Joon 6:71 - Gooti Toolluro Yogalokwono

⁷¹ Jisasolluro yogalo su tov Juudasolluno adokaikono. Juudasollu ganumiyago toolluno yovo tov Saimoon Iskeriyootolekono. Aki Juudasol 12-pela uumjunyokwe tooraida'ai pwekono. Su tool lukomgu Jisasollu ikomago tooravuro ato tovi morubweyonekono. Jisasol su toro toolluno adokaikono.

Joon 6:71 Σταυροειδείς Αναφορές

Da'buukiyo 41:9

Aki mi nyunyokwo pwol moro ibwoto'nyo anyumo'nyajukekono. Toro nyumo'nodowodo su toollu nuu me'no kuubweyekono. Toro toonal wosamujuko ton aval'no mujonugovla'modowolo kwonal kuruv moro ibwoto'nyo su tool mino biyolo nonuu'mwojodowo buulo anugunyumopimokaikono.

Matyuu 10:2

A'mwo 12-pela kuurotokwe su tooraino yovo tov muudu'nodo tool Saimoonolekono. Toro toolluno yovo puruv Pitalekono. Pitaike'aro gami avalo Adruu'weke'aro yiuwi'nokai todorakono. Aki Sebediyolluro muugunyo Jemseke gagwai'yago Jooneke todorakono.

Matyuu 10:4

Aki Selat Saimoonekono. Aki Juudas Iskeriyootekono. A'mwo su tool Jisasollu kaiyako wiyo'moneyokwe ikomago toorai amorubweyoka tool kwekono.

Kuuguudo Sugudo akav Makolluro sakwollokakwono Mak 14:10

Toruda'ai 12-pela uumjunyokwe tooraida'ai pwol Juudas Iskeriyootol Jisasollu morubweyo'moneyokwe pris mido mollomwalokwe tooraiyomno avlavokaikono.

Joon 12:4

Toro kuullo'mowopino sumaiyokwe Jisasolluro uumjunyokwe tooraida'ai pwolluno yovo tov Juudas Iskeriyootol lukomgu Jisasollu ikomago tooravuro ato tovi wobo toga morubweyono su tool kwekono. Toro tool aro adokaikono.

Joon 13:2

Toro tool sulato toga gami uumjunyokwe toorogai wosamujuko anomwaloporogano. Toro nomwalodopure toga Juudas Iskeriyootol Jisasollu ikomago tooravuro ato tovi morubweyo'moneyokwe kuudo tov Satanyol gamoro poowokalago tovi me'no aulomullosokaikono. Juudasollu ganumiyago toolluno yovo tov Saimoon Iskeriyootolekono.

Joon 13:26

Toro kuudogano tovi Jisasol aro adokaikono. “Nuvu bret nobuudeyo pwekwo dis aimowosungiko tovi me'no uuvollo'mi toga a'mwo kwimi su tool kwekono.” Jisasol toro juno sumaiyokwe bret nobuudeyo tekwo dis aimowosungiko tovi uuvolluno sumaiyokwe Juudasollu kwiyokaikono. Su tool Saimoon Iskeriyootolluro kwolaiyekono.

Joon 2:2

Aki kwolabolo nyoma'nubulluno su teyaul Jisaseke'aro gamoro uumjunyokwe toorogai'aro toorai lubullu doto su tovi abupureyokwe adomaroleyaukono. Toro adomarolo tooro lubullu doto tovi abomwaloporogano.

Joon 20:24

Toruda'ai a'mwo 12-pela uumjunyokwe tooraida'ai pwol Jisasol abai'movoka toga mamwalokaikono. A'mwo su toolluno yovo tov Toomasolekono. Aki gamino yovo puruv, Didimasolekono.

Joon 6:64

Toro kuvi kuruv kevu pugaikulno'gwowi numino kuudo manubwemwakopogaikikono.” Kuudokaikono. Jisasol muudu'nodo togada'ai gamino kuudo muubweyodupudo tonyuno kuudo me'no souromallajukekono. Aki lukomgu a'mwo ikomago tooravuro ato tovi morubweyono kwolluno kuruv kuudo me'no souromallajukekono.

Joon 6:70

Pital toro kuudoka tovi Jisasol aro kuudokaikono. “Nuvu kevu 12-pela toorekullu ajaikubweyonyugono. Toro kuvi kuruv kemida'ai pwol ikomago Satanyolbusukekono.” Kuudokaikono.

Kuurotokwe 2:23

Toro amuugonallajupo kworekul kuruv mwonyubusuko soporekikono. Toro toorekul a'mwo kirovanyuvanyokwe toorai kuumjukuropujuko kworekul kuruv nokwo wonyapino soporekikono. Toro wonyapiyodopure toga Jisasollu galomworaro'mno i'noguropte tovi amovoguroptowosopekono. Toro te kevu kwolluro romiyosokwe wimo'nodupudorekikono. Kevu toro sopo kuvi kuruv Gooti toolno'gwowi Jisasollu romiyoso'mo su tovino sumdomgu kuudo me'no souromarokaikono.

Juut 1:4

Toro te moro yogalo adaikumul'mwojumwako akav aro tovinokwono. Kevu sumdo mwonoma'dopure toga a'mwo Gooti toollu muumjunodupudo pworo yiulo tomuu'aro aulodukwopiyabiyajuporogano. Toro kuulodukwopiyabodupu kevu Jisasolluro a'mwo abolo togaikulluro mollu'bwoto tovi akuuto tomuu me'no aboullo'mo'nomwaloporogano. A'mwo su toro tooraino aiyoga yogalo puruv aro me'no ajakwollopokwono. “Gooti tool a'mwo su toorai kooti yogalo wiyowo'ji nerumwallonorogano.” Ajakwollopokwono. Toro kuvi kuruv a'mwo su tooravuro kaiya'no yogalo to'gwowi aro dodupudorogano. “Oo Gooti tool gamoro yasuwa'wino sugumaluko tov yiuwi'nokai toga nekullabodowodekono. Toro tovino tov nemoro kulako tovuro noonyumwonyu ilaiyo igollunyo'moneyokwe pasudo toorai neya amjumovlavogawanoo.” Su toro dodupudo tov kuvimaiyo. Neya duu'nyulo. A'mwo su toro dodupudo tooro nemi Mido Mollonekumwalokwe Aguto pwolnodo Jisas Kraisollu buulo me'no uugunyumopiyodupudorogano.