Joon 18:1 - Gooti Toolluro Yogalokwono

¹ Jisasol subusu'nyogalo me'no wuujuno sumaiyokwe toga gami uumjunyokwe toorogai alluraiyo Kidroonovi igo'mguuno suloga'mowopiyaporogano. Toro iloga'mowopino sumaveyokwe Jisasol gami uumjunyokwe toorogai ikulsul womdo puwai aulaporogano.

Joon 18:1 Σταυροειδείς Αναφορές

Muuduko 2:15

Toruda'ai Gooti Yawel a'mwo sokwollosoka toollu womdo Iden towai kuumwallokaikono. Toro tool womdo tovi mollomwalowo'ji ilsoweyoburaudumwalono'moneyokwe kuumwallokaikono.

Muuduko 3:23

Toro juno sumaiyokwe Gooti Yawel Adamollu kuudokaikono. “Guu womdo Idenda'ai bolokwo'bi kwako puvino dovlavono. Kwako su tov gumi saguukwollo tovi julloburoudanogawono.” Gooti Yawel Adamollu toro abilomodovomjopiyokaikono.

Matyuu 26:30

Toro wuujuno sumaiyokwe ilomodomoropiyo'mo dato pullugwo adoporogano. Me'no juno sumaveyokwe wagwolago tovida'ai bolokwo'mno Muumuudo Oolip toollomno avlavoporogano.

Matyuu 26:36

Toruda'ai Jisaseke'aro gami uumjunyokwe toorogai'aro tooro plaino sumaveyokwe kwako puruv Getsemani dodupudo toru'no avlavoporogano. Toro tooro kwako su toru ki'mo'mno sumaveyokwe Jisasol gami uumjunyokwe toorai aro kuudokaikono. “Nuu kaimuu uuwo'mi subusu'nyogalo dodo'mure toga kevu akawai domwalojulo.”

Kuuguudo Sugudo akav Makolluro sakwollokakwono Mak 14:26

Toro wuujuno sumaiyokwe ilomodomoropiyo'moneyokwe dato pullugwo adoporogano. Me'no juno sumaveyokwe wagwolago tovida'ai bolokwo'mno Muumuudo Oolip toollomno avlavoporogano.

Kuuguudo Sugudo akav Makolluro sakwollokakwono Mak 14:32

Toruda'ai Jisaseke'aro gami uumjunyokwe toorogai'aro tooro plaino sumaveyokwe kwako puruv Getsemani dodupudo toru'no avlavoporogano. Toro tooro kwako su toru ki'mo'mno sumaveyokwe Jisasol gami uumjunyokwe toorai aro kuudokaikono. “Nuu subusu'nyogalo dodo'mure toga kevu akaru mwalodupinorekikono.”

Kuuguudo Sugudo akav Makolluro sakwollokakwono Mak 14:42

Kevu dukavopi avlawano. Doonyulo. A'mwo mi moranubweyo'mo tool me'no abai'mo'mokaikono.” Kuudokaikono.

Joon 14:31

Toro tool jurogudo nonaguto kwol kuruv nuu wonyapino yodo'mure toonyu kaiyako nyanyugolonekono. Toro yanyugolodowo'jure kuga kuruv nuu mi Nyunumiyago toolluro adanyoka tovino'gwowi nuumjunmonyugono. Mi Nyunumiyago toollu uumjunodo'mure su tovi'aro a'mwo abolo kwako akavi mwalodupudo ton wonopi kuudo yanuupinogano. Oo gami Ganumiyago toolluno kalo buuropino winodowodoldeyo. Kuudo yanuupinogano.” Jisasol toro kuudokaikono. Me'no wuujuno sumaiyokwe gami uumjunyokwe toorai kuudokaikono. “Kevu julodaiyulo. Nevu kado avlawanoo.” Kuudokaikono.

Joon 18:26

Aki pris aguto toolluro a'mwo womdokwe pwol Pitallu aro kuudoganokaikono. “Oo Jisasol ikulsul womdo tomuu mwaloduke toga guu tookuji me'no agwonmo tov kwekudukono?” Kuudoganokaikono. Toro kuudoganoka su tool sumdomgu Pital a'mwo kaduko amodovodokuurapiyoka toolluro iko tovasuda'ai avalo pwekono.

Kuurotokwe 21:11

Toro tool bwolonekuru'ma'no sumaiyokwe Poololluro muulo tov irolomaro'no gavnokweyolluro suvlato tovallu amoweyollusopinokaikono. Toro mowellusopinyuno sumaiyokwe aro adokaikono. “Muulo akavi jukwo toollu wagwolago Jeruusalemda'ai Juu tooro galomworaropi nuu aikuduuwallumwako aka'busuko moweyollusosupinekono. Yopi a'mwo Juu tooravuro miyawosunodupudo toorai morubwepinekono. Toro wimo'nono tovino Gooti toolluro Kuullo tool toro anyudadopiyo.” Anekudokaikono.