Joon 7:27 - Gooti Toolluro Yogalokwono

²⁷ A'mwo akal toro tomuuda'ai abokaldeyo tov kuudo me'no youroma'dowadekono. Toro kuvi kuruv Gooti toolluro nekullo'mwojo'moneyokwe ajesoka Krais toolno'gwowi abwo'ji toga yiuwi'nokai a'mwo abolo tonol kuudo miyau'dowa'jure tomuuda'ai yasuwa'no biyanekulo'nonekono.” Sajunopogano.

Joon 7:27 Σταυροειδείς Αναφορές

Aisaiya 53:8

Toro tekwo kuunano yogalo madodowo ma'no ma'no puru'monodo kuruv miyoka toollu kooti yogalo duuwiyo'moneyokwe amogaibworomokavlavopekono. Toro mogaibworomokavla'mno sumaveyokwe kooti yogalo duuwiyo'mno aromiyosopekono. Toro aromiyosopo toolluno gavuge avalo ton aro kuudo miyauropogano. Oo a'mwo su tekwojuro dado ama'mwalluko tov nevu ma'no ma'nodokwe tonol marowa'ji nokwo abolowa'jujukonogano. Toro kuvi kuruv nemi kironekumwallo'mo su tovi ma'dowo dobolmaiyo. Kuudo miyauropogano. Toro kuudo miyauro'mno a'mwo me'no aboloka su tekwoji a'mwo ma'no ma'nodokwe toorogai avalo toru amolsosopujuko kwollu kuruv a'mwo nuugwiyo bwotonyagokwe toorai molsosodupudo avalo toru amolsosopekono.

Maika 5:2

Gooti Yawel aro adokaikono. “Juuda towai wagwolago bwotonyo ton wo'dupudorukono. Toro kuvi kuruv wagwolago puru'gwowi ajumiyo Efrata towai wo'dowodo tovino yovo tov Betelemovokwono. Wagwolago su tov kula'nyo kuvi kuruv yovo agutokwe imo'nonokwono. Toro tov aro tovinokwono. Isuraiyolda'ai tonyu mido mollomwallo'moneyokwe a'mwo aguto pwol wagwolago su to kuvida'ai bwonekono. A'mwo su tool toro bwono kuvi kuruv Ganumiyago toolno'gwowi wagwolago su toruda'aiyolmaiyo. Toro kwol kuruv aiyoga kuunodo togasuro amjomwekobiyajukekono. Toro te a'mwo aguto imo'nono su tool aiyogasuro amjomwekobiyajuko su to kwollurekono.”

Kuuguudo Sugudo akav Makolluro sakwollokakwono Mak 6:3

Nevu a'mwo su toolluno kuudo me'no youroma'dowadekono. Toro tool Mariyavuro kwolaiyekono. Aki ago mojokwe su tool kwekono. Toro tool Jemseke'aro Jooseseke'aro Juudaseke'aro Saimooneke'aro todorotai kuudai'yagekono. Aki gamoro jo'mwo ton nevuge akawai mwalodopudogano.” Toro juno'mno Jisasolluno biyolo kuu'mwojoporogano.

Luuk 4:22

Toro kuudoka toolluno yiuwi'nokai a'mwo abolo ton ilaiyo to'no sulomodomoropiyapogano. Aki gamoro mago tovida'ai yiuwi'nokai yogalo sugumaluko lokaboduke tonyuno kuudo kwolallo yourukwapino sumaveyokwe aro sajunopogano. “A'mwo akal Joosepolluro kwolaiyekono. Toro tovino tov gamoro yogalo pi'mwono anekudadopiko su ton adadomgu'aro kuvinono dukonekudadopiyo?” Sajunopogano.

Joon 6:42

Toro duu'mwojuno sumaveyokwe kevnokwe tooro aro sajunoporogano. “A'mwo akal Joosepolluro muugunyo Jisasekono. Nevu gamoro kuunum kwolabolo teyaulluno kuudo me'no yau'dowadonogano. Toro te a'mwo su toolluro yogalo aro dodowodo tov, “Nuu Gooti toolluro ago muunyu kai'muuda'ai kwolabonyugono,” yogalo su toro tov buro'nyo'mo dodowodoldeyo?” Sajunoporogano.

Joon 7:15

Toro yodubwasoduke tovi Juu a'mwo abolo ton wuu'nyuno sumaveyokwe toga mollolokurosi yo'mno aro sajunopogano. “A'mwo pwolnodo kwol kuruv a'mwo akallu miyodubwasungikekono. Toro toolluno tov pi'mwo kuudokwe pwolbusuko adado sumo'nokaldukono?” Sajunopogano.

Joon 9:29

Gooti tool Moosesollu kuudoka tovino nevu kuudo me'no youroma'dowadonogano. Toro kuvi kuruv a'mwo su toolluno'gwowi gadomuuda'ai abokaldukoneyokwe tovino kuudo miyau'dowadonogano.” Kuudoporogano.

Kuurotokwe 8:33

Aki toro tekwoji kuunano kooti yogalo aduuwiyopo toga a'mwo pworo buulo tomuu sobanyo mamollodavopekono. Toro tekwo ma'no ma'no puru'monodo kuruv miyodowodo toollu wogulo duuwo'galo'mno kwako akavi manyu toga mamjomwekovlawo'jokwe aromiyosopekono. Toro aromiyosopo su toolluda'ai kwikweyago kwoloraiyo pun ku'nono mimo'nugelabupinogano. Toro tovino tov a'mwo pworo gamoro kwoloraiyo mimo'nupi su tonyuno kuuguudo mamjodumovla'mwalpinogano.” Gooti toolluro kuuguudo tov su toro sakwollungikokwono.