Joon 7:16 - Gooti Toolluro Yogalokwono

¹⁶ Toro yajunodopure tovi Jisasol aro kuudokaikono. “Yogalo yodekubwasodumdo tov numoro'maiyo. Yogalo su tov mi amonuwopiyaboka Gooti toolluro abingikokwono.

Joon 7:16 Σταυροειδείς Αναφορές

Joon 14:10

Guu mino aro tovino neya donubweyono. Mi Nyunumiyago toollu uuguro'mwonyodumdonyugono. Aki mi Nyunumiyago su tool numi nuguro'mwonyodowodekono. Moro yogalo ikudodumdo ton nuvnokwenyuro tovida'aiyonmaiyo. Toro kuvi kuruv yogalo ikudodumdo su ton mi Nyunumiyago nuguro'mwonyodowodo toolluda'aiyogano. Mi Nyunumiyago su tool moro ato tovi'aro gamoro womdo ton yodowodekono.

Joon 14:24

Toro kuvi kuruv a'mwo pwol mino kalo buuropino mwino'ji su toolno'gwowi moro yogalo tovi muumjunonekono. Moro yogalo aikudumwako akav nuvnokwenyuro'maiyo. Yogalo su tov mi Nyunumiyago amonuwopiyaboka toollurokwono.

Joon 17:14

Nuu a'mwo abolo su tobuurai gumoro yogalo tov me'no kwiyonyugono. Toro te nuu kwako akavida'ai mimo'nodumdo to'busuko kubalno a'mwo abolo su to kubuuro kuruv kwako akavida'ai mimo'nodupudobuurogano. Toro tovino tov kwako akavida'ai a'mwo toorono'gwowi surodo wuunodupudorogano.

Joon 17:8

Su tov aro tovinokwono. Nuvu gumoro yogalo anyabodo ton me'no kwiyonyugono. Yogalo kwiyo su tonyu me'no ma'dupu mino aro kuudo souronuma'mwakopogano. Oo su tool Gooti toolluda'ai nebal'no kwolabokaldeyo. Kuudo souronuma'mwakopogano. Aki toro ton mino tov aro kuudo kuubwemwakopogano. Oo Gooti toolluro amonekwopiyabokaldeyo. Kuudo kuubwemwakopogano.

Joon 3:11

Nuvu nebal'no kuunodo aro gudumo'mokwono. Aga toga nevu kuudo me'no youroma'dowado tonyuno to'no jokwenogano. Aki yiuno sumdo muugona'dowado tonyuno to'no kuu'maiyo toru'no dodoluwosokwenogano. Toro kuvi kuruv nemoro dodoluwosodowa'jure su tonyuno kevu buulo to'no uugunyumopiyodupudorekikono.

Joon 3:31

Gooti toolluro muunyu kai'muuda'ai abwolomwaloka tool yiuwi'nokai tonyu uuwolo'mdowodekono. Toro kuvi kuruv kwako akavida'ai a'mwo pwolno'gwowi kwako akavida'ai pasudo toorono mujumovla'mdowodekono. Aki kwako akavida'ai su tool noonyumwonyu kwako akavida'ai yogalo tooraino to'no dodowodekono. Toro kuvi kuruv Gooti toolluro muunyu kai'muuda'ai abwolomwaloka toolno'gwowi yiuwi'nokai su tonyu uuwolo'mdowodekono.

Joon 5:30

Nuvu nuvnokwenyuro kuudo tovida'ai womdo miyodumdonyugono. Toro kuvi kuruv mi Nyunumiyago toolluro yogalo nyudodowo'jure tovi kuumjunmi tovi'aro to'no kooti yogalo wuu'no'mi jainyubwo'dumdonyugono. Aki neya duu'nyulo. Nuvnokwe toonyuro kuudo tovi uumjunyo'mo manyunodowodonyugono. Toro kwonyu kuruv yiuno mi amonuwopiyaboka toolluro ilaiyo winodowo'jure tovino'gwowi kuvinono uumjunyokwenyugono. Toro tovino tov nuu kooti yogalo tovi pi'mwono to'no jainyubwo'dumdonyugono.”

Joon 6:44

Nuu mi Nyunumiyago tool amonuwopiyabokanyugono. Toro te a'mwo pwol numiyomno biyo'moneyokwe tov gavnokweyolluro kuudo tovida'ai yasuwa'no bwonolmaiyo. Toro kuvi kuruv yiuno moro Nyunumiyago toolluro kinodokwopiyomarowo'ji amoropiyabwo'ji su toolno numiyomno nokwo bwonekono. Aki aiyowo'mo toga nuvu a'mwo su toollu aiyo aiko te nomoduka'monyugono.

Joon 8:28

Toro tonyu Jisasol aro kuudokaikono. “Kevu A'mwo Kwolaiyo Kuunodo toonyu i'noguropte tovi me'no sulomejukuranubwepi toga mino aro kuudo yanuupinonyugono. Oo su tool Krais tooldeyo. Aki toro tool gavnokweyolluro kuudo tovi muumjunodowodo kuvi kuruv yiuno gami Ganumiyago toolluro yodubwasodowo'jure tokwe to'no moruudodowodoldeyo. Kevu mino su toro kuudo nyouronumapinonyugono.

2 Joon 1:9

A'mwo pwol Krais toolluno kuuguudo sodekubwasajuuwo tovi ku'nono magudupolaro'ji tov Gooti tool a'mwo su tooke mamwalodowodekono. Toro kuvi kuruv a'mwo pwol Krais toolluno kuuguudo sodekubwasajuuwo tovi kuvinono agudupolaro'ji toolno'gwowi Gooti Ganumiyago tooke'aro gamoro Kwolaiyo tooke'aro yiuwi'nokai tooral a'mwo su tooke mwalodubulorakono.

Adodolukuu'nosungiko 1:1

Kuuguudo akav sumdomgu yiulo yogalo sumo'nyajuko kuvi kuruv lukomguno'gwowi Jisas Kraisol kuu'maiyo toru'no me'no adodolukuurosokakwono. Kuuguudo su tov noonyumwonyu pun wobo toga nyumo'nupino tonyunokwono. Toro te Gooti tool kuuguudo su tov malluno sumaiyokwe Jisasollu kwiyokaikono. Jisasol gamoro a'mwo abolo womdokwe tonyu kuu'maiyo toru'no wuuduuwallo'moneyokwe kuuguudo su tov gami ensel pwollu kwiyokaikono. Toro te ensel su tool kuuguudo tokwe mokabino sumaiyokwe nuvu Jisasolluro ki'nato womdokwe pwekwonyu anyabokaikono. Mino yovo tov Joonolonyugono.