Joon 12:11 - Gooti Toolluro Yogalokwono

¹¹ Toro adomdukuurosopo su tov aro tovinokwono. Juu a'mwo abolo bwotonyago ton pris aguto su toorai uugollu'mo'mdupu Jisasolluno kuudo kuubweyajupogano. Pris Aguto tooro Lasarosollu romiyoso'mo adomdukuurosopo tov su toro tovinokwono.

Joon 12:11 Σταυροειδείς Αναφορές

Joon 11:42

Aki guvu yiuwi'nokai toga moro subusu'nyogalo gudodumdo tovi me'no nuu'nodumdekugono, kuudo yaguu'dumdonyugono. Toro kuvi kuruv a'mwo abolo adakwopo akan gumoro amonuwopiyabodo toonyuno kuudo neya anubwepureyokwe tovino agudumono.” Kuudokaikono.

Joon 11:45

Toro te Mariyavi dugoga wileyo'moneyokwe Juu abopo tooro Jisasolluro soka su tovi wono'mno bwotonyago tooro Jisasolluno kuudo kuubweyoporogano.

Joon 11:48

Nevu a'mwo su toollu wonyapino sa'ji tov yiuwi'nokai a'mwo abolo ton kuudo nuubwepinekono. Aki kuvinono kuubwepi to'gwowi Roomda'ai tooro bopi nemoro Gooti toollu ilomoropiyo'moneyokwe ago akavi nomouropipinorogano. Aki nemoro yiuwi'nokai kantri kurukwe'aro kaiyako nobomollounonekwapipinorogano.” Kuudoporogano.

Joon 12:10

Toro te pris aguto tooro Lasarosollu kweke'aro romiyoso'moneyokwe yogalo tov adomdukuurosoporogano.

Joon 12:18

Jisasolluro duuwallo jurogudo soka su tovino dodoluwosomollodopure tovi a'mwo abolo bwotonyago ton me'no kuu'nyajupo tovino tov Jisasollu kuuru'maropogano.

Joon 12:42

Nebal'no ajakwolloka kuvi kuruv a'mwo abolo togai'aro aki kemoro a'mwo aguto tooravuro pworogai'aro bwotonyago tono'gwowi Jisasolluno kuudo kuubweyajupogano. A'mwo aguto su tooro kuudo kuubweyajupo kuvi kuruv Farasi tooraino luko yodupudo tovino tov kemoro kuudo kuubweyajupo su tovino kuu'maiyo toru madodowiyoku'bworosunyajuporogano. Su tooro aro kuudo saullajuporogano. Farasi tooro nemi i'bwo'nyago tovida'ai kwa'mgu tomuu nobilomanekudukwopipiyokwe tovino kuudo yau'dupu luko sajuporogano.

Joon 7:31

Jeruusalemda'ai Gooti toollu ilomoropiyo'moneyokwe ago tovuro agwapto toru kwolallo abi'bwo'nopo su tonyuda'ai a'mwo abolo bwotonyago ton aro sajunopogano. “Krais tool abwo'ji toga gamoro duuwallo jurogudo pun nekuduuwallonekono. Toro anekuduuwallo'ji su ton a'mwo akalluro duuwallo jurogudo bwotonyago tonyu nokwo uuwolopinodukono? Awiyo, ku'nono muuwolopinogano.” Su toro yajunyuno sumaveyokwe Jisasolluno tov, Krais tooldeyo, kuudo kuubweyopogano.

Kuurotokwe 13:45

Toro i'bwo'nodopure tonyu Juu pworo wonyuno sumaveyokwe Banabaseke Pooleke tooralluno kwekuullu kuudo sauroporogano. Toro yau'no sumaveyokwe a'mwo abolo ton Poololluro yogalo tovi kaduko nuuwipiyokweyo'mo kuunano yogalo aro soukuu'nuudoporogano. “Poololluro yogalo aikudadopiko tov nebalo'maiyo.” Soukuu'nuudoporogano. Toro youkuu'nuujuno sumaveyokwe aki Poololluno bwolomorumwogapiyo'moneyokwe kuuguudo pun kuudoporogano.