Joon 8:7 - Gooti Toolluro Yogalokwono

⁷ Kemoro yamuugojo kwiyopo su tovino Jisasol anekudoneyokwe wuudoganyuno wuudoganyuno soporogano. Toro te Jisasol iloda'mno sumaiyokwe aro kuudokaikono. “Yowa'nogano. A'mwo pweku ma'no ma'no pasudo nonagutonyudeyo adubi su tooku abolo akavi sulo tokwe muudu'no neya doluvaromiyono.” Kuudokaikono.

Joon 8:7 Σταυροειδείς Αναφορές

Joon 7:46

Toro kuudoganopo tovi a'mwo mollurogudo tooro kuudoporogano. “A'mwo su toolluro yogalo moruudoduke tov pumgu'arokwono. Gamoro yogalo su tov yiuwi'nokai a'mwo pworavuro yogalo moruudodupudo tonbusuko'maiyo.” Kuudoporogano.

Joon 8:10

Toro te Jisasol aiko te iloda'mno sumaiyokwe abolo tovi aro kuudokaikono. “A'mwo gumi kooti yogalo dagujo'mo tooro gadomuu dovla'mavo? Gumi sulo togai luvoromiyagubweyo'moneyokwe a'mwo pwolnodo kwol kuruv nonagutomuudukono?” Kuudokaikono.

Joon 8:8

Jisasol toro wuujuno sumaiyokwe aki aiko te buulo lugulo'naro'no gami pollo tokwe kwako tovi puukwollo sakwollokaikono.

Kooloosi 4:6

Yovekurajo akavi duu'nyulo. Soore tov wosamujuko tonyu wuullo molludo'mdowodokwono. Su toro to'busuko kubalno yiuwi'nokai toga kemoro yogalo wuudodopure tovi'aro Gooti toolluro yasuwa'wino sugumaluko tonyuno kuu'maiyo toru'no neya bomollolupto'nubweyogaulo. Aki kemoro yogalo wuudodopure su tovino a'mwo abolo pun yamuugojo nekudoganpinogano. Toro aikudoganpi tovino'mo kevu sumdomgu neya jovrowosunogaulo. Toro togaikul yiuwi'nokai a'mwo abolo pwolno puru'monodo tonyu kemoro yamuugojo tonyuno pi'mwono nokwo wuudumwalpinogaikikono.

Adodolukuu'nosungiko 1:16

Toro tool gami anato tokwe 7-pela sullugabwo toorai amworarokaikono. Toro mwora'no sumaiyokwe gamoro mago tovida'ai molo'mo kwallu'mopto puul alokabokakwono. Kwallu'mopto su toul imgu amgu do'nyo do'nyo avairo'nyungiko tousi kwononyugono. Aki gamoro sumdomago tov kuujunapto togasuro kuujo tool guureji dodowodo to'busuko kubalno bwotonyo pwopiyoduke tovi kwononyugono.

Adodolukuu'nosungiko 19:15

Aki toro kuumjunopo su toolluro mago tovida'ai molo'mo kwallu'mopto puul alokabokakwono. Kwallu'mopto alokaboka su touke yiuwi'nokai kantri go'no go'nodo tomuuda'ai mwalodupudo tonyu iwago romiyo'mokwono. Aki toro tonyu aiyon iwanyiko amworaro'ji tokwe mido mollomwalo tov guureji to'no mollomwalonekono. Aki toro tool wain ikulsulo tonyu suvlo tokwe gurojodupudo to'busuko kubalno a'mwo abolo su tonyu suvlo tokwe gurojodawonekono. Su toro agurojodawo'ji toga Gooti Jurogudo Kuunodokwe toolluro surodo wuunodowodo tovino kuu'maiyo wuuduuwallonekono.

Adodolukuu'nosungiko 2:16

Toro te guu gumi pasudo su tovi buulo neya duuguunyumopiyono. Toro kuvi kuruv guu pasudo su tonyu buulo muugunyumopibi to'gwowi nuu gumiyomno yere nobumonyugono. Toro bo'mi moro mago tovida'ai lokabodowodo molo'mo kwallu'mopto to'busuko tokwe a'mwo su toorai molo nobuuwimonyugono.