Joon 4:7 - Gooti Toolluro Yogalokwono

⁷ Jisasol toro bomwaloduke toga Samariyada'ai abolo puruv wonyo luviromallo'moneyokwe buugo alsovomwollosungiko su toollomno abokakwono. Toro aboka tovi Jisasol aro kuudokaikono. “Nuu wonyo nonyo'moneyokwe pun luviromaro'bi donyabono.” Kuudokaikono.

Joon 4:7 Σταυροειδείς Αναφορές

Muuduko 24:17

Toro iloduke toga a'mwo womdokwe tool wonyuno sumaiyokwe sujuraiyo su toviyomno yere kuuwokaikono. Toro wino sumaiyokwe aro kuudokaikono. “Nuu wonyo numo'mo gumoro wonyubiyo tovida'ai pwekwo nokwo nyabino'guudeyo?”

Muuduko 24:43

Donuwono, nuu wonyo buugo alsovomwollosungiko akavi wobo toru adakono. Toro da'mdo'mure toga sujuraiyo puruv wonyo illo'mo alokabwo'ji tovi aro wuudumonyugono. “Wonyo numo'mo puruv nokwo nyabino'guudeyo?”

Matyuu 10:42

Lukomgu a'mwo pwol kevu a'mwo yovomaiyokwe tekwojekullu ikwonowo'ji aro aikudo'ji tov, “Oo akaro Krais toollu uumjunyokwe tekwojodeyo,” toro ikudowo'ji kuuleyaluko'mo yodopure tekwojekullu kapwo wonyo puruv aikulluro'ji tov a'mwo su to kwollu kuruv lukomgu Gooti tool mubiyo nuuwiyonekono. Nebal'no ikudumo'mokwono. A'mwo su tool gamoro mubiyo sugudo tov lukomgu kuvinono nomaronekono.” Jisasol toro kuudokaikono.

Joon 19:28

Toruda'ai lukomgu Jisasol gamoro womdo me'no sopiyoka tovino kuudo yau'no sumaiyokwe aro adokaikono. “Nuu kuuleyaluko anyunadopiyo.” Jisasolluro yogalo adoka su tov Gooti toolluro yogalo sakwollungiko puruvi suuwiyo imwojo'mokwono.

Joon 4:10

Toro te abolo tovuro yogalo kuudoka su tovi Jisasol aro kuudokaikono. “Guu Gooti toolluro yasuwa'wino gumi gujabiyo'moneyokwe tovino kuudo miyouroma'dumdo'guugono. Aki nuvu wonyo'mo agudoganmwako toonyuno kuudo kuruv miyouronuma'mwakuno. Guu su toro tovalluno kuudo souromaro'bujuko'mno'juki moro wonyo tovino guu nokwo anyudogano'bujuko'guugono. Guu kuvinono anyudogano'bujuko'mno'juki nuvu aiyo yiunokuudo mujomwekovlaiyo'moneyokwe wonyo tov nokwo agujabo'mujukonyugono.” Kuudokaikono.

Joon 4:6

Aki Jekoopolluro wonyo buugo alsovomwollosungiko tov wagwolago su tovi wo'dowodokwono. Toro te Jisasol plaino sumaiyokwe wagwolago su tovi ai'movokaikono. Toro ki'mo'mno sumaiyokwe puu'kumi'yago avlaiyajuko tovino tov burawo wino'no wonyo buugo alsovomwollosungiko tovi wobo toru abomwalokaikono. Su toro abomwaloka tov kuujunapto togakono.

Joon 4:8

Kuudo neya jaullulo. Su toro toga gamoro uumjunyokwe tooro wosamujuko pun biyomallo'moneyokwe wagwolago tovino me'no aulaporogano.