Joon 6:31 - Gooti Toolluro Yogalokwono

³¹ Toro wuudoganyuno sumaveyokwe aki aro kuudopogano. “Nemi nellukweyago tooro kwako a'mwomaiyo kuu'maiyo tomuu mwalodupu bret mana ton anyajuporogano. Gooti toolluro yogalo puruv aro sakwollungikokwono. “Gooti tool muunyu kai'muuda'ai bret mana tov wiyoduke anyajuporogano.” Sakwollungikokwono.”

Joon 6:31 Σταυροειδείς Αναφορές

Mollurolovomato 16:35

Isuraiyolda'ai a'mwo abolo ton kwako Kenan toru yere mai'mo'mdopure toga 40-pela kworomo tobuullu bret mana tov amjonugovlaiyajupogano. Toro kun kuruv Gooti Yawelluro subuu'yamju kwiyoka kwako Kenan'no yiulopiyabiyo toru me'no ai'movopo toga'no'gwowi kemi wosamuju'womdo ton aburoudumovlaiyajupogano.

Joon 6:32

Toro kuudopo tonyu Jisasol aro kuudokaikono. “Nuvu nebal'no kuunodo ikudumo'mokwono. Muunyu kai'muuda'ai bret aikullabiyajuko su tool Moosesolmaiyo. Toro kuvi kuruv muunyu kai'muuda'ai bret kuunodo aikullabiyajuko su toolno'gwowi moro Nyunumiyago tookono.” Kuudokaikono.

Joon 6:49

Aiyoga kemi tellukweyago ton kwako a'mwomaiyo yalukullo toru bret mana tovi anyajupo su ton me'no abolopiyopogano.

Joon 6:58

Muunyu kai'muuda'ai bret tov su torokwono. Aiyoga kemi tellukweyago tooro muunyu kai'muuda'ai bret mana wolaboduke tovi amanyajupo su ton me'no abolopogano. Toro kuvi kuruv muunyu kai'muuda'ai bret kwolabingiko akavino'gwowi a'mwo pwol amano'ji tov aiyo yiunokuudo mujomwekovla'mwalonekono.” Kuudokaikono.

1 Koorin 10:3

Aki Gooti tool muunyu kai'muuda'ai wosamujuko tov gavnokweyolluro jurogudo tokwe wiyoduke tovida'ai yiuwi'nokai su ton aval'no anyajupogano.

Adodolukuu'nosungiko 2:17

A'mwo pwol kaduko nyabiyo'mo kwino'ji tov Gooti toolluro Kuullo tool moro mollu'bwoto go'no go'nodo tonyu kuuguudo wuudodowo'jure akavi neya wuu'nowo'ji kuudo youromaronekono. Kuuguudo su tov arokwono. A'mwo pwol Satanyolluro molo tovi kuuwolowo'ji tool bret mana pun kwimi tonyu nononekono. Bret mana su tov Gooti toolluro ago muunyu kai'muu yiulo tomuu wo'dowodokwono. Aki a'mwo kuuwolowo'ji su toollu nuu sulo wiya'jo tollugwo nuuwimonyugono. Sulo su tollugwoji yovo muuduko puruv puukwollo me'no sokwollosungikokwono. Yovo muuduko su tovino a'mwo yasuwa'no pwolnodo kwol kuruv kuudo ku'nono miyouromaronekono. Toro kuvi kuruv yiuno sulo su tollugwoji amaro'ji toolno yovo muuduko su tovino kuudo nokwo youromaronekono.”