Joon 13:5 - Gooti Toolluro Yogalokwono

⁵ Me'no mogullosuno sumaiyokwe wonyo pun dis puvi kimowoso'no gami uumjunyokwe pwolno pwolnodo tooravuro suvlo tonyu amollal'movokaikono. Toro mollal'mo'mno sumaiyokwe laplap agullosoka tov ikwolomaro'no gami uumjunyokwe tooravuro suvlo tonyu guruko amollaurokaikono.

Joon 13:5 Σταυροειδείς Αναφορές

Muuduko 18:4

Aki moro womdokwe pwol kemi suvlo tonyu yal'mo'nyo'mo wonyo tov nyuromokabwonekono. Aki kevu iko akalluro du'gurolo towai iruko nokwo mwalpinorekikono.

Muuduko 19:2

Toro wolomuulo'na'no sumaiyokwe kuudokaikono. “Mi a'mworaloo, kemoro womdokwe tekwonyugono. Toro te kevu sa wollo'mo tov moro ago tovi nokwo bubullunorakikono. Toro toorakul kemi suvlo ton nokwo yal'mo'no'bullu surakuuto akallugwoji sa wo'bullunorakikono. Toro toorakul lomwo iru'mago toga dukavo'bullu nokwo pla'bullunorakikono.” Lootol toro kuudokaikono. Toro kuudoka kuvi kuruv aro kuudolorakono. “Awiyo. Gumoro ago tovi mworosunonakono. Navu wagwolago tovi kuulowosi ago tovuro agwapto toru worosunonakono.” Kuudolorakono.

Muuduko 43:24

Toro mokabino sumaiyokwe a'mwo womdo tovi mollomwalokwe su tool yiuwi'nokai todorotai Joosepolluro ago tovino amollubworomokaulokaikono. Toro mollubworomokaulno sumaiyokwe kemi suvlo ton yal'mo'nyo'mo wonyo ton willo'no kemoro doonki toorai wosamujuko pun kuudaluviyokaikono.

Luuk 7:38

Toro mokabino sumaiyokwe Jisasollu buulo tomuu gamoro suvlo dolago toru boda'mno sumaiyokwe kumdo ajajukokwono. Abolo su tovuro kumdaluko tov Jisasolluro suvlo tovi abwolubweyajukokwono. Toro bwolubweyoduke toga gavnokwe tobuulluro midoto tokwe malluno sumaiyokwe Jisasolluro suvlo tovida'ai kumdaluko su tovi yaluko amollelowopiyokakwono. Aki toro tov Jisasolluro suvlo tovallu molluduuduulo wiyo'no wobeya sudo kuunyokwe munollo tov aimovobweyokakwono.

Luuk 7:44

Jisasol toro wuujuno sumaiyokwe aki abolo tovi gunyubworoono'no Saimoonollu aro kuudokaikono. “Guu abolo akavi doonono. Nuu gumoro ago akavi aulamo toga moro suvlo tovallu yal'meyo'moneyokwe wonyo pun manyamodekugono. Toro kuvi kuruv abolo aka'gwowi gami midoto tokwe momwora'dowo gavnokweyovuro kumdaluko tov moro suvlo tovi bwolonubweyoduke tovi yaluko amollelowopimokakwono.

Joon 13:10

Toro kuudoka tovi Jisasol aro kuudokaikono. “A'mwo pwol wonyo me'no sal'mo'no'ji su tool sullukwako nonaguto to'no imo'nodowodo toolluno tov aki aiko te yal'mo'nyo'mo tovino supto miyonekono. Toro kwol kuruv yiuno gami suvlo tovalluno to'no aki aiko te wonyo tovi yal'mo'nyo'mo supto yonekono. Toro te kevu me'no sal'mo'nyungopo toorekulbusuko imo'nodupudorekikono. Kevu yiuwi'nokai toorekul toro imo'nodupudo kuvi kuruv kemida'ai pwolno'gwowi miyal'mo'nyungikekono.” Kuudokaikono.

Joon 13:6

Toro mollau'no sumaiyokwe Saimoon Pitalluro mwaloduke toru abai'movokaikono. Toro bai'mo'mno sumaiyokwe Saimoon Pital aro kuudokaikono. “Agutoloo, guu moro suvlo tovallu wonyo yal'mo'bino'mekudukono?”

Joon 13:8

Toro kuudoka tovi Pital kuudokaikono. “Guu moro suvlo tovallu wonyo tokwe yiuno puga'nodo kuruv ku'nono miyal'mo'binekugono.” Toro kuudoka tovi Jisasol aro kuudokaikono. “Nuu gumoro suvlo tovallu wonyo tokwe miyal'mo'mi tov guvu nuuge ku'nono mamwalosunekugono.”

Joon 19:34

Toro kuvi kuruv a'mwo mollurogudo pwol takubwopto tokwe Jisasolluro suumdo tovi ajuulowosokaikono. Toro ajuulowosoka toga mujako tokwe wonyo tokwe toval kwolabolovakono.

Kuurotokwe 22:16

Toro te aga guu buro'nyo'mo sogwollo denadokuuno? Guu ilodavo'bi aro jono. Wonyo uuvolluno'bi Jisasolluno yovo tovida'ai subusu'nyogalo neya duudono. Toro kuudubi tookujuro ma'no ma'nodo tonyu nomollol'movagudukwopiyonekono.” Ananaiyasol toro anyudokaikono.” Poolol kwolallo tonyu toro kuudokaikono.

1 Koorin 6:11

Kevu pugaikul sumdomgu su toro sumo'nyajupogaikikono. Toro kuvi kuruv aga'no'gwowi Gooti tool kemoro ma'no ma'nodo tonyu me'no mollol'movaikudukwopiyo'no gamoro a'mwo abolo kuunodo me'no wimo'nodupudogaikikono. Toro togaikul aro tovalluda'ai gamoro sumdo tovi sugudo kwimo'nopogaikikono. Aguto Jisas Kraisolluno yovo tokwe'aro nemi Gooti toolluro Kuullo tool womdo ikulloduke tokwe'aro tovalluda'ai kevu gamoro sumdo tovi sugudo kwimo'nopogaikikono.

Efesos 5:26

Aki gamoro mollu'bwoto tonol gamoro sumdo tovi sugudo wimo'nyo'moneyokwe abolokaikono. Toro te Krais tool gamoro yogalo tokwe nemi wonyo to'busuko amollol'movonekumarokaikono.

1 Timooti 5:10

Aki abekanyo su tobuuro womdo sugudo aro tonyu neya yodupudodeyokwe kemino yovo tov nokwo yakwollupinokwono. Abekanyo su tobuuravuro pubuul gami kwoloraiyo tonyu yiuno ilaiyo to'no mollumwojumelabodowodobuukono. Aki a'mwo abolo pun gamoro ago tovi buuru'ma'dopure tonyu ilaiyo mollomarowo'ji po'dogalo mollomwalodowodobuukono. Toro tobuul Gooti toolluro a'mwo abolo abuuru'mapi su tonyu kwako tomuu'aro wiyowo'ji kemoro suvlo tonyu wonyo tokwe mollal'mo'mdowodokwono. Aki a'mwo abolo jul'nyokwe tonyu po'dogalo wiyo'mwojodowodokwono. Aki toro tobuul sugupasudo go'no go'nodo ton mujumovla'mdowodobuukono. Abekanyo womdo su toro mujumovla'mdupudodeyo adupi tobuuraino yovo tov kevu nokwo yakwollumwalpinogaikikono.

Hibruu 10:22

Toro te Krais toolluro mujako abwoloka tov nemoro poowokalago tobuurai me'no amollol'movanekudukwopiyokakwono. Toro amollol'movanekudukwopiyoka tovida'ai nemoro poowokalago su tobuuro ma'no ma'no nonaguto imo'nodupudobuurogano. Toro tovino tov nemoro poowokalago su tobuuro nemi wogulo madonekwo'gallokweyogano. Aki aiyoga pris tooro Gooti toolluro womdo yo'moneyokwe kemi kulako ton sal'mo'nyajupo to'busuko kubalno nemoro kulako ton wonyo kuunodo tokwe me'no yal'mo'nodowadonogano. Toro tovino tov nemi poowokalago kuunodo togai Gooti toollu kuudo uubweyodowado tovi neya avorugwo'mo'narogawano. Toro porugwo'mo'narowa'ji nemi poowokalago kuunodo togai Gooti toollu wobo toru neya abuuru'marogawano.

1 Joon 1:7

Toro kuvi kuruv Gooti bako tomuu mwalodowodo toolbusuko kubalno ne kunol kuruv bako tovi anakuuto tomuu'aro neya yomjomwekovla'mwalanonogano. Nevu su toro amjomwekovlawa'ji tov Gooti toolluro a'mwo abolo togai nokwo ibwoto'nomwalmwalanonogano. Aki Gooti toolluro Kwolaiyo Jisasolluro mujako tov nemoro yiuwi'nokai ma'no ma'nodo tonyu mollol'movanekudukwopiyokweyokwono.

1 Joon 5:6

Jisas Kraisol kwako akavi me'no abiyalo'nokaikono. Toro abiyalo'noka su tov yiuno gamoro wonyo kuuvollunoka to'no anekuduuwallokalmaiyo. Toro kwol kuruv pasudo puruval tovake anekuduuwallokaikono. Pasudo puruv Jisas Kraisolluro wonyo kuuvollunoka tokwono. Aki puruv gamoro mujako abwoloka tokwono. Pasudo su tovalluno Gooti toolluro Kuullo tool kuu'maiyo toru'no adodoluwosokaikono. Gooti toolluro Kuullo su tool yiuno nebal'no yogalo to'no jokwekono. Toro toolluro yogalo adodoluwosoka tov Jisasolluro pasudo su tovalluno kuu'maiyo toru'no nekuduuwallodowodokwono.

Adodolukuu'nosungiko 1:5

Aki Jisas Krais kwol kuruv gamoro yasuwa'wino sugumaluko tokwe'aro sumwoluko kavo wosunyo'mo tokwe'aro toval kemi nokwo ikubwemwalonekono. Jisas Kraisol Gooti toolluno kuu'maiyo toru'no pi'mwono dodoluwosodowodekono. Aki Jisas Kraisol yiuwi'nokai me'no bolodupudo tooravuro aiyo aiko te dukaiyo'moneyokwe tov kwolda'ai amollubworosokaikono. Toro tool yiuwi'nokai kwako akavida'ai a'mwo aguto kig mido mollomwalokwe tooravuro Agutekono. Jisas Kraisol nemino kalo buuropino winyuno sumaiyokwe gamoro mujako abwoloka tokwe nemi ma'no ma'no pasudo tonyuda'ai me'no abomollurolovonekumokalokwokaikono.

Adodolukuu'nosungiko 7:14

Toro sanuumgojoka toollu nuu aro kuudonyugono. “Mi a'mwo agutoloo, guvnokwe tooku a'mwo abolo su tonyuno kuudo nyau'mwakuno.” Toro kuudo tool aro anyudokaikono. “A'mwo abolo su ton tabunyuwuulo bwotonyo boduke tovida'ai me'no abolopo ton kugano. Su ton kemi youro kumi'yago touso Sipsip Muugunyo toolluro mujako tokwe sal'movopo tovida'ai youro kumi'yago su touso wiya'jo sumo'nopogano.