro'nyodeyo yodumdo tonyu nevu yiuwi'nokai toonol ilaiyo to'no yodowa, Nenoloo, gudodowadonogano.


Toro kuudoka tovi Poolol aro kuudokaikono. “Oo jurogudokwe Festosoloo, awiyo. Nuu amomo yogalo majadokwono. Yiuno nebal'no yogalo tovi adadokwono.


Aki nemi avalo Apoolosolluno kuuguudo tov arokwono. Nuvu Apoolosollu guureji aro adumul'mwojonyugono. “Guvu Jisasolluro a'mwo pworogai plavo'bi wagwolago Koorinda'ai Jisasolluro a'mwo abolo tonyu neya duuru'marogawono.” Toro adumul'mwojo kuvi kuruv a'mwo su tool aga novlaiyo'mo mwinadopiyo. Toro kuvi kuruv lukomgu puuto ilaiyo ausubweyo'ji toga'no'gwowi kemi nobekuru'maronekono.


Toro kuvi kuruv nuvu aro kuudo sau'mwakono. Abekanyo su tobuul gavnokwe judo tobuul amjomwekovlawo'ji tov ilaiyo bwotonyo yonokwono. Ilaiyo bwotonyo su tov a'mwo muuduko pwollu uuma'nowo'ji ilaiyo somjomwekovlawo'jujuko tovi nuuwolowonokwono. Toro te moro kuuguudo aikudadokwo akavino nuvnokwe toonyu aro kuudo sau'mwakono. Gooti toolluro Kuullo kuulonumwalodowodo tooke amollodekubwasadokwono. Kuudo sau'mwakono.


Oo Timootiyoloo, guu Jisasolluro a'mwo abolo avalo tobuurai moro kuuguudo agudumo su tonyuno sodubwasubi tov Krais Jisasolluro a'mwo womdokwe sugudo imo'nubinekugono. Toro tookuji Gooti toolluro yogalo tovi kuudo uubweyowado su ton gumi aguto nokwo yogullumwojogwapimwalpinogono. Aki kuuguudo idopto'nodo ilaiyo tokwe yodubwasodowado tovi guu me'no uumjungelabodumdo su to kuruv gumi aguto nokwo yogullumwojogwapimwalonokwono.


Ακολουθησε μας:

Διαφημίσεις


Διαφημίσεις