Joon 15:2 - Gooti Toolluro Yogalokwono

² Toro tool moro ipilo pun ikulsulo mai'nodopudo tonyu modovodukwopiyodowodekono. Aki ipilo pun ikulsulo ki'nodupudo su tonyuno'gwowi guureji pugai'aro ki'nugovlapino'moneyokwe ku'mowopiyodowodekono.

Joon 15:2 Σταυροειδείς Αναφορές

Matyuu 13:12

Toro te a'mwo pwol moro yogalo tovuro kavlo tovino kuudo souromaro'ji tov Gooti tool a'mwo su toollu kuudo purukwe'aro nuuwiyonekono. Aki kuudo kwiyo'ji su tovi muunyu toru bwotonyago nyulloullubweyonekono. Toro kuvi kuruv a'mwo pwol moro yogalo tovi muu'nyubusuko yowo'ji kavlo tovino kuudo miyouromaro'ji toolluno'gwowi gamoro kuudo pwekwono uubweyodowo'jure su tobuurai Gooti tool nomodukwopiyonekono.

Matyuu 13:33

Aki Jisasol yovekurajo puruv aro kuudokaikono. “Muunyu kai'muuda'ai aguto kig toolluro mido mollomwalo tov flauwa munyo'moneyokwe yis to'busukokwono. Abolo puruv yis tovi malluno sumaiyokwe bret yakwollo'mo flauwa bwotonyago tonyu anakuuto tomuu aulosokakwono. Toro kuulosuno sumaiyokwe yis su tov pwekwono kworoka kuvi kuruv yis su tov yiuwi'nokai tomuu kuullo'mowopino sumaiyokwe flauwa tov bwotonyo amunopiyokakwono.”

Matyuu 15:13

Toro abuudopo tovi Jisasol yovekurajo aro kuudokaikono. “Mi Nyunumiyago muunyu kai'muuda'ai toolluro yiuwi'nokai maburaujajuko tonyu gavnokwe tool kadomdo nomolo'mowopiyonorogano.

Matyuu 21:19

Toro kwinoka tool puuto tomuu iko fik pwol da'mduke toollu kwonokaikono. Toro wonyuno sumaiyokwe iko su toolluro sulo pun yo'mgonomuudanyo'moneyokwe kuuwokaikono. Toro wino sumaiyokwe iko su tool ikulsulo pun mai'nyo'mo tool yiuno kuuwopto tono ina'dopure toollu kwonokaikono. Toro tovi wonyuno sumaiyokwe Jisasol iko su toollu yogalo aro amojurugolokaikono. “Agada'ai sulo mai'nugovla'mwalbinekugono.” Amojurugolokaikono. Toro amojurugoloka kuga'gwo kuuno iko fik su tool yiuno'no aluuropiyokaikono.

Matyuu 25:29

Toro duuwino sumaiyokwe aro kuudokaikono. “A'mwo pwol moro yogalo tovuro kavlo tovino kuudo souromaro'ji tov Gooti tool a'mwo su toollu kuudo purukwe'aro nuuwiyonekono. Aki kuudo kwiyo'ji su tovi muunyu toru bwotonyago nyulloullubweyonekono. Toro kuvi kuruv a'mwo pwol moro yogalo tovi muu'nyubusuko yowo'ji kavlo tovino kuudo miyouromaro'ji toolluno'gwowi gamoro kuudo pwekwono uubweyodowo'jure su tobuurai Gooti tool nomodukwopiyonekono.

Matyuu 3:10

Toro te aga sajugo tov iko tooravuro kavlo tonyu dovomwogapiyo'moneyokwe ikolato sugiyo. Toro sukolasuko su tool yiuwi'nokai iko tooro ikulsulo mai'nodupudo toorai dovomwogapiyowo'ji du'muudo tovi mobwokulluroudapiyonekono.

Matyuu 3:12

Aguto su tool abwo'ji toga sapoollo pilatokwe tov mworarowo'ji wit dapto toorai mobwokurodukwopiyonekono. Yowo'ji wit sugudo ton mollu'bworosowo'ji gami wosamuju'ago tovi kuulomorosonekono. Yowo'ji daptorodeyo ado'ji to'gwowi duko yiunokuudo maibuulopiyodowodo tovi molluroudapiyonekono.” Joonol su toro kuudokaikono.

Matyuu 7:19

Toro te yiuwi'nokai iko pwolno pwolnodo tooro ikulsulo sugudo mai'nupi tov a'mwo pwol iko su toorai dovomwogapiyowo'ji duko tovi nyuroudapiyonekono.

Kuuguudo Sugudo akav Makolluro sakwollokakwono Mak 4:20

Aki pworo wit sulo tov kwako ilaiyo tovi abwolowoguroka to'busukorogano. Toro tooro Gooti toolluro yogalo tov wuu'nodupu mallokwerogano. Toro ma'dupudo toga jurogudo gullopi Gooti toolluro womdo tovi amollupi toga sulo ki'nodupudorogano. Toro tooravuro sulo ai'nupi ton pworo 30-pela pworo 60-pela pworo 100-pela ki'nodupudorogano.”

Luuk 8:13

Aki wit sulo pun sulwomdo tomuu abwolorapo su ton a'mwo abolo punyuno'busukogano. A'mwo abolo su ton Gooti toolluro yogalo tovi me'no kuu'nupi toga ilaiyo molloma'dupudogano. Ilaiyo mollomaropi kun kuruv puluko nonaguto to'busuko imo'nodupudogano. Toro ton kemoro kuudo uubweyodupudo tov yiuno kula'nyo toga'gwono uubweyopi kun kuruv lukomgu tabunyu pun yamju abwiyogano'ji toga Gooti toollu yere wuugollu'mo'mdupudogano.

Joon 15:1

Aki Jisasol gami uumjunyokwe toorai aro kuudokaikono. “Nuu iko wain kuunodo toonyugono. Aki moro Nyunumiyago tool wain womdo tovi mollomwalokwe tookono.

Joon 15:16

Kevu mi miyenyubworonumaroporekikono. Toro kuvi kuruv nuvno'gwowi kemi yenyubworekumarono me'no ajaikubweyorekikono. Toro ajaikubweyo su tov kevu plavopi moro womdo tovi imwalpino'moneyokweyokwono. Aki moro womdo su tovi amjumovlapi tovi'aro ikulsulo yiunokuudo mujo'movlaiyo'moneyokwe tollovo neya de'nogaulo. Su tov aro tovinokwono. Kevu moro Nyunumiyago toollu mino yovo tovida'ai buro'nyo buro'nyo tonyuno kuudoganpi tov kuvinono nomollumo'nekubweyabwonekono.

Joon 15:3

Kevu ipilo toorekullubusuko Gooti tool me'no ku'movaikwopiyodowodekono. Aki moro yogalo togai yodekubwasodumdo tovino tov kevu wonyo me'no sal'mo'nyungopo toorekulbusuko imo'nodupudorekikono.

Joon 15:6

A'mwo pwol numi manuguro'mwonyugovlawo'ji tool ipilo modovodukwopiyodupudo to'busuko imo'nonekono. Ipilo buukuropiyodupudo su tooro yiuno duko tovi iroudapiyo'moneyokwerogano.

Joon 15:8

Kevu ikulsulo bwotonyago ai'nugovlapi tovi'aro moro Nyunumiyago tool yovo aguto maronekono. Aki ikulsulo bwotonyago ai'nugovlapi su toorekul aro tovino kuu'maiyo wuuduuwallumwalpinorekikono. Kevu moro nuumjunyokwe kuunodorekikono. Toro tovino wuuduuwallumwalpinorekikono.

Joon 17:12

Nuu a'mwo abolo su tobuurogai mwalodumdo toga gumoro yovo anyabodo tovuro jurogudo tokwe po'dogalo mollovi'mwojomwalodumdogano. Toro mollovi'mwojomwalodore toga a'mwo abolo su tobuuravuro puru'monodo kuruv moro ato tovida'ai mimagwo'nodupudogano. Toro kuvi kuruv Gooti tookujuro yogalo tovi suuwiyo kuvinono imwojo'moneyokwe a'mwo yiuno pwolnodo toolno sumagwo'nokaikono. A'mwo su toollu kaiyako mollounapiyo'moneyokwekono.

Room 11:17

Toro te iko pwolluno yovo tov oolipolekono. Oolip iko su toolluro kavlo tovida'ai wonyo ma'dowodo tov gamoro yiuwi'nokai pilato kun kuruv ma'dupudokwono. Toro kuvi kuruv puga Gooti tool oolip iko su toolluro pilato pun modovodukwopino sumaiyokwe ipilato yasuwa'nodo pun dovomokabo'no oolip ikavlo su toollu abomomunyutowosokaikono. Toro abomomunyutowosoka toga oolip ikavlo su toolluro wonyo ma'dowodo tov ipilo yasuwa'nodo kunyu kuruv kwiyo'mwojajukokwono. Toro wiyo'mwojoduke tovida'ai jurogudo sumo'nyajupogano. Yovekurajo su tovuro kavlo tov arokwono. Gooti tool Juu a'mwo abolo punyu molleru'mdeyomwalluno sumaiyokwe amodukwopiyokaikono. Toro modukwopiyo'no kevu Juu tooravuro miyaikuuwosunodupudo togaikul ipilato yasuwa'nodo togaikullubusuko ikumokabo'no ikavlo kuunodo toollu abomomunyutovaikubweyokaikono. Toro tovino tov kevu Juu tooravuro miyaikuuwosunodupudo kugaikul kuruv Juu tooravuro ikavlo kuunodo toolluro jurogudo tov ikubwemovla'mdowodekono.

Room 11:22

Gooti toolluro womdo yodowodo tovino aro kuudo neya jouromarogaulo. Oo Gooti tool a'mwo abolo punyu ilaiyo igolodowodekono. Toro kwol kuruv a'mwo abolo punyuno'gwowi kaiya'no igolodowodekono. Kevu kuudo neya jaullulo. Juu a'mwo abolo ton Gooti toollu buulo uugunyumopiyodopure tonyu amodukwopiyokaikono. Toro kuvi kuruv kevno'gwowi Gooti toolluro sugudo yaikullugolodowodo tovino kuudo uubweyodopure togaikullu ilaiyo kuuno yaikullugolmwalonekono. Toro yaikullugolodowodo kuvi kuruv Juu tooravuro miyaikuuwosunodupudo kugaikul kuruv Gooti toollu buulo kuugunyumopipi to'gwowi nomaikudukwopiyonekono.

Room 8:28

Aki nevu aro kuudo me'no youroma'dowadonogano. Gooti gavnokwe tool adonekumaroka tonol gamoro a'mwo abolo me'no wimo'nodowa gamino kalo buuropino nekullunodowodonogano. Toro tonollu buro'nyo buro'nyo sugudodeyo kaiya'nododeyo yiuwi'nokai abaneki'mopi su ton nemi yiuno ilaiyo to'no yanekullugollo'moneyokweyogano.

1 Koorin 13:1

Kalo buuropino winyo'moneyokwe pasudo tov aguto kuunodokwono. Toro te nuvu a'mwo abolo pubuuraino kalo buuropino manyuno'ji tov ilaiyo mimonyugono. Toro toonyu a'mwo abolo gabovo tonyuro yogaljo togai'aro ensel tooravuro yogaljo togai'aro tonyuda'ai amoruudumi kuruv yiuno kwako akavida'ai beloowo'mdeyo oo gullugu gulluguto ki'nodowodo to'busuko deko yasuwa'no to'no dumonyugono.

Taitos 2:14

Jisas Kraisol a'mwo noromiyoso'mo tooravuro ato tovi gavnokwe tool morubwenyuno sumaiyokwe yiuno'no abolokaikono. Gamoro aboloka su tov nevu yiuwi'nokai ma'no ma'nodo tonyuro womdo tovi ki'na'dowore tonollu amollurolovonekwapiyokaikono. Aki gamoro a'mwo abolo kuunodo wimo'nowa'ji sugupasudo to'no guureji yomjomwekovla'mwalano'moneyokwe amollol'movonekumarokanogano.

Hibruu 12:15

Kevu aro tonyuno wako neya dou'nogaulo. Kemida'ai yiuwi'nokai pwolno puru'monodo togaikul Gooti toolluro yasuwa'wino sugumaluko su tovi buulo nuugunyumopimwalpiyo. Aki kevu aro to'busuko nyumo'numwalpiyo. Puluko puruv kwako tovi anakuuto tomuu wo'dowodo tov sodolo billurovowo'ji iru'wuullokwe sulo tov ki'nonokwono. Su toro to'busuko kubalno kemida'ai a'mwo abolo pun sulo kaiya'nodo to'busuko iru'kuudo tooro abillumo'nupi tov kemi akuuto toru jul'nyo pworo nekullumo'nupiyo. Aki su toro abillumo'nupi tovida'ai a'mwo abolo bwotonyago tonyu kaiyako nomollugolamowo'jo.

1 Joon 2:19

A'mwo Krais toollu ikomago wimo'nodupudo su tooro nemi akuuto tomuuda'ai anekugollu'movoporogano. Su toro anekugollu'movopo kuvi kuruv a'mwo su tooro nemida'ai kuunodoromaiyo. A'mwo su tooro nemida'ai kuunodo sumo'nopujuko'mno'juki nevuge kuuno amwalopujukorogano. Toro kuvi kuruv a'mwo su tooro nemi akuuto tomuuda'ai anekugollu'movoporogano. Toro anekugollu'movopo su tov a'mwo su tooraino aro kuudo youroma'dowadorogano. Oo yiuwi'nokai su tooro nemida'ai kuunodoromaiyo. Kuudo youroma'dowadorogano.

Adodolukuu'nosungiko 3:19

Nuu yiuwi'nokai a'mwo abolo kalo buuropino nyunodowodo tonyu wonyapino miyodumdonyugono. Toro kwonyu kuruv a'mwo abolo su tonyu mollado'movo'mi po'dogalo tomgu'aro yomjomwekovla'mwalpino'moneyokwe kuudo wuuteyodumdonyugono. Toro tovino tov kevu mi numjunyo'moneyokwe guureji neya jogaulo. Aki kevu miyomno aki aiko te neya jodu'mwonyugobilo.