Joon 20:16 - Gooti Toolluro Yogalokwono

¹⁶ Toro kuudoka tovi Jisasol aro kuudokaikono. “Mariyavoo.” Toro kuudoka toga Mariyav yadu'mwonyuno sumaiyokwe suworovomarokakwono. Toro iworovoma'no sumaiyokwe Hibruu yogaljo tovida'ai aro kuudokakwono. “Raboonaiyoloo.” Yogalo, Raboonaiyolo, tovino kavlo tov Ibwasokweyolo'mokwono.

Joon 20:16 Σταυροειδείς Αναφορές

Muuduko 22:1

Toruda'ai lukomgu Gooti tool Eburaiyamollu yamju wiyoganyo'moneyokwe aro adomarokaikono. “Eburaiyamoloo.” Toro tovi Eburaiyamol wuu'nyuno sumaiyokwe aro kuudokaikono. “Anyugeyo.” Kuudokaikono.

Muuduko 22:11

Toro ikolomwora'duke toga Gooti Yawelluro ensel tool muunyu kai'muuda'ai deko aro kwoloduuwopiyabokaikono. “Eburaiyamoloo. Eburaiyamoloo.” Toro kuudoka tov Eburaiyamol kuudokaikono. “We, anyugeyo.” Kuudokaikono.

Muuduko 45:12

Joosepol toro wuujuno sumaiyokwe aki aro kuudokaikono. “Nuu nemi yogaljo tovida'ai ikudodore tovi nonuu'nadokwovo. Aki mi nyudai'yago toorekike'aro nyugwai'yago Bejameneke'aro toorekul nuu nekudodore toonyu me'no anuwonmaporekikono.

Mollurolovomato 3:4

Toro juno sumaiyokwe kuulaboduke toollu Gooti Yawel wono'no i'jurako widuko bomjonugeloduke tomuuda'ai deko suloduwopiyabokaikono. “Moosesoloo, Moosesoloo.” Toro kuudoka tovi Moosesol wuu'no'no kuudokaikono. “We, anyugeyo.”

Matyuu 14:27

Luko yo'mno deko toro dodopure kuvi kuruv Jisasol yere aro kuudokaikono. “Kemi poowokalago ton jurogudo nokwo jumo'nyulo. Nuu toonyu abadokwono. Toro te kavo domwallulo.” Kuudokaikono.

Kuuguudo Sugudo akav Makolluro sakwollokakwono Mak 10:51

Toro aboka toollu Jisasol kuudokaikono. “Nuu gumi buro'nyo gujumo'mo dogujunadopiyo?” Toro kuudoka tool kuudokaikono. “Ibwasokweyoloo, Nuu sumdo kinumo'mo anyunadopiyo.” Kuudokaikono.

Luuk 10:41

Toro kuudoka kuvi kuruv Aguto tool aro kuudokaikono. “Martavoo, Martavoo, gumoro kuullutago tov bwotonyago tonyuno wosodum kuudo kwolallo yourukwapiyodumdo'guugono. Aki noonyumwonyu su tonyuno jul'nyo ibwosunodumdo'guugono.

Joon 1:38

Toro uumjunodole toorallu Jisasol gunyubworoono'no aro kuudoganokaikono. “Kevu buro'nyo tovino jo'mgonomolladokuulo?” Kuudoganokaikono. Toro kuudoganoka tovi a'mwo su tooral aro kuudolorakono. “Rabaiyoloo, guu gadomuu mwalodumdekudeyo?” Yogalo, Rabaiyolo, tovino kavlo tov Ibwasokweyolo'mokwono.

Joon 1:49

Toro wuujuno sumaiyokwe Natanyol kuudokaikono. “Ibwasokweyoloo, Gooti toolluro Kwolaiyo kuunodo tool guu kwekugono. Aki Isuraiyolda'ai Aguto Kig tool guu kwekugono.” Kuudokaikono.

Joon 10:3

Aki a'mwo pwol sipsip kuurupto tovuro noullo tovi mollomwalodowodekono. Toro te a'mwo noullo tovi mollomwalokwe su tool a'mwo duuwatokwe toollo'mo kudo'aiko tovi kuusubweyodowodekono. Toro te a'mwo sipsip duuwatokwe tool noullo su tovi'aro kuulawo'ji kuurupto toruda'ai gami sipsip toorai deko kuuloduuwopiyodawodekono. Toro kuuloduuwopiyodowo'jure tovi sipsip tooro gamoro yogaimaguurai tovino me'no iworovomaropi kwollomno bodupudorogano. Aki duuwatokwe tool sipsip go'no go'nodo tooravuro yovo tonyu domarowo'ji sipsip kuurupto tovida'ai bomogaibworomokalokwodowodekono.

Joon 11:28

Martav toro wuujuno sumaiyokwe gami ganabwiyago Mariyaviyomno kuuwokakwono. Toro wino sumaiyokwe gami ganabwiyago su tovi judo tomuu aro kuudokakwono. “Ibwasokwe abadopiko tool gumino abwoneyokwe agudadopiyo.” Kuudokakwono.

Joon 13:13

Kevu nyudodupudorekikono. “Ibwasokweyoloo,” aki “Agutoloo,” nyudodupudorekikono. Kevu su toro nyudodupudo tov kuvigono. Nuu kuvinono su toro ikullumo'nodumdonyugono.

Joon 20:28

Jisasol toro kuudoka tovi Toomasol aro kuudokaikono. “Guu mi Agutekugonoo! Aki guu mi Gooti tookugonoo!” Kuudokaikono.

Joon 3:2

Toro tool surakuuto pullugwoji Jisasollomno bino sumaiyokwe aro kuudokaikono. “Ibwasokweyoloo, Gooti toolluro amonekwopiyaboka tool, Guu kwekudeyo, kuudo yaguu'dowadekugono. Nemoro kuudo yaguu'dowado su tov aro tovinokwono. Gooti tool a'mwo yasuwa'nodo pweke mamwalowo'jujuko'mno'juki a'mwo yasuwa'nodo su tool gumoro duuwallo jurogudo yodumdo akanbusuko ton ku'nono miyowo'jujukekono.” Kuudokaikono.

Joon 5:2

Wagwolago Jeruusalem su tovi anakuuto tomuu noullo puvino yovo tov Sipsip Noullovo dodupudokwono. Noullo su tovi wobo toru wonyo buugo pwol kwollajukekono. Hibruu yogaljo tovida'ai wonyo buugo su toolluno yovo tov Betesdalekono. Aki wonyo buugo su toollu wobo toru du'gurolo'mo ago atobuul ton adaiyajupogano.

Joon 6:25

Toro plaino sumaveyokwe wonyo buugo tovi igo'mgu iloga'mova'mno Jisasollu so'mgonomaropogano. Toro yo'mgonoma'no sumaveyokwe aro kuudoganopogano. “Ibwasokweyoloo, guu adoga akawai abai'mo'mwa'judekudeyo?”

Kuurotokwe 10:3

Toro tool iruko pullugwoji 3-kilook sulato toga wojo to'busuko puruv kwonokaikono. Wojo su tov aro tovi kwonokaikono. Gooti toolluro ensel pwol gamoro ago tovi kuulno sumaiyokwe aro kuudokaikono. “Kooniliyosoloo.” Kuudokaikono.

Kuurotokwe 9:4

Toro awopiyoka toga Soolol kwako tovi bwoloo'no sumaiyokwe yogaimaguurai puruv aro tovi kuu'nokaikono. “Soololoo, Soololoo, guu mi kaiyako sanyugolmwakudo tov buro'nyo'mekudeyo?”