Joon 7:24 - Gooti Toolluro Yogalokwono

²⁴ Kevu kevnokwerekulluro sumdo tokwe anuwonpi tomgu'aro to'no mi nogallainyubwo'mwalpiyo. Toro kworekul kuruv po'dogalo tomgu'aro to'gwowi mi neya dogallainyubworogaulo.”

Joon 7:24 Σταυροειδείς Αναφορές

Joon 7:25

Toruda'ai wagwolago Jeruusalemda'ai a'mwo abolo pun aro sajunopogano. “A'mwo aguto tooro a'mwo noromiyoso'mo a'mgono sadokwopo tool akal kwekono.

Joon 8:15

Kevu kwako akavida'ai kuudo tokwe mi jainyubwo'dupudorekikono. Toro kuvi kuruv nuu judo toonyuno'gwowi a'mwo pwolnodo kwollu kuruv majainyubwollokwenyugono.

2 Koorin 10:7

Kevu yiuwi'nokai pasudo toorai jagillo'moneyokwe kevnokwe togaikulluro sumdo togai neya wonoma'mwalpinogaikikono. Toro wonomaropi a'mwo pwol gavnokweyolluno aro yainyunonekono. Oo nuu Krais toolluro kuunodonyugono. Toro sainyuno'ji su tool nemino aro kuudo neya yanekuu'mwalonekono. Oo Pooleke'aro gavuge avalo toorogai'aro kworo kuruv Krais toolluro a'mwo kuunodo wimo'nodupudorodeyo. Neya yanekuu'mwalonekono. Aki kuudo su tovino nyallulo'gwonmwalo'jo.

Jems 2:1

Mi avalobuuravoo, kevu nemi Aguto Jisas Kraisol bako bwotonyo tovi anakuuto tomuu mwalodowodo toolluno kuudo me'no uubweyodupudogaikikono. Toro tovino tov pasudo aro togai domolludo'movlavogaulo. Kevu a'mwo abolo yovo agutokwe togai'aro yovomaiyokwe togai'aro tonyu pasudo judo'no judo'nodo tomgu'aro nyugolmwalpiyo. Yiuwi'nokai tonyu yiuno aval'no neya jugologaulo.

Jems 2:4

Kevu a'mwo su toorallu aval'no mamollomapi tov kevnokweyogaikul imgu amgu yeru'mdeyapinopi kemi ma'no ma'no kuudo kuulaikwo'dupudo tonyu uumjunpinogaikikono. Neya duu'nyulo. A'mwo kooti yogalo mollomwalokwe pworo ma'no ma'no kuudo kuuluuwo'dopure tokwe jainyubwo'dupudo toorobusuko imo'nupinogaikikono.

Jems 2:9

Toro kuvi kuruv kevu a'mwo abolo yovo agutokwe togai'aro yovomaiyokwe togai'aro tonyu pasudo judo'no judo'nodo tomgu'aro amollomapi tov ma'no ma'no ipinogaikikono. Kevu Gooti toolluro loowo tovi kisuvolo wipinogaikikono. Aki loowo tovi kisuvolo kwipi tov a'mwo abolo kisuvolokwe imo'numwalpinogaikikono.