Joon 2:19 - Gooti Toolluro Yogalokwono

¹⁹ Toro kuudopo toorai Jisasol aro kuudokaikono. “Kevu Gooti toollu ilomoropiyo'moneyokwe ago akavi amouropipi kuvi kuruv nuvno'gwowi iruko pullapullu tobuul me'no bawo'ji aki aiko te nomojudapimonyugono.” Kuudokaikono.

Joon 2:19 Σταυροειδείς Αναφορές

Matyuu 12:40

Joona'wol domwoga toolluro sumwoluko tovi anakuuto tomuu iruko pullapullu surakuuto pullapullu aularoka to'busuko kubalno A'mwo Kwolaiyo Kuunodo toonyu kwako akavi anakuuto tomuu iruko pullapullu surakuuto pullapullu kuula'monyugono.” Kuudokaikono.

Matyuu 16:21

Su toro togada'ai Jisasol gami uumjunyokwe toorai aro tonyuno sodubwasajukekono. “Nuu Jeruusalem'no plavo'mi dado go'no go'no bwotonyago pun nonuunononyugono. Toro toonyu Juu tooravuro mido mollomwalokwe toorogai'aro pris mido mollomwalokwe toorogai'aro loowo tovino pi'mwo kuudokwe toorogai'aro tooro kaiyako yanyugolopi noromiyanubwepinonyugono. Su toro aromiyanubwepi kwonyu kuruv iruko pullapullu nuwolo'nowo'ji toga aki aiko te noduka'monyugono.” Kuudokaikono.

Matyuu 27:40

Toro ton aro ajuwoleyajupogano. “Aiyoo, Gooti toollu ilomoropiyo'moneyokwe ago tovi mouropiyo'bi iruko pullapullu guuwolo'nowo'ji toga aki aiko te mojokwe tookugono. Toro tookujuno tov guvnokwe tooku neya duuwiyo'mwoju'nono! Aki guu Gooti toolluro Kwolaiyo tookuno'juki i'noguropte tovida'ai doolabono!” Ajuwoleyajupogano.

Matyuu 27:63

Toro kuulno sumaveyokwe Pailatollu aro kuudoporogano. “A'mwo agutoloo, a'mwo kuunano youkuu'najokwe su tool aiyo kuuno mwalodowodo toga gamoro yogalo puruv aro doduke kuu'nowekono. “Nuu iruko pullapullu me'no abawo'ji toga aiyo aiko te noduka'monyugono,” doduke toollu kuu'nowekono.

Kuuguudo Sugudo akav Makolluro sakwollokakwono Mak 14:58

“Gooti toollu ilomoropiyo'moneyokwe ago tovi mouro'jeyopiyo'mi iruko pullapullu nuwolo'nowo'ji toga aki aiko te modumonyugono. Ago amouropimi su tov a'mwo tooravuro ato tokwe amojungiko kuvi kuruv moro amodumi to'gwowi ato tokwe mamodumonyugono. Jisasolluro toro doduke tovi kuu'nowekono.”

Kuuguudo Sugudo akav Makolluro sakwollokakwono Mak 15:29

Toro toorallu me'no movoromiyoguroptowosuno sumaveyokwe a'mwo abolo pun puuto tovi plavo'mno Jisasollu nuuwoleyo'mo ton burolyogalo wuudodupu milgulgulo ajuwoleyajupogano. Toro ton aro ajuwoleyajupogano. “Aiyoo, Gooti toollu ilomoropiyo'moneyokwe ago tovi mouropiyo'bi iruko pullapullu guuwolo'nowo'ji toga aki aiko te mojokwe tookugono.

Kuuguudo Sugudo akav Makolluro sakwollokakwono Mak 8:31

Toro togada'ai Jisasol aro tonyuno sodubwasajukekono. “A'mwo Kwolaiyo Kuunodo toonyu dado go'no go'no bwotonyo punyu nuunononyugono. Toro toonyu Juu tooravuro mido mollomwalokwe toorogai'aro pris mido mollomwalokwe toorogai'aro loowo tovino pi'mwo kuudokwe toorogai'aro tooro mino buulo nuugunyumopiyopi romiyanubwepinonyugono. Toro aromiyanubwepi toga iruko pullapullu nuwolo'nowo'ji aki aiko te duka'monyugono.” Kuudokaikono.

Joon 11:25

Toro kuudoka tovi Jisasol kuudokaikono. “A'mwo abolo me'no bolodupudo tonyu aiyo aiko te modukaiyo'moneyokwe tool nuu kwonyugono. Aki aiyo mujomwekovlaiyo'moneyokwe wiyodowodo tool nuu kwonyugono. A'mwo pwol mino kuudo anubweyo'ji su tool abolo'ji kuvi kuruv aiyo mujomwekovla'mwalonekono.

Joon 5:19

Toro te Jisasol Juu su toorai aro kuudokaikono. “Nuu nebal'no kuunodo ikudumo'mokwono. Gooti toolluro Kwolaiyo toonyu nuvnokwenyuro kuudo tovida'ai womdo miyokwenyugono. Toro kwonyu kuruv yiuno mi Nyunumiyago toolluro womdo yodowo'jure tovi wonoma'dumdo tovida'ai to'no womdo aval'no yokwenyugono. Kuudo neya jaullulo. Nyunumiyago su tool burowo'nyo burowo'nyo womdo ton so'ji tov gamoro Kwolaiyo kwonyu kuruv womdo su tonyu aval'no yokwenyugono.

Kuurotokwe 2:24

Kevu toro aromiyosopo kwollu kuruv bolnodo su tov Jisasollu wuulo muugullokakwono. Aki bolnodo tovuro jurogudo tovi dolago tomuu yiunokuudo mamwalokaikono. Gooti gavnokwe tool aiyo aiko te modukavo'no bolnodo tovuro jurogudo tovida'ai kwollu amollurolowapiyokaikono.

Kuurotokwe 2:32

Toro te Gooti toolluro a'mwo amodukavoka su tool Jisasol kwekono. Toro amodukavoka toollu nevnokwenolluro sumdo tokwe me'no kwonowekono. Toro kwonowo toonol kuu'maiyo toru'no dodoluwosodowadonogano.

Kuurotokwe 3:15

Kevu toro wuudo'mno aromiyosopekono. Toro aromiyosopo su tool nemi aiyo nekullabodowodo Jisasol kwekono. Toro tool me'no aboloka kwollu kuruv Gooti tool aiyo aiko te amodukavokaikono. Toro te navu yiuwi'nokai Jisasollu kwimo'nyajuko su ton me'no kwonowolonakono. Toro me'no kwonowolo toonal kuu'maiyo toru'no adodoluwosumwakuuwolo.” Kuudolorakono.

Kuurotokwe 3:26

Gooti tool gamoro womdokwe Jisasollu sumdomgu kevu Juu toorekulluda'ai amekwopiyaboka tov aro tovinokwono. Kevu puuto ma'no ma'nodo tovi uumjungovla'mdupudo togaikul kuudo muuduko tov yauropi neya jodu'mwonyugobilo. Toro supi togaikullu gamoro sugudo tov nekubweyonogaikikono. Toro tovino amekwopiyabokaikono.” Pital toro kuudokaikono.

Kuurotokwe 6:14

Toro tool aro doduke tovi kuu'nowekono. “Nasaretda'ai Jisasol Gooti toollu ilomoropiyo'moneyokwe ago tov mouropiyowo'ji kemoro pasudo Moosesolluro aikullaboka tov neya dodukwopiyulo. Yopi pasudo muuduko pumgu'aro tonyuno'gwowi neya jogaulo.” Doduke toollu kuu'nowekono.” Soukuu'nuudoporogano.

Room 4:24

Yogalo su tov ne kunolluda'aiyo'mokwono. Nevu Gooti toolluno kuudo kuubweya'ji tonolluno Gooti tool, “Sugudodeyo,” dowo'ji ilaiyo aval'no mollonekumaronekono. Gooti su tool nemoro ma'no ma'nodo tovuro kirumwallo tovi mobiyanekudukwopiyo'moneyokwe Jisasollu a'mwo romiyosodopure tooravuro ato tovi amorubweyokaikono. Toro morubweno sumaiyokwe nemi Aguto Jisasol yiuno'no abolokaikono. Toro kwollu kuruv Gooti tool aiyo aiko te amodukavokaikono. Gooti toolluro amodukavoka su tov nevu kuudo kuubweya'ji tonol gamoro sumdo tovi sugudo wimo'nyo'moneyokwe tovinokwono. Toro te Gooti tool nevu kuudo kuubweya'ji su tonollu ilaiyo nomollonekumaronekono.

Room 6:4

Toro tonol Krais tooke bolowono buuso tovi amollusanekubweyoponogano. Krais tool buuso tovi wo'duke toollu gami ganumiyago tool gavnokweyolluro jurogudo kuunodo tokwe aiyo aiko te amodukavokaikono. Toro to'busuko kubalno Gooti tool Krais toollu tomuu aulomonekumwallokaikono. Toro aulomonekumwalloka tovida'ai nemi poowokalago tov aiyo aiko te imo'nodowadonogano. Toro tovino tov nemoro poowokalago ton aiyo me'no imo'nodowado tonolluro pasudo kun kuruv muuduko tomgu'aro yomjumovla'mwalanonogano.

Room 8:11

Gooti su tool Krais Jisasollu aiyo aiko te amodukavoka toolluro Kuullo tool kemi poowokalago tovi kuulekumwalodowodekono. Toro te lukomgu kemoro kulako abolpi tonyu Gooti tool aiyo aiko te nomodukawonekono. Gamoro Kuullo tool kemi poowokalago tonyu me'no kuulekumwalodowodo su toollu'aro kuvinono modukawonekono.

1 Koorin 15:12

Nevu kuuguudo aro modomollodowadonogano. Krais tool me'no aboloka toollu Gooti tool aiyo aiko te amodukavokaikono. Su toro modomollodowado kuvi kuruv kevu pworekul aro dodupudokwono. “A'mwo abolo me'no bolodupudo ton aiyo aiko te ku'nono madukapinogano.” Pworekulluro su toro modomollodupudo tov kuvimaiyo.

Kooloosi 2:12

Aki kevu wonyo kuuvollunopo toga aro tovino me'no kuuduuwallunopogaikikono. Kevu Krais toollu uuguro'mwonyodupudo togaikulluno tov Krais toollu buuso tovi amollusosopo toga Gooti tool kev kugaikullu kuruv aval'no amollusaikubweyokaikono. Toro kuvi kuruv Krais toollu aiyo aiko te amodukavoka Gooti su toolluro jurogudo su tovino kevu kuudo me'no kuubweyopogaikikono. Toro togaikulluno tov Krais tool aiyo aiko te adukavoka toga Gooti tool kev kugaikullu kuruv gavnokweyolluro jurogudo su tokwe aiyo aiko te aval'no amekudukavokaikono.

1 Pita 3:18

Kuudo neya jaullulo. Krais kwol kuruv a'mwo abolo tonyuro ma'no ma'nodo tovi modukwopiyo'moneyokwe danyu'nyuwuulo ton yiuno puru'monodo toga'no amarokaikono. Krais su tool yiuno sugudo to'no imo'nodowodo kwol kuruv nevu sugudo mimo'nodowado tonolluro aiko toru maro'no abolokaikono. Aki nemi Gooti toollu wobo toru nekumokabiyo'moneyokwe abolokaikono. Krais toolluro kulako tov me'no aboloka kuvi kuruv aiyo aiko te adukavoka toga'no'gwowi Kuullo sumo'nokaikono.