Joon 20:23 - Gooti Toolluro Yogalokwono

²³ Toro toorekul a'mwo abolo punyuro buro'nyo buro'nyo ma'no ma'nodo tovuro kirumwallo tovi amodukwopipi toga Gooti kwol kuruv ma'no ma'nodo su tovuro kirumwallo tovi nomodukwopiyonekono. Toro kuvi kuruv kevu ma'no ma'nodo tovuro kirumwallo tovi mamodukwopipi to'gwowi Gooti kwol kuruv ma'no ma'nodo su tovuro kirumwallo tovi mamodukwopiyonekono.” Kuudokaikono.

Joon 20:23 Σταυροειδείς Αναφορές

Matyuu 16:19

Aki nuvu muunyu kai'muuda'ai aguto kig mido mollomwalo tovuro ki ton gumi nogujamonyugono. Toro te guu jurogudo su tokwe kwako akavi mwalo'bi a'mwo abolo ma'no ma'no yodopure tonyuno yogalo adomdukuurosubi tov Gooti tool gamoro ago muunyu kai'muu kuruv aval'no domdukuurosonekono. Aki guu kwako akavi mwalo'bi a'mwo abolo ma'no ma'no yodopure tonyu surolowapibi to'gwowi Gooti tool gamoro ago muunyu kai'muu kuruv aval'no nyurolowapiyonekono.” Jisasol toro kuudokaikono.

Matyuu 18:18

Nuvu nebal'no ikudumo'mokwono. Kevu kwako akavi mwalopi a'mwo abolo ma'no ma'no yodopure tonyuno yogalo adomdukuurosupi tov Gooti tool gamoro ago muunyu kai'muu kuruv aval'no domdukuurosonekono. Aki kevu kwako akavi mwalopi a'mwo abolo ma'no ma'no yodopure tonyu surolowapipi to'gwowi Gooti tool gamoro ago muunyu kai'muu kuruv aval'no nyurolowapiyonekono.” Jisasol toro kuudokaikono.

Joon 20:22

Jisasol toro me'no wuujuno sumaiyokwe gamoro sumuujudo tov uumjunyokwe su toorai uuwapiyo'no aro kuudokaikono. “Kevu Gooti toolluro Kuullo toollu nomapinorekikono.

Kuurotokwe 10:43

Pital toro wuujuno sumaiyokwe aki aro kuudokaikono. “Jisasol kwako akavi yere mwolaboduke toga aiyoga yiuwi'nokai proofet tooro kwolluno kuuguudo puruv aro ajakwollajuporogano. Yiuwi'nokai a'mwo abolo pwolno puru'monodo ton Gooti toolluro wiyo'mwojo'moneyokwe ajesoka toolluno kuudo neya uubwepinogano. Toro kuubwepi tonyu kwolluno yovo tovida'ai Gooti tool kemoro ma'no ma'nodo tovuro kirumwallo tovi nomodukwopiyonekono. Ajakwollajuporogano.” Pital toro kuudokaikono.

Kuurotokwe 2:38

Toro samuugojopo tovi Pital kuudokaikono. “Kevu yiuwi'nokai togaikul kemi ma'no ma'nodo tonyuno buulo uugunyumopiyopi Gooti toollomno neya jouragunyumo'nyulo. Toro souragunyumo'nupi togaikul bopi Jisas Kraisolluno yovo tovida'ai wonyo buuvollunyulo. Kevu kuudo muuduko souragunyumo'nupi togaikullu Gooti tool kemoro ma'no ma'nodo tovuro kirumwallo tovi nomodukwopiyonekono. Aki Gooti tool kemi yasuwa'no ikullabiyo'moneyokwe gamoro Kuullo tool nekullabwonekono.

1 Koorin 5:4

Toro te nemi Aguto Jisasolluno yovo tovida'ai kevu neya ju'bwo'nyulo. Toro i'bwo'nodopure toga nemi Aguto Jisasolluro jurogudo tokwe'aro moro poowokalago kuullo tokwe'aro kevuge nomwalanokwono.

Efesos 2:20

Aki toro togaikul Gooti toolluro ago to'busuko wimo'nodupudogaikikono. Nevu kuurotokwe toonogai'aro proofet toorogai'aro kemi yodekubwosumelabodowado toonol ago tovi mojo'moneyokwe sulo luvogilo'melabodupudo to'busuko imo'nodowadonogano. Aki sulo jurogudo toollu muunyu toru ago mododupudo to'busuko kubalno nemi sulo jurogudo toolbusuko nekullumo'nodowodo tool Krais Jisasekono.

1 Timooti 1:20

A'mwo su toro i'nopiyodupudo pworalluno yovo tov Himeneyoseke Aleksadaike toorakono. Toro toorallu kuudo wuuteyo'moneyokwe nuu Satanyolluro ato tovi me'no amorubweyorakono. Su toro amorubweyo tov aro tovino'mokwono. A'mwo su tooral Gooti toolluno aki aiko te kaiya'no yogalo nobwolomorumwogapimwolabullokwe tovino kuudo wuuteyo'mokwono.