Joon 14:4 - Gooti Toolluro Yogalokwono

⁴ Aki moro ilamo su tomuuno puuto tovino kevu kuudo nyau'mwakovo.” Kuudokaikono.

Joon 14:4 Σταυροειδείς Αναφορές

Luuk 24:26

Kevu aro tovino kuudo miyouroma'mwakulorakuldukono. Gooti toolluro wiyo'mwojo'moneyokwe ajesoka Krais tool danyu'nyuwuulo ton me'no subwosuno'ji toga'no gami bako bwotonyo tomuu kuulomwalonekono. Su toro tovino kevu kuudo miyouroma'mwakulorakuldukono.” Kuudokaikono.

Joon 10:9

Nuvu sipsip noullo kuunodonyugono. Toro te a'mwo pwol mi'aro aulabwo'ji su toollu Gooti tool nuuwiyo'mwojonekono. Toro tool kuulno lokabino yowo'ji yiuwi'nokai toga wosamujuko ton yo'mgonoma'mwalonekono.

Joon 12:26

Aki a'mwo pwol moro womdo anyo'ji tool numi neya numjunmwalonekono. Aki nuu buro'nyo buro'nyomuudeyo tomuu amwalmi kuruv moro womdokwe su tool nuuge nomwalosunekono. Aki a'mwo pwol moro womdo tovi anyo'ji su toollu moro Nyunumiyago tool yovo aguto nuuwiyonekono.” Kuudokaikono.

Joon 13:3

Toro te Jisasol aro kuudo me'no souromallajukekono. Oo mi Nyunumiyago tool yiuwi'nokai ton moro ato tovi me'no anubweyokaldeyo. Aki nuvu Gooti toolluda'ai kwolabonyudeyo. Toro toonyu Gooti su toollomno aikomgu nyulamonyudeyo. Kuudo me'no souromallajukekono.

Joon 14:2

Nuu muunyu kai'muuno ila'mi kemi ago tov nyullovurovaikubwemwalmonyugono. Moro Nyunumiyago toolluro ago muunyu akai'muu kwosuko su toru noulomwallo'moneyokwe tov bwotonyago adovorojosungiko ton wo'dupudorukono. Ago su towai mworowo'jujuko'mno'juki nuu kuu'maiyo toru'no me'no aikudo'mujukonyugono. Toro kuvi kuruv ago su towai nooso.

Joon 14:28

Nuu aro tovino me'no aikudumonyugono. “Nuu aikugollu'mo'mi kuvi kuruv kemiyomno aki aiko te nobaiki'mo'monyugono.” Su toro aikudumo tovi kevu me'no kuu'numaporekikono. Toro te kevu mino kalo buuropino aikulluno'ji tov nuu mi Nyunumiyago toollomno sulami tovino ilaiyo nokwo ipinorekikono. Aro tovinokwono. Moro Nyunumiyago su tool numi muunyu toru'aro nuwolo'mdowodekono. Toro toollomno sulami tovino ilaiyo neya ipinorekikono.

Joon 14:3

Nuvnokwe toonyu ago su towai me'no sullovurovaikubwemi tov aikomgu kuvinono noolamonyugono. Su toro kwolami toga kemi wolekumorabo'mi nuuge ilomwallo'moneyokwe nekumokailamonyugono.

Joon 14:5

Jisasol toro kuudoka toga Toomasol aro kuudokaikono. “Agutoloo, nevu gumoro ilabino su tomuuno kuudo miyau'mwakuuwono. Toro tovino tov su toro tomuu ilai'meyo'moneyokwe puuto su tovino adadomgu'aro kuudo youromaranonoldeyo?” Kuudokaikono.

Joon 16:28

Nuu mi Nyunumiyago su toolluda'ai kuvinono wolabino sumoneyokwe kwako akavi mwalodumdonyugono. Aki toro toonyu kwako akavi wobo toga wuugollu'movo'mi mi Nyunumiyago su toollomno aikomgu nyulamonyugono.” Kuudokaikono.

Joon 3:36

Toro te a'mwo pwol Gooti toolluro Kwolaiyo su toolluno kuudo kuubweyo'ji tov aiyo yiunokuudo mujomwekovla'mwalonekono. Toro kuvi kuruv a'mwo pwol Kwolaiyo su toolluro yogalo tovi kisuvolo so'ji toolno'gwowi aiyo yiunokuudo mujomwekovlaiyo'moneyokwe tov mamaronekono. Yiuno Gooti toolluro suroulo to'no maronekono.”

Joon 6:40

Aki Nyunumiyago toolluro ilaiyo winodowodo tov aro tovinokwono. Yiuwi'nokai a'mwo abolo pwolno puru'monodo ton gamoro Kwolaiyo toonyu nuwonopi kuudo anubwepi tov aiyo yiunokuudo mujomwekovlaiyo'moneyokwe tov nomapinogano. Aki toro tonyu aiyowo'mo toga nuvu aiyo aiko te nomoduka'monyugono.” Kuudokaikono.