Joon 7:18 - Gooti Toolluro Yogalokwono

¹⁸ Neya duu'nyulo. A'mwo pworo kevnokweravuro kuudo tovida'ai moruudodupudo su tooro yovo aguto mallo'mo winodupudorogano. Toro kuvi kuruv a'mwo pwol gami amoropiyaboka toolluno yovo aguto wiyo'mo kwino'ji su toolno'gwowi kuunano yogalo tokwe mamoruujokwekono. Toro tool yiuno nebal'no yogalo to'no moruujokwekono.

Joon 7:18 Σταυροειδείς Αναφορές

Matyuu 6:9

Toro tovino tov kevu subusu'nyogalo aro neya duudumovlavogaulo. “Nemi Nellunumiyagoloo, guu muunyu kai'muu mwalodumdekugono. Toro tookujuno yovo aguto neya gujamwalanonogano.

Joon 11:4

Toro adapiyolo tovi Jisasol wuu'nyuno sumaiyokwe toga aro adokaikono. “Nobollo su tov yiunokuudo bollo'mo'maiyo. Toro kuvi kuruv Gooti toollu ilomoropiyo'moneyokweyokwono. Aki nobollo su tovi'aro nuu Gooti toolluro Kwolaiyo toonyu yovo aguto mallo'moneyokweyokwono.” Adokaikono.

Joon 12:28

Toro kuvi kuruv aro to'gwowi nuudumonyugono. “Nyunumiyagoloo, guu a'mwo abolo tonyu guvnokwekujuro yovo aguto tovino kuu'maiyo toru duuduuwallono.” Nuudumonyugono.” Kuudokaikono. Jisasol toro wuujuno sumaiyokwe toga Gooti toolluro ago muunyu kai'muuda'ai yogaimaguurai puruv aro adokakwono. “Moro yovo aguto tovino kuu'maiyo toru me'no kuuduuwallonyugono. Toro toonyu aga aki aiko te kuvinono nuuduuwallumonyugono.” Adokakwono.

Joon 12:43

Juu tooravuro a'mwo aguto su tooro kwako akavida'ai a'mwo abolo tonyuro mago tovida'ai yovo aguto mallo'moneyokwe tovino kalo buuropino kwinyajuporogano. Toro kworo kuruv Gooti toolluda'ai yovo aguto mallo'moneyokwe to'gwowi kuudo neya miyaullajuporogano.

Joon 5:41

Moro yogalo aikudumwako su tov nuu kwako akavida'ai a'mwo abolo punyuro ilomonuwopiyo'mo tovino supto yodumdo tovida'aiyo'maiyo.

Joon 8:54

Toro kuudopo toorai Jisasol aro kuudokaikono. “Nuvnokwe toonyuno yovo tovi sulomoropiyami tov yiuno yasuwa'no to'no imo'nonokwono. Toro kuvi kuruv moro Nyunumiyago toolno'gwowi mino yovo tovi ilomoropiyodawodekono. Toro ilomoropiyodawodo su toolluno kevu dodupudorekikono. “Oo su tool nemi Gootekono.” Dodupudorekikono.

1 Tesaloonaika 2:6

Kuudo neya jaullulo. Nevu Krais toolluro kuurotokwe a'mwo aguto toonolluno tov yovo aguto neya anekullabupureyokwe nokwo aikudowa'jujukonogano. Toro kwonol kuruv Gooti toolluro womdo tovi sajuuwo su tov kevudeyo oo a'mwo pworodeyo oo a'mwo abolo pundeyo tonyuro sumdo tovi yovo aguto mallo'moneyokwe sajuwonolmaiyo.

1 Pita 4:11

Toro te kemida'ai a'mwo pwol moruudomollo'moneyokwe yasuwa'wino su tovi amaro'ji tov a'mwo su tool Gooti toolluro mago tovida'ai mollodavowo'ji gamoro mago tokwe neya moruudomollumwalonekono. Aki kemida'ai a'mwo pwol a'mwo abolo pubuurai womdo wiyo'moneyokwe yasuwa'wino su tovi amaro'ji tov a'mwo su tool Gooti toolluro jurogudo uubweyodowo'jure tokwe a'mwo abolo pubuurai womdo guureji neya wimwalonekono. Su tov aro tovinokwono. Kemoro yiuwi'nokai judo'no judo'no womdo amjumovlapi su ton Jisas Kraisollu'aro Gooti toolluno yovo tovi kuvinono ilomoropiyapinogaikikono. Jisas Kraisol Gooti toolluro bako bwotonyo pwopiyodowodo tovi anakuuto tomuu mwalodowo aki yiuwi'nokai tonyu mido mollomwalodowodekono. Toro toolluno nevu yiuwi'nokai toga yiunokuudo neya ilomoropimwolowanekono. Nebalokwono.

1 Joon 2:29

Kevu aro kuudo souromapi tov, Oo Krais tool pasudo idopto'nodo to'no yokweyoldeyo, kuudo souromapi tov yiuwi'nokai a'mwo abolo pasudo idopto'nodo mujumovla'mdupudo tonyuno aro kuudo nokwo youroma'mwalpinogaikikono. Oo a'mwo abolo su tobuuro Gooti toolluro kwoloraiyo me'no wimo'nodupudodeyo. Su toro kuudo nokwo youroma'mwalpinogaikikono.