Su tov aro tovinokwono. Nuvu gumino kuudo me'no yaguu'dumdonyugono. Oo mi aguto tool womdo guureji imo'nallo'mo dumuurolo'mdowodoldeyo. Su toro tookujuno luko sonyugono. Aki guvu nuugwiyo mwosodumdo kumuuda'ai kuruv nuugwiyo ton ma'dumdekugono. Aki womdo pun maburaudodumdo tonyuda'ai wosamujukuto ton muloma'dumdekugono. Toro tookujuno kuudo sauronyugono. Mi aguto toolluro nuugwiyo tov yasuwa'no nyounapimiyo. Su toro tovino luko sonyugono.” Kuudokaikono.
Joon 4:37 - Gooti Toolluro Yogalokwono37 Toro tovino a'mwo abolo pun aro dodupudogano. “A'mwo pwol wit sulo kuudosodowodekono. Toro audoso'ji tovi a'mwo gabovo pwol muloma'dowodekono.” Su toro dodupudo tov nebal'nodokwono. Δείτε το κεφάλαιο |
Joon 4:37
7 Σταυροειδείς Αναφορές
Nuu nebal'no kuunodo aro ikudumo'mokwono. A'mwo pwol mino kuudo anubweyo'ji su tool moro duuwallo jurogudo yodumdo ton aval'no nomomjumovla'mwalonekono. Aki a'mwo mino kuudo anubweyo'ji su toolluro duuwallo jurogudo pun moro yodumdo akanyu nuuwolopinogano. Nuu mi Nyunumiyago toollomno sulami tovino tov su toro nokwo momjumovla'mwalonekono.
Toro te wit sulo su tonyu muloma'dupudo ton kemi womnuugwiyo tov mollu'bworosodupudogano. Toro to'busuko kubalno a'mwo abolo aiyo yiunokuudo mujomwekovlaiyo'moneyokwe tovi ma'dopure tonyu aval'no mollu'bworosodupudogano. Toro te a'mwo wosamuju'womdo kuudosodowodo tooke'aro aki wosamujukuto muloma'dowodo tooke'aro yiuwi'nokai su tooral ilaiyo bwotonyo aval'no nokwo ibullunorakono.
Nuvu kevnokwe toorekulluro wosamuju'womdo maudosodupudo tomuuno me'no amekwapiyonyugono. Su toro tomuu kevu womdo miyosopo kuvi kuruv pworono'gwowi womdo me'no sosopokwono. Kevnokwe toorekul womdo miyosodupudo su tomuu wosamujukuto muloma'dupudo to'busuko kubalno kevu a'mwo abolo tobuurai nokwo mollu'bworosumwalpinorekikono.” Jisasol toro kuudokaikono.
Διαφημίσεις