Joon 18:13 - Gooti Toolluro Yogalokwono

¹³ Jisasollu me'no galai'no sumaveyokwe a'mwo Anasollomno amogaibworomokavlavopekono. A'mwo su tool Kaiyafasolluro ganyalumiyagekono. Kaiyafasol kworomo su tovi pris aguto sumo'nyajukekono.

Joon 18:13 Σταυροειδείς Αναφορές

Matyuu 26:3

Su toro toga pris mido mollomwalokwe toorogai'aro Juu tooravuro mido mollomwalokwe toorogai'aro tooro pris aguto pwolluro agwapto bwotonyo tovi su'bwo'noporogano. Pris aguto su toolluno yovo tov Kaiyafasolekono.

Matyuu 26:57

Jisasollu me'no galomwora'no sumaveyokwe pris aguto toolluro agwapto tomuuno amogaibworomokavlavopekono. Pris aguto su toolluno yovo tov Kaiyafasolekono. Toro toolluro ago toru pris mido mollomwalokwe pworogai'aro yiuwi'nokai Juu tooravuro mido mollomwalokwe toorogai'aro loowo tovino pi'mwo kuudokwe toorogai'aro tooro su'bwo'noporogano. Toro i'bwo'nodopure toru'no Jisasollu amogaibworomokavlavoporogano.

Luuk 3:2

Aki su toro toga a'mwo pworal pris aguto imo'nodubul womdo sajulorakono. A'mwo su tooralluno yovo tov pwol Anasolekono. Aki pwol Kaiyafasolekono. Su toro toga Sekoraiya'wolluro muugunyo Joonol kwako a'mwomaiyo kuu'maiyo tomuu amwallajukekono. Toro mwaloduke toollu Gooti tool yogalo pun aduubweyokaikono.

Joon 11:49

A'mwo su tooraida'ai pwolluno yovo tov Kaiyafasolekono. Kaiyafasol su toro toga pris aguto sumo'nyajukekono. Toro tool aro kuudokaikono. “Kevu kuudo nonaguto imo'nodupudorekikono.

Joon 11:51

Kaiyafasolluro yogalo kuudoka su tov gavnokweyolluro kuudo tovida'aiyo'maiyo. Kworomo su toga Kaiyafasol pris aguto sumo'nyajuko tovino tov yogalo su tov Jisasolluno proofet yogalo adokaikono. Proofet yogalo adoka su tov aro tovinokwono. Jisasol yiuwi'nokai kantri tomuuda'ai Juu a'mwo abolo tonyuro aiko toru marowo'ji nobolonekono.

Joon 18:24

Toruda'ai Anasol Jisasollu pris aguto Kaiyafasollomno amorapiyokaikono. Toro morapino sumaiyokwe Jisasolluro wuulo amerosopo tov yere mikwolapiyodopure toga Anasolluro a'mwo pworo Jisasollu Kaiyafasollomno amogaibworomokavlavopekono.

Joon 18:28

Toruda'ai lomwo iru'mago toga Jisasollu Kaiyafasolluro ago towaida'ai Roomda'ai a'mwo aguto gavona toolluro ago towai'no amogaibworomokavlavopekono. A'mwo amogaibworomokavlavopo kevnokwe su tooro Roomda'ai a'mwo aguto toolluro ago toru'no maulaporogano. Su tov aro tovinokwono. A'mwo su tooro lubullu doto puvi yanyo'morogano. Lubullu doto su tov Muunyu Toru'aro Surukuruwolovoka tokwono. Toro tovi yanyo'mo tooro aro kuudo sauroporogano. Oo nevu Roomda'ai tooravuro ago tovi aulowa'ji tov Gooti toolluro sumdo tovi kaiyako wimo'nowa'ji lubullu doto tovi ku'nono miyananonogano. Su toro kuudo yauro'mno Roomda'ai gavman toolluro ago tovi maulaporogano.

Joon 19:11

Toro kuudoka tovi Jisasol aro kuudokaikono. “Gooti muunyu kai'muuda'ai tool gumi gavman womdo yo'moneyokwe jurogudo tov magujabowo'jujuko'mno'juki guu mi kaiyako puru'monodo kuruv miyanyugolo'bujukekugono. Toro tovino tov a'mwo mi me'no amagubwemoka toolluro ma'no ma'nodo tov bwotonyokwono. Aki gamoro ma'no ma'nodo tov gumoro ma'no ma'nodo tovi kuuwolo'mwallo.” Kuudokaikono.

Kuurotokwe 4:6

Aki pris aguto Anaseke'aro Kaiyafaseke'aro Jooneke'aro Aleksadaike'aro aki yiuwi'nokai pris aguto toolluro iko tovasuda'ai kworogai'aro tooro abi'bwo'noporogano.