Joon 19:5 - Gooti Toolluro Yogalokwono

⁵ Pailatol toro me'no wuujuno sumaiyokwe toga Jisasol amodu'mago agabaiku'nyungiko tokwe'aro youro kwallujo tokwe'aro tovake kuuno yeso'no kwa'mgu tomuuno alokabokaikono. Toro alokaboka toga Pailatol a'mwo abolo tonyu kuudokaikono. “Kevu juloonyopiyabilo! A'mwo akal kwekono.”

Joon 19:5 Σταυροειδείς Αναφορές

Aisaiya 7:14

Toro te Gooti Yawel gavnokwe tool aro ikuduuwallodowo'jure tovi wonpinogaikikono. Abolo sujuraiyo puruv a'mwo pweke sumwonyo miyodubulo tov kwolaiyo sumwoluko imo'nonokwono. Toro imo'nowo'ji kwolaiyo somaro'ji toolluno yovo tov Imanyuuwelolo mullowaronokwono.

Matyuu 27:29

Toro ibweno sumaveyokwe amodu'mago agabaiku'nyungiko tov Jisasolluro mido tovi a'mwo aguto kig pwolluro miguto to'busuko subweyoporogano. Aki aguto kig pwol gamoro jurogudo tovi wuuduuwallo'moneyokwe yodeko sugumaluko puruv mwora'dowodo to'busuko kubalno Jisasol gami anato tokwe momworarono'moneyokwe burano puruv kwiyopekono. Toro wino sumaveyokwe toga gamoro dolago tomuu suduko winuguto'no'mno burolyogalo aro kuudoporogano. “Tarevono, Juu tooravuro a'mwo aguto kigoloo!”

Joon 1:29

Iruko aikomguda'ai tollugwoji Jisasol abokaikono. Toro noboduke toollu Joonol wonyuno sumaiyokwe aro adokaikono. “Akaigwollu doonyuloo! Gooti toolluro sipsip muugunyo tookono. Kwako akavida'ai yiuwi'nokai a'mwo abolo tonolluro ma'no ma'nodo tonyu modukwopiyo'moneyokwe tookono.

Joon 19:2

Toro gunyukuurumolluno sumaveyokwe aki mollurogudo su tooro amodu'mago agabaiku'nyungiko tov Jisasolluro mido tovi kig pwolluro miguto to'busuko ibweyo'mno aki youro kwallujo tokwe'aro subweyoporogano.

Hibruu 12:2

Aki toro tonol a'mwo pwol resis tovuro aiyo'wo tomgu kinamjodowodo to'busuko kubalno nevu yiuno Jisasolluno bekonarowa'ji neya ainomjumovlavogawano. Nemoro kuudo uubweyodowado tov yiuno Jisasolluno to'no porugwo'mo'na'dowodokwono. Aki lukomgu yiuno Jisasolno Gooti toolluro ago muunyu kai'muuno nekumokailawonekono. Jisasol aro kuudo me'no souromarokaikono. Oo nuu aiyowo'mo toru ai'mo'mi toga ilaiyo bwotonyo tov noma'monyudeyo. Toro tovino tov mi sumdollu toruda'ai puuto wo'dowodo tovi guureji neya ainamjumo. Kuudo me'no souromarokaikono. Toro souromaroka tool nokwo wonyapino to'no yoduke toga a'mwo kaiya'nodo tooro galomworaro'mno i'noguropte tovi amovoromiyoguroptowosopekono. Aki toro tool aro kuudo miyaullajukekono. Nuu i'noguropte tovi abolmi toonyuno yovo tov nobwolomonumwogapiyapinonyudeyo. Su toro tovino kuudo miyaullajukekono. Toro te Jisasol resis tovi me'no uuwolo'mno sumaiyokwe Gooti toolluro sia kig tovi anato toru sulomwalokaikono. Toro ilomwalno sumaiyokwe aga kuga kuruv kuuno mujomwekovla'mdowodekono.