Joon 7:26 - Gooti Toolluro Yogalokwono

²⁶ Aki toro tool kuu'maiyo toru'no moruudoduke kwollu kuruv a'mwo aguto su tooro yogalo puru'monodo kuruv muudumwakoporogano. A'mwo aguto su tooro a'mwo akalluno aro kuudo jukiyau'mwakovo. Oo a'mwo su tool Gooti toolluro nekullo'mwojo'moneyokwe ajesoka Krais tooldeyo, su toro kuudo jukiyau'mwakovo oo miyouromallu jukimwakovo?

Joon 7:26 Σταυροειδείς Αναφορές

Matyuu 22:16

Su toro domdukuurosuno sumaveyokwe toga kemoro a'mwo uumjunyokwe pworogai'aro Herootolluro uumjunyokwe pworogai'aro toorai Jisasollomno amoropiyaboporogano. Toro amoropiyabopo su tooro bino sumaveyokwe Jisasollu aro kuudoporogano. “Ibwasokweyoloo, guu nebal'nodekugono. Toro tooku yiuwi'nokai a'mwo abolo tonyu yiuno avalousuno yodubwasodumdekugono. A'mwo abolo yovokweyodeyo oo yovomaiyokweyodeyo kunyu kuruv Gooti toolluro pasudo tonyuno yiuno nebal'no yodubwasodumdekugono.

Luuk 23:13

Toro te a'mwo aguto Pailatol pris mido mollomwalokwe toorogai'aro a'mwo aguto toorogai'aro a'mwo abolo togai'aro ton abi'bwo'nupureyokwe adomarokaikono.

Luuk 7:30

Toro kuvi kuruv Farasi toorogai'aro loowo tovino pi'mwo kuudokwe toorogai'aro toorono'gwowi Joonolluro ato tovida'ai wonyo muuvollunoporogano. Su tov aro tovinokwono. Gooti toolluro wiyo'mwojo'moneyokwe puuto soulosoka tovi buulo me'no kuugunyumopiyajuporogano.

Joon 12:42

Nebal'no ajakwolloka kuvi kuruv a'mwo abolo togai'aro aki kemoro a'mwo aguto tooravuro pworogai'aro bwotonyago tono'gwowi Jisasolluno kuudo kuubweyajupogano. A'mwo aguto su tooro kuudo kuubweyajupo kuvi kuruv Farasi tooraino luko yodupudo tovino tov kemoro kuudo kuubweyajupo su tovino kuu'maiyo toru madodowiyoku'bworosunyajuporogano. Su tooro aro kuudo saullajuporogano. Farasi tooro nemi i'bwo'nyago tovida'ai kwa'mgu tomuu nobilomanekudukwopipiyokwe tovino kuudo yau'dupu luko sajuporogano.

Joon 18:20

Toro kuudoganoka toollu Jisasol aro kuudokaikono. “Nuu yiuwi'nokai a'mwo abolo tonyu yiuno kuu'maiyo toru'no moruudomollodumdonyugono. Aki yiuwi'nokai toga Juu tooravuro i'bwo'nyago togai'aro Jeruusalemda'ai Gooti toollu ilomoropiyo'moneyokwe ago tokwe'aro Juu a'mwo abolo ton i'bwo'nodupudo toru yodubwasodumdonyugono. Aki yiulo tomuu miyodubwasodumdonyugono.

Joon 3:1

To'no'gwowi a'mwo Farasi pwolluno yovo tov Nikoodimasolekono. Su tool Juu tooravuro a'mwo aguto pwekono.

Joon 4:29

“A'mwo pwol moro yiuwi'nokai yomjomwekovla'mdumdo tonyuno kuu'maiyo toru'no adodowiyoku'bworanubwemokaikono. A'mwo su tool Gooti toolluro nekullo'mwojo'moneyokwe ajesoka Krais tooldukono? Toro toollu kevu wonpino'moneyokwe dobiloo.” Kuudokakwono.

Joon 7:25

Toruda'ai wagwolago Jeruusalemda'ai a'mwo abolo pun aro sajunopogano. “A'mwo aguto tooro a'mwo noromiyoso'mo a'mgono sadokwopo tool akal kwekono.

Joon 7:31

Jeruusalemda'ai Gooti toollu ilomoropiyo'moneyokwe ago tovuro agwapto toru kwolallo abi'bwo'nopo su tonyuda'ai a'mwo abolo bwotonyago ton aro sajunopogano. “Krais tool abwo'ji toga gamoro duuwallo jurogudo pun nekuduuwallonekono. Toro anekuduuwallo'ji su ton a'mwo akalluro duuwallo jurogudo bwotonyago tonyu nokwo uuwolopinodukono? Awiyo, ku'nono muuwolopinogano.” Su toro yajunyuno sumaveyokwe Jisasolluno tov, Krais tooldeyo, kuudo kuubweyopogano.

Joon 7:48

Kuudo neya jaullulo. Nevu mido mollomwalokwe toonogai'aro Farasi toorogai'aro toonolluda'ai pwolnodo kwol kuruv a'mwo su toolluno kuudo muubweyodowadonogano.

Joon 9:22

A'mwo kwolabolo su teyaulluro yogalo kuudolo su tov aro tovinokwono. Juu mido mollomwalokwe tooro a'mwo abolo tonyu luko irugollo'mo yogalo puruv aro me'no adoporogano. A'mwo pwol Jisasolluno, Oo Kraisekono, ado'ji tov Juu tooravuro i'bwo'nyago tovida'ai kwa'mgu tomuu nobilomovomjopipinekono. Su toro me'no adopo tovino tov a'mwo kwolabolo teyaul Juu mido mollomwalokwe su tooraino luko sajuleyaukono.

Kuurotokwe 4:13

Toruda'ai a'mwo Pitaike Jooneke tooralluro kuuguudo wuudodole tovi au'nallajupo su tooro wuu'nyuno sumaveyokwe morumoukuropi soporogano. Toro tooro aro adoporogano. “A'mwo su tooral a'mwo yasuwa'nodo pworakono. Aki toro tooral skuul miyajulo kworal kuruv jurogudo da'mdubul pi'mwono sodonekubwasadokuulo.” Adoporogano. Toro juno sumaveyokwe aro ainodokwopiyomaroporogano. “Oo a'mwo su tooral Jisaseke subwoto'nomollajupo pworakono.” Ainodokwopiyomaroporogano.

Filipai 1:14

Aki a'mwo mi avalo toorobusuko nyumo'nodupudo bwotonyago tooro moro wuulo kuule'na'dore su tovino me'no kuu'nyajuporogano. Toro wuu'nodopure toorai Gooti Aguto tool jurogudo aduuwimwojajukekono. Toro te aga'no'gwowi a'mwo su tooro Gooti toolluro yogalo tokwe guureji muunyu toru'aro moruujo'moneyokwe tovino luko mimwakoporogano.