Joon 12:1 - Gooti Toolluro Yogalokwono

¹ Toro te Muunyu Toru'aro Surukuruwolovoka lubullu doto nobai'meyo'moneyokwe tov 6-pela iruko tobuul kuuno wo'duke toga Jisasol wagwolago Betani toru abai'movokaikono. Wagwolago su toru a'mwo Lasarosol mwalodowodorukono. Sumdomgu Lasarosol me'no aboloka kwollu kuruv Jisasol aiyo aiko te amodukavokarukono.

Joon 12:1 Σταυροειδείς Αναφορές

Matyuu 21:17

Jisasol toro wuujuno sumaiyokwe wagwolago Betani'no aikomgu abolokwokaikono. Toro bolokwino sumaiyokwe surakuuto toga wagwolago su to kuvi sa kworokaikono.

Kuuguudo Sugudo akav Makolluro sakwollokakwono Mak 11:11

Jisasol wagwolago Jeruusalem'no kuulno sumaiyokwe Gooti toollu ilomoropiyo'moneyokwe ago tovi auloonomollokaikono. Yiuwi'nokai kuula'dopure tonyu me'no wonomolluno sumaiyokwe abolokwokaikono. Toro bolokwino sumaiyokwe sulato me'no soka tovino tov Jisasol gami 12-pela uumjunyokwe toorogai wagwolago Betani'no aki aiko te avlavokaikono.

Luuk 24:50

Jisasol toro wuujuno sumaiyokwe gami uumjunyokwe toorai wagwolago Jeruusalem kwa'mgu tomuuno bomollubworomokalokwo'no wagwolago Betani tovi wobo toru'no amollubworomokavlavokaikono. Toro mollubworomokavla'mno sumaiyokwe gami ato tov muunyu kai'muuno bomokaila'no yogalo sugudo tov aro aduubweyokaikono. “Gooti tool ilaiyo nyaikullugolmwalonekonoo.” Aduubweyokaikono.

Luuk 7:37

Toro kuulonomwaloduke toga wagwolago su tovida'ai abolo ma'no ma'no yodowodo puruv Jisasol Farasi toolluro ago tovi kuulonomwaloduke toolluno me'no kuu'nokakwono. Toro wuu'nyuno sumaiyokwe abolo su tov wobeya sudo kuunyokwe munollo purukwe amokabokakwono. Munollo su tov sulo tovida'ai bootool sakwollungiko tovi surosungiko tokwe amokabokakwono.

Joon 11:1

To'no'gwowi wagwolago Betanida'ai a'mwo nobollokwe pwolluno yovo tov Lasarosolekono. A'mwo su tool Mariyakwe Martakwe tonodalluro ajumiyo avalo toruda'aiyekono.

Joon 11:43

Jisasol toro me'no wuujuno sumaiyokwe toga deko guureji aro adokaikono. “Lasarosoloo, dolokabono!” Adokaikono.

Joon 11:44

Toro adoka toga a'mwo bwiyo tool dukaino sumaiyokwe alokabokaikono. Gamoro suvlato tovake'aro sumdomago tokwe'aro tonyu youro tokwe pweyo amoweyopingiko tool alokabokaikono. Toro lokaboduke toga Jisasol a'mwo abolo tonyu aro kuudokaikono. “Kevu gamoro youro amoweyopingiko ton ikwolapiyopi kado yomollono'moneyokwe doonyapilo.” Kuudokaikono.

Joon 11:55

Toruda'ai su toga Juu tooravuro iruko aguto pullugwo bai'meyo'moneyokwe wobo togakono. Iruko aguto su tollugwoji Muunyu Toru'aro Surukuruwolovoka lubullu doto tovi yanodupudogakono. Toro te iruko aguto su tollugwo nobai'meyo'mo yoduke tovino tov yiuwi'nokai tomuuda'ai Isuraiyol a'mwo abolo pun wagwolago Jeruusalem tovi yere abai'movopogano. Toro bai'mo'mno sumaveyokwe Gooti toolluro sumdo tovi sugudo wimo'nyo'moneyokwe sovraimwonyajupogano.

Joon 12:12

Iruko aikomguda'ai tollugwoji kwolallo bwotonyago ton lubullu doto yanyo'moneyokwe wagwolago Jeruusalem toru me'no abomwallajupo su ton aro kuu'nopogano. “Oo Jisasol wagwolago Jeruusalem akavi wobo toru me'no abai'mo'mokaikono.”

Joon 12:20

Juu tooravuro lubullu doto tov abai'movoka toga a'mwo abolo Gooti toollu ilomoropiyo'moneyokwe abopo tonyuro pun kantri Grikda'aiyogano.

Joon 12:9

Jisasol wagwolago Betani toru bai'mo'mduke toolluno Juu a'mwo abolo kwolallo bwotonyago ton wuu'nyuno sumaveyokwe abopogano. Aki yiuno Jisasollu wonyo'mo to'no aboponmaiyo. Toro kun kuruv Lasarosolluda'ai wonyo'moneyokwe abopogano. A'mwo su tool sumdomgu me'no aboloka toollu Jisasol aiyo aiko te amodukavokaikono.