Joon 13:32 - Gooti Toolluro Yogalokwono

³² Gooti tool mi'aro yovo aguto amaro'ji avalo toga nuu kwonyu kuruv Gooti su toollu'aro yovo aguto noma'monyugono. Nuu su toro mallo'mo tov aga wobo togakono.

Joon 13:32 Σταυροειδείς Αναφορές

Joon 12:23

Toro kuudolo tovi Jisasol aro kuudokaikono. “A'mwo Kwolaiyo Kuunodo toonyu yovo aguto mallo'moneyokwe tov aga nobai'meyo'mo sadopiyo.

Joon 17:1

Jisasol gami uumjunyokwe toorai kuuguudo me'no wuujuno sumaiyokwe toga Gooti toolluro ago muunyu kai'muuno iloonyopiya'no aro kuudokaikono. “Nyunumiyagoloo, gumoro ajesodo toga me'no abai'mopso. Toro te nuu gumoro Kwolaiyo toonyu gumino yovo tovi ilomogwopiyodo'mure tovino tov guu gumoro Kwolaiyo toonyuno yovo tovi nokwo julomonuwopiyawono.

1 Pita 3:22

Aki Jisas Kraisol Gooti toolluro ago muunyu kai'muuno me'no ilomwalno sumaiyokwe Gooti toolluro anato toru mwalo'no mido mollomwalokwe imo'nodowodekono. Toro toolluro mido mollomwalo tovi dolago tomuu yiuwi'nokai ensel toorogai'aro kuullo mido mollomwalokwe toorogai'aro kuullo jurogudokwe toorogai'aro tooro kuulomwalodupudorogano.

Adodolukuu'nosungiko 22:1

Toruda'ai ensel tool wonyo bwotonyo puvi anyuduuwallokaikono. Wonyo su tovi a'mwo abolo anpi tonyu aiyo yiunokuudo mujomwekovlaiyo'moneyokwe wiyodowodokwono. Aki toro tov gles to'busuko lekuropiyodowodokwono. Wonyo su tov Gooti tooke'aro Sipsip Muugunyo tooke'aro tooralluro sia kig mwalodubulo tomuuda'ai lokabodowodokwono.

Adodolukuu'nosungiko 22:13

Nuu Muudu'nodo Kuunodolenyugono. Aki nuu Aiyowo'mo Kuunodolenyugono. Aki toro toonyu sumdomgu wanodumdolenyugono. Aki aiyowo'mo bodumdolenyugono. Toro te yiuwi'nokai muuduko imo'nyo'moneyokwe ton nuu kwonyuda'ai imo'nodupudogano. Aki yiuwi'nokai aiyowo'mo nyumwogapiyo'moneyokwe ton nuu kwonyuda'ai imo'nodupudogano.” Jisasol toro adokaikono.

Adodolukuu'nosungiko 22:3

Gooti tooke'aro Sipsip Muugunyo tooke'aro tooralluro sia kig tov wagwolago su tovi akuuto tomuu wo'mwalonokwono. Toro tovino tov noonyumwonyu anakuuto tomuuda'ai tonyu Gooti tool kaiyako migolmwalonekono. Aki toro tomuu Gooti toolluro womdokwe ton gami ilomoropimwolapinekono.

Adodolukuu'nosungiko 3:21

Nuu sumdomgu Satanyolluro molo tovi kuuwolovo toga mi Nyunumiyago tooke gamoro sia kig toru me'no sulomwalonyugono. Su toro to'busuko kubalno a'mwo pwol Satanyolluro molo tovi kuuwolowo'ji su tool moro sia kig tovi nuuge avalo toru nomwalosunekono.