Joon 7:7 - Gooti Toolluro Yogalokwono

⁷ Neya duu'nyulo. Kwako akavida'ai a'mwo abolo mwalodupudo ton kemino surodo yo'moneyokwe kavlo puruv nonagutogano. Toro kuvi kuruv nuu toonyuno'gwowi a'mwo abolo su tonyuro ma'no ma'no pasudo mujumovla'mdopure tonyu kuu'maiyo toru dodolubweyodumdonyugono. Su toro tovino tov numino surodo wuunodupudogano.

Joon 7:7 Σταυροειδείς Αναφορές

Luuk 6:26

Aki kevu yiuwi'nokai a'mwo abolo tonyuro yovo aguto ikullabodopure togai kemino ilomodomorekwopiyodapudo toorekulno'juki jul'nyo nomapinorekikono. Su tov aro tovinokwono. Aiyoga a'mwo abolo su tonyuro kwikweyago tooro kuunano proofet kworaino kuruv aval'nodo tomgu'aro ilaiyo to'no sulomodomoropiyajuporogano.”

Joon 17:14

Nuu a'mwo abolo su tobuurai gumoro yogalo tov me'no kwiyonyugono. Toro te nuu kwako akavida'ai mimo'nodumdo to'busuko kubalno a'mwo abolo su to kubuuro kuruv kwako akavida'ai mimo'nodupudobuurogano. Toro tovino tov kwako akavida'ai a'mwo toorono'gwowi surodo wuunodupudorogano.

Joon 3:19

Kooti yogalo su tovuro kirumwallo tov aro tovinokwono. Gooti toolluro bako toonyu kwako akavi kwolabonyugono. Toro kuvi kuruv a'mwo abolo ton ma'no ma'no yodupudo tovino tov bako toonyuno ilaiyo mwinodupudogano. Kemi dugumdo tomuuda'ai noonyumwonyu pasudo tooraino to'no kalo buuropino winodupudogano.

Room 8:7

Toro tovino tov a'mwo abolo pun kwako akavida'ai kuudo toorai kuumjunpi ton Gooti toolluro loowo tovi dolago tomuu mamwalopi ku'nono muumjunpinogano. Toro ton Gooti toolluro ikomago wimo'numwalpinogano.

Galesiya 4:16

Toro kuvi kuruv aga yogalo nebal'nodo akakwe kemi amojurogolekumolladokwono. Toro mojurogolekumollodo'mure tovi'aro kevu mino aro kuudo nyanuupiyo. Oo a'mwo su tool nemi ikomago donekullumo'nadopiyo. Kuudo nyanuupiyo.

Jems 4:4

Kevu Gooti toollu wuugollu'mo'mdupudo su tov kwonyalabolo puruv gami kwolo toollu wuugollu'mo'mdowodo to'busuko yodupudogaikikono. Kevu aro tovino kuudo nyau'mwakovo. A'mwo pwol kwako akavida'ai pasudo toorai ibwoto'nyo kwimo'no'ji tov a'mwo su tool Gooti toollu ikomago wimo'nyokwekono. Toro tovino tov neya duu'nyulo. Buro'nyo buro'nyo a'mwo abolodeyo pun kwako akavida'ai pasudo toorai ibwoto'nyo'mo kwinpi su ton Gooti toollu ikomago wimo'nupinogano.

1 Joon 4:5

Toro te kuunano proofet su tooro kwako akavida'aiyorogano. Toro tovino tov kuunano proofet su tooro kwako akavida'ai yogalo toorogai modomollodupudorogano. Toro modomollodopure tovi yiuno kwako akavida'ai a'mwo abolo tono kaduko wiyodupudorogano.