Joon 14:31 - Gooti Toolluro Yogalokwono

³¹ Toro tool jurogudo nonaguto kwol kuruv nuu wonyapino yodo'mure toonyu kaiyako nyanyugolonekono. Toro yanyugolodowo'jure kuga kuruv nuu mi Nyunumiyago toolluro adanyoka tovino'gwowi nuumjunmonyugono. Mi Nyunumiyago toollu uumjunodo'mure su tovi'aro a'mwo abolo kwako akavi mwalodupudo ton wonopi kuudo yanuupinogano. Oo gami Ganumiyago toolluno kalo buuropino winodowodoldeyo. Kuudo yanuupinogano.” Jisasol toro kuudokaikono. Me'no wuujuno sumaiyokwe gami uumjunyokwe toorai kuudokaikono. “Kevu julodaiyulo. Nevu kado avlawanoo.” Kuudokaikono.

Joon 14:31 Σταυροειδείς Αναφορές

Matyuu 26:39

Toro wuujuno sumaiyokwe kuru'gwo uuwo'no gamoro sumdomago tov kwako tovi wolomuulo'na'no sumaiyokwe subusu'nyogalo tov aro adokaikono. “Mi Nyunumiyagoloo, nuu dado su tovi mama'miyokwe puuto puruv nokwo youlanubwebinekudukono? Toro kuvi kuruv moro anyunadopiko su tovi muumjunbinono. Yiuno guvnokwekujuro yo'mo agujunadopiko tovino duumjunono.” Kuudokaikono.

Matyuu 26:46

Kevu doonyulo. A'mwo mi moranubweyo'mo tool me'no abai'mo'mokaikono. Kevu dukavopi avlawano.” Kuudokaikono.

Luuk 12:50

Aki nuu wonyo tovi anakuuto tomuu uuvollunodupudo to'busuko kubalno danyu'nyuwuulo tovi anakuuto tomuu nuuvollunmonyugono. Toro te danyu'nyuwuulo su tov yere mabanyu'mo'mdowo'jure toga nuu jul'nyo aguto kuunodo tovi dolago tomuu nomwalmonyugono.

Joon 10:18

A'mwo pwolnodo kwol kuruv moro aiyo mwalodumdo tovi mavipolonumaronekono. Yiuno nuvnokwe toonyu wonyapino yodo'mure toga nokwo romiyanubwepinonyugono. Toro te nuvnokwenyuro jurogudo tovida'ai to'no nokwo bolmonyugono. Aki nuvnokwenyuro jurogudo tovida'ai to'no aiyo aiko te duka'monyugono. Nuu su toro yo'moneyokwe tovino mi Nyunumiyago tool amonuwopiyabokanyugono.”

Joon 12:27

Aki Jisasol aro adokaikono. “Aga toga moro poowokalago tovi jul'nyo subwosunmwakono. Toro ibwosunodumdo toonyu aro muudumonyugono. “Nyunumiyagoloo, nuu tagunyo nyubwosunmiyokwe tovino guu nokwo bomollurolovonumokalokuubinekudeyo?” Awiyo. Nuu su toro ku'nono muudumonyugono. Aro tovinokwono. Nuu kwako akavi kwolabo tov tagunyo mi neya anyumo'noneyokwe tovino kwolabonyugono.

Joon 12:49

Neya duu'nyulo. Moro yogalo ikudodumdo tov nuvnokwenyuro kuudo tovida'ai ikudodumdonyumaiyo. Toro kuvi kuruv mi Nyunumiyago amonuwopiyaboka su toolno buro'nyo buro'nyo yogalodeyo ikujo'mo tovino me'no anyabokaikono.

Joon 13:1

Toruda'ai Muunyu Toru'aro Surukuruwolovoka lubullu doto tovi yanyo'mo wobo togakono. Toro abai'movoka toga Jisasol kwako akavi mwalodowo gavnokweyolluro a'mwo abolo kwako akavi mwalodupudo tonyuno kalo buuropino kwingelabiyajukekono. Toro wingelabino wingelabino sumaiyokwe yiuno aiyowo'mo nobollo'mo toga'no abilai'movokaikono. Toro abilai'movoka toga Jisasol aro kuudo souromarokaikono. Oo nuu wobo toga kwako akavi wuugollu'movo'mi mi Nyunumiyago toollomno aikomgu nyulamonyudeyo. Kuudo me'no souromarokaikono.

Joon 15:9

Moro Nyunumiyago su tool numino kalo buuropino winodowodo to'busuko kubalno nuu kwonyu kuruv kemino kalo buuropino aval'no nyunodowodonyugono. Toro te kevu mi nuguro'mwonyopi moro kalo buuropino nyunodowodo su tovi anakuuto tomuu neya doulomwalogaulo.

Joon 18:11

Toro te Jisasol Pitallu aro kuudokaikono. “Guu kwallu'mopto su toul gami wo'dowodo aiko tomuu neya domullosono. Nuu dado ibwosunyo'moneyokwe tov mi Nyunumiyago toolluro anyamoka tovi kuvinono neya uumjunmonyugono.” Kuudokaikono.

Joon 4:34

Toro yajunodopure toorai Jisasol aro sovo'dogaluudokaikono. “Mi amonuwopiyaboka Gooti toolluro ilaiyo winodowo'jure tovi uumjunyo'moneyokwe tov moro wosamujuko to'busuko nyumo'nodowodokwono. Aki gamoro womdo tovi yopiyo'mo kuruv moro wosamujuko to'busuko nyumo'nodowodokwono.

Filipai 2:8

Aki Jisasol kwako akavida'ai a'mwo pwolbusuko kula'noka imo'nyuno sumaiyokwe gavnokweyol abwolomoropinyajukekono. Toro tool Gooti toollu uumjunyuno uumjunyuno sumaiyokwe noromiyoso'mo yodopure kuga kuruv kuuno kuumjunokaikono. Toro uumjunyuno sumaiyokwe i'noguropte tovi yiuno'no sulabolokaikono.