Joon 6:9 - Gooti Toolluro Yogalokwono

⁹ “Akawai kwolaiyo pwekwo bali tovida'ai sakwollungiko bret atobuul tobuuke'aro domwoga pworake'aro ton nomworaso. Toro amworasuko kuvi kuruv wosamujuko su tekwo kwolallo akanyu wiyo'mo tov ku'nonodo'mekwomaiyo.” Kuudokaikono.

Joon 6:9 Σταυροειδείς Αναφορές

Matyuu 14:17

Toro kuudoka tovi aro kuudoporogano. “Oo nevu bret tov yiuno atobuul tobuuke'aro aki domwoga tov yiuno pworal toorake'aro to'no amworakuuwono.” Kuudoporogano.

Matyuu 16:9

Kevu me'no nuwonodupudo kworekul kuruv kavlo tovino kuudo yere miyouroma'mwakopo tov ilaiyo'maiyo. Nuvu 5,000 a'mwo toorai bret atobuul tekwogai savo tooro nyuno nyuno sumaveyokwe anyugollu'movoporogano. Toro nugollu'mo'mno sumaveyokwe bret nobuudeyokwe basket amollu'bworosopo su tonyuno kevu kuudo nyallulo'gwonmwalpiyo.

Kuuguudo Sugudo akav Makolluro sakwollokakwono Mak 6:38

Toro kuudoganopo toorai aro kuudokaikono. “Bret adadobuul dukomworakoveyokwe tovino doonomolloulo.” Toro tooro wonomollo'mno abuudoporogano. “Bret tov atobuul pubuuke'aro domwoga tov pworake'aro tobuul amworakovo.” Abuudoporogano.

Kuuguudo Sugudo akav Makolluro sakwollokakwono Mak 8:19

Nuu a'mwo 5,000 toorai bret tov atobuul tokwe uubuudeno anopogano. Toro nyuno sumaveyokwe anugollu'movopo tonyu kevu bret nobuudeyokwe sutowosungiko basket adado tobuul amollu'bworoporekuldeyo?” Kuudokaikono. Toro tooro kuudoporogano. “12-pela basket ton amollu'bworowonogano.” Kuudoporogano.

Luuk 9:13

Toro kuudopo kuvi kuruv Jisasol aro kuudokaikono. “Kevnokwe toorekul a'mwo abolo su ton nonyo'moneyokwe wosamujuko pun neya duuwiyulo.” Toro kuudoka tooro aro kuudoporogano. “Nevu bret yiuno atobuul pubuuke'aro domwoga pworake'aro to'no amworakuuwono. Toro te yiuwi'nokai a'mwo abolo su ton nokwo nupino'moneyokwe nevu plavowa'ji wosamujuko bwotonyago tonyu ku'nono mabiyomorowanonogano.” Kuudoporogano.

Joon 11:21

Toro te Martav Jisasollu wuuru'ma'no sumaiyokwe aro kuudokakwono. “Agutoloo, guvu akawai mwalodo'bureyo'mno'juki mi nyo'mwo tekwo mabolowo'jujukekono.

Joon 11:32

Toro kuvi kuruv Mariya'gwowi Jisasol mwaloduke toru'no avlavokakwono. Toro plaino sumaiyokwe Jisasollu wono'no gamoro suvlo dolago toru kwolomuulo'narokakwono. Toro wolomuulo'na'no sumaiyokwe aro kuudokakwono. “Agutoloo, guvu akawai mwalodo'bureyo'mno'juki mi nyo'mwo tool mabolowo'jujukekono.” Kuudokakwono.

Joon 21:10

Toro wonyuno sumawoneyokwe Jisasol aro anekudokaikono. “Kevu agasuro domwoga aluve'noma'mapo pworo domokabilo.” Anekudokaikono.

Joon 21:13

Jisasol bret tov boma'no sumaiyokwe nemi yado anekumwodeyokaikono. Aki domwoga toorogai'aro yado aval'no anekumwodeyokaikono.

Joon 21:9

Toro te Jisasolluro uumjunyokwe toonol wonyo buugo su tovi wolo toru ki'mo'mno sumawoneyokwe toga boot tovida'ai bwolodukwopiyawono kwonowo tov duko puruv me'no samjuro'nyungiko tovi kwonowonogano. Aki domwoga pwol me'no abwikullungiko tooke'aro aki bret pugai'aro ton su towai wo'dopure tonyu kwonowogano.

Joon 6:11

Kwolallo ton toro wolomwalodopure toga Jisasol bret ton maro'no Gooti toollu, “Nenyoo,” me'no wuujuno sumaiyokwe buudovo'no kwolallo su tonyu yado kuumwodeyokaikono. Yo'no aki domwoga toorake'aro aval'no sokaikono. Toro uumwodeno sumaiyokwe kwolallo ton kemi mujuko kwinyajupo toru'aro maro'mno wosamujuko su tov amanopogano.

Joon 6:7

Toro wuujuno sumaiyokwe Filipol aro kuudokaikono. “Nevu 200 silva nuugwiyo tobuuke bret ton abiya'ji kuruv wosamujuko su tekwo yiuwi'nokai pwolno pwolnodo toorai ku'nono mwiyonekwogano.” Kuudokaikono.

2 Koorin 8:9

Kevu nemi Aguto Jisas Kraisolluro yasuwa'wino sugumaluko tovino aro kuudo me'no yau'dupudogaikikono. Gooti tooke amwallajuko Krais tool noonyumwonyu bwotonyagokwe sumo'nyajukekono. Toro kwol kuruv kemi ikullo'mwojo'moneyokwe apoo'nyaiyo pwolbusuko sumo'nokaikono. Aki apoo'nyaiyo pwolbusuko sumo'noka su tov kevu muunyu kai'muuda'ai noonyumwonyu bwotonyagokwe neya imo'nupino'moneyokwe tovino'mokwono.

Adodolukuu'nosungiko 6:6

Aki aiyokwe aral aral tooraida'ai pwolluro yogaimaguurai puruv aro adokakwono. “Guu plavo'bi wit womdo togai'aro bali womdo togai'aro tonyu kaiyako domollounapiyono. Su toro amollounapibi tovida'ai wosamujuko biyomallo'moneyokwe nuugwiyo tov bwotonyo ilawonokwono. A'mwo abolo ton wit yiuno wan kiloo to'no biyomallo'moneyokwe tov iruko pullugwojuro yiuwi'nokai womnuugwiyo tokwe biyomapinokwono. Aki nuugwiyo bwotonyo su tokwe bali yiuno 3 kiloo to'no biyomapinokwono. Toro kuvi kuruv guu a'mwo abolo tonyuro oolip iko toorogai'aro wain ikulsulo womdo togai'aro tonyuno'gwowi kaiyako mamollounapibinono.” Adokakwono.