Joon 13:13 - Gooti Toolluro Yogalokwono

¹³ Kevu nyudodupudorekikono. “Ibwasokweyoloo,” aki “Agutoloo,” nyudodupudorekikono. Kevu su toro nyudodupudo tov kuvigono. Nuu kuvinono su toro ikullumo'nodumdonyugono.

Joon 13:13 Σταυροειδείς Αναφορές

Matyuu 20:28

Kevu kuudo neya jaullulo. Nuu A'mwo Kwolaiyo Kuunodo kwonyu kuruv mino womdo anyupureyokweyo'mo abonyumaiyo. Toro kuvi kuruv nuu a'mwo abolo tonyu womdo wiyo'moneyokwe abonyugono. Toro toonyu a'mwo abolo bwotonyago tonyu mubiyo biyomallo'moneyokwe bolmonyugono.” Kuudokaikono.

Luuk 10:28

Toro kuudoka toollu Jisasol kuudokaikono. “Guu pi'mwono anyudumado su tomgu'aro kuvinono kuumjunbi tov aiyo yiunokuudo mujomwekovlaiyo'moneyokwe tovi nokwo ma'binekugono.” Kuudokaikono.

Luuk 6:46

Aki Jisasol aro kuudokaikono. “Kevu mino Agutoloo, Agutoloo, anyudupi tov moro yogalo ikudodumdo tonyu kisuvolo nyumwalpiyo.

Luuk 7:43

Toro kuudoganoka tovi Saimoonol aro kuudokaikono. “Nuu aro kuudo sau'mwakono. A'mwo dinau bwotonyo tovi amodukwopiyoka su tool a'mwo toolluno kalo buuropino guureji wingovla'mwalonekono, kuudo sau'mwakono.” Kuudokaikono. Toro kuudoka tovi Jisasol kuudokaikono. “Guu pi'mwono agallainyubwo'modekugono.” Kuudokaikono.

Joon 11:2

Sumdomgu abolo Mariyav wobeya sudo kuunyokwe munollo puruv Aguto Jisasolluro suvlo tovi kimovoubweyo'no gamoro midoto tokwe amollouropiyoka tov akav kurukwono. Aki nobollokwe Lasarosol abolo Mariyavuro jo'mwekono.

Joon 11:28

Martav toro wuujuno sumaiyokwe gami ganabwiyago Mariyaviyomno kuuwokakwono. Toro wino sumaiyokwe gami ganabwiyago su tovi judo tomuu aro kuudokakwono. “Ibwasokwe abadopiko tool gumino abwoneyokwe agudadopiyo.” Kuudokakwono.

Joon 11:3

Toro te gami jo'mwo Mariyakwe'aro Martakwe'aro tonodal Jisasolluno aro adapiyolovakono. “Agutoloo, gumoro kalo buuropino gujunodowodo tool nobollokwekono.”

1 Koorin 12:3

Toro te aga nuvu aro aikudadokwono. Gooti toolluro Kuullo tool a'mwo pwollu mollubworomokavla'mdowo'jure tovi kuumjuno'ji tov a'mwo su tool Jisasolluno bwolomorumwogapiyo'moneyokwe kaiya'no yogalo puru'monodo kuruv madonekono. Aki a'mwo yasuwa'no pwolnodo kwol kuruv nemi Aguto Jisasolluno ku'nono milomodomoropiyawonekono. Toro kuvi kuruv yiuno Gooti toolluro Kuullo tool jurogudo uubweyodowo'jure tokwe to'gwowi a'mwo su tool aro nokwo donekono. “Oo nemi Aguto tool Jisasol kwekono.” Donekono.

1 Koorin 8:6

Toro kuvi kuruv nevno'gwowi aro kuudo yaullokwenogano. Oo Nellunumiyago Gooti tool yiuno pwolnodekono. Nemi Gooti pwolnodo su tool yiuwi'nokai tonyu yokwollosuno sumaiyokwe aki yiuwi'nokai su tonyu jukwo wimo'nodowodekono. Toro toolluno yovo tov nevu ilomoropiyo'moneyokwe yomjomwekovla'mdowadonogano. Aki nemi Aguto tool yiuno pwolnodekono. Su tool Jisas Kraisol kwekono. Nemi Aguto su toollu'aro Gooti tool yiuwi'nokai tonyu sokwollosokaikono. Aki toro toollu'aro Gooti tool nemi aiyo nekullaboduke tokwe yomjomwekovla'mdowadonogano. Kuudo yaullokwenogano.

Efesos 6:9

Neya duu'nyulo. Kevu a'mwo mido mollomwalokwe toorekike'aro a'mwo abolo ki'nato womdokwe tobuurogai'aro yiuwi'nokai togaikullu muunyu kai'muuda'ai Aguto tool mido aval'no mollekumwalodowodekono. Aki toro tool a'mwo mido mollomwalokwe toorekike'aro ki'nato womdokwe tobuurogai'aro yiuwi'nokai togaikullu nogallainyubworekumallo'mo tool yiuno aval'nodo tomgu'aro yaikullugolodowodekono. Toro tovino tov kevu a'mwo mido mollomwalokwe toorekul kemi ki'nato womdokwe tobuurai ilaiyo to'no neya domollomwalogaulo. Yopi kemoro luko irugolodupudo pasudo su tov neya dodukwopiyulo.

Filipai 2:11

Aki yiuwi'nokai su ton kuu'maiyo toru'no aro neya dodowiyoku'bworosunpinogano. “Oo Jisas Kraisol Agutekono.” Toro dodowiyoku'bworosunodopure tovida'ai gami Ganumiyago Gooti tool yovo aguto ma'mwalonekono.

Filipai 3:8

Nebalokwono. Yiuwi'nokai kwako akavida'ai ton aguto manyumo'nodupudogano. Nuu mi Aguto Krais Jisasolluno kuudo youroma'dumdo su to'gwowi aguto kuunodo nyumo'nodowodokwono. Toro toonyu Krais toollu uumjunyo'mo nyunodowodo tovino tov yiuwi'nokai kwako akavida'ai tonyu wuugollu'mo'mdumdonyugono. Aki aga'no'gwowi noonyumwonyu kwako akavida'ai su ton yaiyo tonbusuko nyumo'nodupudo tonyuno tov yiuno biyolsumdo to'no uu'mwojodumdonyugono. Su tov aro tovinokwono. Nuu Krais toollu guureji gudupolallo'moneyokwe to'no nyunodowodonyugono.

Jems 2:19

Toro te guu pweku, Gooti tool yiuno pwolnodekono, kuudo uubweyodumdekugono. Gumoro su toro kuudo uubweyodumdo tovino, “Tarevono,” to'no agudumono. Neya duu'nyulo. Kuullo ma'no ma'nodo kworo kuruv kuudo aval'nodo su tovi uubweyodupudorogano. Aki kuudo uubweyodupudo su tooro luko bu'buto morumoukuropiyodupudorogano.