Joon 12:6 - Gooti Toolluro Yogalokwono

⁶ Juudasolluro yogalo adoka su tov apoo'nyaiyo tobuuraino kalo wino'no adokalmaiyo. Toro kuvi kuruv a'mwo su toolno'gwowi kuukokwekono. Aki toro tool a'mwo Jisasollu uumjunyokwe tooravuro nuugwipweyo tovi mollomwalodowo gavneyokweyollo'mo pun kuuko amallajukekono. Su toro tovino'mo adokaikono.

Joon 12:6 Σταυροειδείς Αναφορές

Matyuu 21:13

Toro ino sumaiyokwe aro kuudokaikono. “Gooti toolluro kuuguudo tovi aro sakwollungikokwono. “Moro ago tov subusu'nyogalo jo'moneyokwe agokwono.” Sakwollungikokwono. Toro kuvi kuruv aga'no'gwowi a'mwo kuukokwe tooravuro yiulo kuupuu'na'dupudo ago to'busuko aikullumo'nadopiyo.” Kuudokaikono.

Luuk 8:3

Aki abolo puruv Kuusolluro abolo Joowanovokwono. Kuusol aguto kig Herootolluro ago tovi mido mollomwalodowodekono. Aki abolo puruv Suusanavokwono. Aki abolo bwotonyago pugai'aro ton Jisaseke'aro gamoro uumjunyokwe toorogai'aro togai somollajupogano. Toro ton kevnokwenyuro nuugwiyo togai mokabodupu Jisaseke tooravuro mujonomwekovla'mwalpino'moneyokwe ton biyomokabodupu kwiyo'mwojomollajupogano.

Joon 10:13

A'mwo nuugwiyo mallo'mo duuwato womdo yodowodo su tool nuugwiyo ki'nomallo'moneyokwe tovino to'no kuudo yaullokwekono. Aki toro tool sipsip toorai pi'mwono mamollumwojokwekono. Toro tovino tov kuullujuluko tool bodowo'jure toga lukado to'no pla'mdowodekono.

Joon 12:5

“Wobeya sudo kuunyokwe aimowosadopiko su tov buro'nyo'mo meko jukiyadopiyo? Wobeya sudo kuunyokwe wonyo su tov nemi anekullabowo'jujuko'mno'juki nevu nuugwiyo bwotonyo nokwo amarowa'jujukonogano. Aki wobeya sudo kuunyokwe wonyo su tovi a'mwo pworo anekubiyopujuko'mno'juki 300 silva nuugwiyo tomgu'aro nokwo amarowa'jujukokwono. Toro te nuugwiyo su tokwe a'mwo abolo apoo'nyaiyo pubuurai nokwo kwiyo'mwojowa'jujukokwono.” Adokaikono.

Joon 13:29

Toro tooraida'ai pworo aro kuudo sauroporogano. Oo Juudasol nemoro nuugwipweyo mwora'dowodo toollu Jisasol aro tovino kuudumokaldeyo, Guu lubullu doto yanano'moneyokwe wosamujuko pun dobiyomorawono oo Guu a'mwo abolo apoo'nyaiyo pubuurai nuugwiyo pun neya duuwiyono. Su toro tovino kuudumokaldeyokwe tovino kuudo sauroporogano.

1 Koorin 6:10

kuuko yodupudorodeyo oo noonyumwonyu punyuno kwanyu sumdo kinuwiyodupudorodeyo oo imo'wonyo bwotonyo nopi amomo yodupudorodeyo oo magu'nyo yodupudorodeyo oo noonyumwonyu a'mwo punyuro kuto ivito ki'noma'dupudorodeyo yiuwi'nokai su toro mujumovla'mdupudo tooro aguto kig Gooti toolluro mido mollomwalo tovi anakuuto tomuu ku'nono maulomwalpinorogano.

Galesiya 2:10

Toro nakujuno sumaveyokwe nami donakumul'mwojo'moneyokwe yogalo yiuno puru'mono aro anakudoporogano. “Kevu a'mwo abolo apoo'nyaiyo tobuurai wiyo'mwojo'moneyokwe tovino kuudo nyallulo'gwonmwalbullo.” Yogalo adonakumul'mwojopo su tovi nuu kuvinono uumjungelabiyo'moneyokwe guureji me'no amjumovlaiyajonyugono.

1 Tesaloonaika 5:22

Aki toro togaikul yiuwi'nokai ma'no ma'no pasudo judo'no judo'nodo tonyu manyu toru'aro neya delpolodavogaulo.

Jems 2:2

Neya duu'nyulo. A'mwo pwol gool rig pullugwo gami pollo tovi mollosowo'ji youro sugumaluko tousogai yesowo'ji kemoro i'bwo'nyago tovi kuulawonekono. Aki toro kuulodowo'jure avalo toga a'mwo apoo'nyaiyo pwekwo youro uumnorojo toorogai yesowo'ji i'bwo'nyago su tovi noulawonekono.

Jems 2:6

Toro kuvi kuruv kevu a'mwo abolo apoo'nyaiyo pubuuraino yovo tov bwolomorumwogapiyodapudogaikikono. Kuudo neya jaullulo. A'mwo abolo kuto ivito bwotonyagokwe ton kemi jul'nyo ikullabodupudogano. Aki kuto ivito bwotonyagokwe su ton kemi kooti yogalo daikullo'moneyokwe tomuuno me'nolopuuromokovla'mdupudogano.