Joon 2:15 - Gooti Toolluro Yogalokwono

¹⁵ Jisasol toro tonyu wonyuno sumaiyokwe wuulo gunyukuurumollo'mo puruv maro'no yiuwi'nokai toorai agwapto tovi kwa'mgu tomuuno abilomodovomjopiyokaikono. Aki sipsip toorogai'aro buulmokau toorogai'aro kworai kuruv kwa'mgu tomuuno abilomodovomjopiyokaikono. Yo'no a'mwo nuugwiyo yodalopto yodopure tooravuro noluuleyo tonyu amourotowapiyokaikono.

Joon 2:15 Σταυροειδείς Αναφορές

Matyuu 21:12

Toruda'ai Jisasol wagwolago Jeruusalemda'ai Gooti toolluro ilomoropiyo'moneyokwe ago tovuro agwapto toru aulokaikono. Toro kuulno sumaiyokwe a'mwo abolo ton mubiyo dalo'nyo inodopure tonyu abilomodovomjopiyokaikono. Yo'no a'mwo nuugwiyo yodalopto yodopure tooravuro noluuleyo togai'aro aki dokato sobuuro toorai yodalopto yodupudo tooravuro noluuleyo kugai'aro tonyu amourotowapiyokaikono.

Joon 18:6

Toro boda'mno sumaiyokwe Jisasol, “Nuu kwonyugono,” kuudoka toga a'mwo su tooro duu'mgado pwekwo uuwo'mno kwako tovi kwoloraporogano.

Joon 2:14

Toro plaino sumaiyokwe wagwolago Jeruusalem tovi ki'movo'no Gooti toollu ilomoropiyo'moneyokwe ago tovuro agwapto toru'no aulokaikono. Toro kuulno sumaiyokwe a'mwo abolo pun buulmokau toorogai'aro sipsip toorogai'aro dokato sobuuro toorogai'aro su toorai maket wosodopure tonyu kwonokaikono. Aki a'mwo abolo pun noluuleyo tonyu mwalodupu nuugwiyo yodalopto yodopure tonyu kwonokaikono.

Joon 2:16

Aki a'mwo abolo dokato sobuuro toorai maket wosodopure tonyu yogalo aro amojurugolokaikono. “Moro Nyunumiyago toolluro ago akav kemoro maket ago to'busuko aikullumo'nadopiyo. Toro te akaru neya wuugollu'movopi kemi noonyumwonyu kuto ivito togai domollounomokavlaiyulo.” Kuudokaikono.

Kuurotokwe 27:32

Poololluro toro kuudoka su tovi mollurogudo tooro wuu'no'mno boot kula'nyo tovuro wuulo tovi aidopuurapiyoporogano. Toro aidopuurapiyopo toga boot kula'nyo su tov soolwara tovi muunyu toru yiunokuudo kuuwokakwono. Toro uuwoduke tovi nokwo wonyapino soporogano.

2 Koorin 10:4

Aki nemoro molo mollo'moneyokwe iro'mwomido ton kwako akavida'ai mama'dowadonogano. Toro kuvi kuruv nemoro molo mollo'moneyokwe iro'mwomido to'busuko ma'dowado su tono'gwowi Gooti toolluro jurogudo tovi kuula'dupudogano. Toro te nevu Gooti toolluro noonyumwonyu jurogudokwe su togai nemi ikomago tooravuro mekuurupto jurogudo tonyu kirowo'dolapiyodowadonogano.