Joon 4:28 - Gooti Toolluro Yogalokwono

²⁸ Toruda'ai abolo tov gami wonyo illo'moneyokwe kwa'bootool tov wonyo buugo alsovomwollosungiko toollu wobo toru wuudapino sumaiyokwe gami ajumiyo tovino aikomgu kano kano avlavokakwono. Ajumiyo su tovi ki'mo'mno sumaiyokwe a'mwo abolo tonyu aro kuudokakwono.

Joon 4:28 Σταυροειδείς Αναφορές

Matyuu 28:8

Toro wuujuno sumaiyokwe abolo toval luko solo kuvi kuruv kemoro poowokalago to'gwowi ilaiyo bwotonyo subwosunolovakono. Toro ibwosunyuno sumaleyokwe a'mwo buuso sulpuuto tomuuda'ai yere wuugollu'movolno Jisasolluro uumjunyokwe toorai wuujo'moneyokwe kano kano avlavolovakono.

Luuk 24:33

Toro yajunyuno sumaleyokwe kuga'gwo kuuno ilodavolno wagwolago Jeruusalem'no aikomgu avlavolorakono. Toro tooral plaino sumaleyokwe wagwolago su tovi ai'movolorakono. Toro ki'mo'mno sumaleyokwe toga 11-pela kuurotokwe toorogai'aro aki kuurotokwe toorogai a'mwo abolo su'bwo'nomwallajupo togai'aro tonyu yo'mgonomarolno kuuru'marolorakono.

Luuk 24:9

Toro yau'no sumaveyokwe a'mwo buuso sulpuuto su tomuuda'ai wuugollu'movo'mno a'mwo 11-pela kuurotokwe tooraiyomno avlavopogano. Toro plaino sumaveyokwe ki'movo'mno yiuwi'nokai kwimo'noka tonyuno kuudopogano.

Joon 4:27

Toro wuudoduke kuga'gwo kuuno gamoro uumjunyokwe tooro wagwolago tovida'ai aikomgu alokaboporogano. Toro tooro Jisasol abolo tovi kuuguudo wuudoduke tovi wono'mno mollolokurosi soporogano. Toro kworo kuruv yiuwi'nokai pwolno pwolnodo tooro Jisasollu aro tovino muudoganoporogano. “Guu abolo su tovi burowo'nyo tovino kuudoganmodekudeyo, oo Guu abolo su tokwe buro'nyo'mo kuuguudo adumalekudeyo?” Su toro tovino gamoro uumjunyokwe tooro Jisasollu muudoganoporogano.

Joon 4:29

“A'mwo pwol moro yiuwi'nokai yomjomwekovla'mdumdo tonyuno kuu'maiyo toru'no adodowiyoku'bworanubwemokaikono. A'mwo su tool Gooti toolluro nekullo'mwojo'moneyokwe ajesoka Krais tooldukono? Toro toollu kevu wonpino'moneyokwe dobiloo.” Kuudokakwono.

Joon 4:7

Jisasol toro bomwaloduke toga Samariyada'ai abolo puruv wonyo luviromallo'moneyokwe buugo alsovomwollosungiko su toollomno abokakwono. Toro aboka tovi Jisasol aro kuudokaikono. “Nuu wonyo nonyo'moneyokwe pun luviromaro'bi donyabono.” Kuudokaikono.