Jisasol toro kuudoka toga gamoro uumjunyokwe pworo sajunoporogano. “Gamoro yogalo aro anekudumoka su tov buro'nyo kavlo tovino'mdukono? “Kevu kula'nyo toga'gwo mwalopi mi manuwonpinonyugono. Aki kevu kula'nyo pwekwogai'aro mwalopi mi aiko te nonuwonpinonyugono.” Aki gamoro yogalo puruv aro anekudumokaikono. “Nuu mi Nyunumiyago toollomno sulami tovino tov kevu aiko te manuwonmwalpinorekikono.” Yogalo su toro anekudumoka ton buro'nyo kavlo tovino'mdukono?”
Joon 16:30 - Gooti Toolluro Yogalokwono30 Toro te aga'no'gwowi gumino aro tovino kuudo me'no youraguma'dowadonogano. “Oo su tool yiuwi'nokai tonyuno kuudo me'no youromallokwekono. Aki a'mwo pwolluro yamuugojo tovino supto miyokwekono. Yere muudoganodowo'jure kuga kuruv kuudo me'no youromallokwekono.” Gumino su toro tovino kuudo me'no youraguma'dowadonogano. Toro tovino tov nevu gumino tov, Gooti toolluda'ai kwolabokaldeyo, kuudo agubwemwakuuwono.” Kuudoporogano. Δείτε το κεφάλαιο |
Joon 16:30
12 Σταυροειδείς Αναφορές
Aki su toro toga kevu mino yovo tovi'aro moro Nyunumiyago toollu wuudoganmwalpinorekikono. Moro su toro aikudumo tovino kevu aro kuudo nyaupiyo. Oo Jisasol nemoro mago tovida'ai mollodavowo'ji Ganumiyago toollu nemiyo'mo wuudoganmwalonoldeyo. Su toro kuudo nyaupiyo. Toro kuvi kuruv kevnokwe toorekul mino yovo tovi'aro moro Nyunumiyago toollu nokwo wuudoganmwalpinorekikono.
Su tov aro tovinokwono. Nuvu gumoro yogalo anyabodo ton me'no kwiyonyugono. Yogalo kwiyo su tonyu me'no ma'dupu mino aro kuudo souronuma'mwakopogano. Oo su tool Gooti toolluda'ai nebal'no kwolabokaldeyo. Kuudo souronuma'mwakopogano. Aki toro ton mino tov aro kuudo kuubwemwakopogano. Oo Gooti toolluro amonekwopiyabokaldeyo. Kuudo kuubwemwakopogano.
Jisasolluro duuwallo jurogudo su tov muudu'nodokwono. Toro tov kwako Galili tomuuda'ai wagwolago Kana towai sumo'nokakwono. Jisasol duuwallo su tovi'aro gamoro jurogudo kuunodo tovino kuu'maiyo toru'no kuuduuwallunokaikono. Toro kuuduuwallunoka tovi gamoro uumjunyokwe tooro wono'mno kwolluno kuudo kuubweyoporogano.
Aki lukomgu Jisasol pugasal puga toga aiko te aro kuudoganokaikono. “Joonolluro muugunyo Saimoonoloo, guu mino kalo buuropino gujunodowodekudeyo?” Kuudoganokaikono. Toro kuudoganoka toga'no'gwowi Pital jul'nyo subwosunokaikono. Su tov aro tovinokwono. Jisasolluro aro kuudoka tov, “Guu mino kalo buuropino gujunodowodekudeyo,” pugasal puga kuudoganoka su tovino Pital jul'nyo subwosunokaikono. Toro ibwosunyuno sumaiyokwe aro kuudokaikono. “Agutoloo, guu yiuwi'nokai noonyumwonyu tonyuno kuudo me'no youroma'dumdekugono. Toro tooku moro gumino kalo buuropino nyunodowodo su tovino kuudo me'no yanuu'dumdekugono.” Kuudokaikono. Toro kuudoka toollu Jisasol aro kuudokaikono. “Guu moro sipsip tobuurai wosamujuko neya duuwiyogawono.” Kuudokaikono.
Toro te neya duu'nyulo. Nyunumiyago su tool gami Kwolaiyo toonyuno kalo buuropino winodowodekono. Toro tool gavnokweyolluro yiuwi'nokai womdo judo'no judo'no yodowodo tonyuno gami Kwolaiyo toonyu kuu'maiyo toru nyuduuwallodowodekono. Aki Nyunumiyago su tool womdo aguto kuunodo pugai'aro ton nyuduuwallonekono. Toro nyuduuwallodowo'jure toonyu'aro kevu wonopi mollolokurosi ipinogaikikono.
Toro wuujuno sumaveyokwe toga Jisasol aro kuudokaikono. “Gooti tool kemi Tellunumiyago kuunodo ikullumo'nodowodorekulno'juki kevu mino kalo buuropino nokwo aikullunowo'jujukorekikono. Su tov aro tovinokwono. Nuvu Gooti toolluda'ai kemiyomno abonyugono. Aki nuu akawai abumwako tov nuvnokwenyuro kuudo tovida'aiyo'maiyo. Toro kuvi kuruv Gooti tool amonuwopiyaboka tovida'ai abumwakono.
Aki yiuwi'nokai Gooti toolluro sokwollosoka ton gamoro sumdo tovida'ai yiulo puru'monodo kuruv miyoupuu'na'dupudogano. Toro kuvi kuruv yiuwi'nokai ton Gooti toolluro sumdo tovi yiuno kuu'maiyo toru'no bomollolupto'nosodupudogano. Toro tonyu Gooti tool pi'mwono youroonodowodekono. Gooti su tool nemoro pasudo tonyuno nojainyubworonekono. Toro ajainyubworo'ji toga nevnokwe tonol nemoro pasudo su tonyuno kavlo ton kuu'maiyo toru nododowiyoku'bworosunanonogano.
Διαφημίσεις