Joon 15:13 - Gooti Toolluro Yogalokwono

¹³ A'mwo pwol gami ibwoto'nyo tobuuraino kalo buuropino winowo'ji su tobuuravuro aiko toru mallo'moneyokwe nokwo bolonekono. Toro abolo'ji su toolluro pasudo tov yiuwi'nokai kalo buuropino pasudo punyu nuuwolowonokwono.

Joon 15:13 Σταυροειδείς Αναφορές

Luuk 12:4

“Mi ibwoto'nyekwojavoo, aro ikudumo'mokwono. A'mwo pworo kemi romiyaikubweyo'mo kwinpi su tooro kemoro kulako tovi romiyaikubweyopi kworo kuruv kaiyako su tovi muunyu toru purukwe'aro ku'nono miyaikullugolpinorogano. Kevu su toro tooraino luko nyumwalpiyo.

Joon 10:11

Sipsip duuwatokwe sugudo pwol gami sipsip toorai wiyo'mwojo'mo yogaina'dowodekono. Toro tool gavnokweyol bollunyo'mo uubwenodowodekono. Nuvu sipsip duuwatokwe sugudo su toolbusukonyugono.

Joon 10:15

Su toro to'busuko kubalno mi Nyunumiyago tool mino kuudo me'no yanuu'dowodekono. Aki nuu kwonyu kuruv mi Nyunumiyago su toolluno kuudo me'no youroma'dumdekono. Toro te nuvu sipsip toorai wiyo'mwojo'moneyokwe yogainaro'mi nuvnokwe toonyu bollo'moneyokwe wimonyugono.

Joon 17:19

Aki moro yiuwi'nokai yomjomwekovla'mdumdo tov gumoro ato tovi agubwemono. Su toro agubwemo tov a'mwo abolo tobuurai wiyo'mwojo'mokwono. Aki toro tobuuro gumoro nebal'no yogalo tovi'aro guvnokwekujuro kuunodo gujumo'numwalpino'mokwono.”

Efesos 5:2

Aki Krais tool nevu yiuwi'nokai tonolluno kalo buuropino winodowodekono. Toro toolluno tov nemi nonekullo'mwojo'moneyokwe Gooti toollu sipsip pwolbusuko wiroudapino'no Gooti toollu wobeya sudo kuunyokwe to'busuko kwimo'nokaikono. Krais tool nemino kalo buuropino wino'no toro sokaikono. Su toro to'busuko kubalno kev kugaikul kuruv yiuwi'nokai a'mwo abolo tonyuno kalo buuropino neya domollogaulo.

1 Joon 3:16

Jisasol nemi nekullo'mwojo'moneyokwe gavnokwe toolluro aiyo tovi morubweno'no abolokaikono. Jisasolluro aboloka su tovi'aro gamoro kalo buuropino pasudo tovino anekuduuwallokaikono. Toro anekuduuwalloka tovino tov ne kunol kuruv Jisasolluro a'mwo abolo pubuurai wiyo'mwojo'moneyokwe nemoro aiyo mujomwekovla'mdowado kuruv aval'no neya morubwenumwalanonogano.