Joon 11:54 - Gooti Toolluro Yogalokwono

⁵⁴ Toro tovino tov Jisasol Juu a'mwo abolo tonyuro akuuto kuu'maiyo toru miyomollajukekono. Toro kwol kuruv su toro tomuuda'ai wuugollu'movo'no wagwolago Efreyum tomuuno avlavokaikono. Wagwolago su tov kwako a'mwomaiyo yalukullo wobo toru wo'dowodokwono. Toro te Jisasol wagwolago su tovi ki'mo'mno sumaiyokwe gami uumjunyokwe toorogai'aro tooro kumuu amwallajuporogano.

Joon 11:54 Σταυροειδείς Αναφορές

Joon 10:40

Toro wuugollu'mo'mno sumaiyokwe wonyo Joodanovi igo'mguuno avlavokaikono. Toro avlavoka su tomuu muudu'nodo toga Joonol wonyo agaluvollajuko tomuugono. Toro tomuu Jisasol amwallajukekono.

Joon 18:20

Toro kuudoganoka toollu Jisasol aro kuudokaikono. “Nuu yiuwi'nokai a'mwo abolo tonyu yiuno kuu'maiyo toru'no moruudomollodumdonyugono. Aki yiuwi'nokai toga Juu tooravuro i'bwo'nyago togai'aro Jeruusalemda'ai Gooti toollu ilomoropiyo'moneyokwe ago tokwe'aro Juu a'mwo abolo ton i'bwo'nodupudo toru yodubwasodumdonyugono. Aki yiulo tomuu miyodubwasodumdonyugono.

Joon 7:1

Toruda'ai lukomgu Jisasol kwako Galili tomuuno to'no somollajukekono. Su tov aro tovinokwono. Kwako Juudiya tomuuda'ai Juu tooro Jisasollu romiyoso'moneyokwe puuto tovino a'mgono yodupudo tovino tov Jisasol kwako Juudiya tomuuno yomollo'mo mwinokaikono.

Joon 7:10

Toruda'ai gami gagwai'yago tooro lubullu doto tovi yanyo'moneyokwe avlavoporogano. Toro tooro me'no plaino sumaveyokwe Jisasol kwol kuruv kumuuno avlavokaikono. Toro tool a'mwo abolo tonyuro sumdo kuu'maiyo toru'aro mavlavokaikono. Toro kwol kuruv yiulo tomuu'aro avlavokaikono.

Joon 7:13

Toro sajunopo kun kuruv Juu a'mwo aguto tooraino luko sajupogano. Toro tovino tov a'mwo pwolnodo kwol kuruv Jisasolluno yogalo jo'moneyokwe kemi mago tokwe kuu'maiyo toru maraiyajupogano.

Joon 7:4

Aro tovinokwono. A'mwo pwol aro kuudo sauro'ji tov, A'mwo abolo pun mino kuu'maiyo toru neya wononumapuro, a'mwo su toro kuudo sauro'ji tool gamoro womdo tov yiulo tomuu'aro mimovla'mwalonekono. Toro tovino tov guu womdo jurogudo subi tov yiuwi'nokai a'mwo abolo kwako akavi mwalodupudo tonyuro sumdo tovi kuu'maiyo toru neya duuduuwallunogawono.” Kuudoporogano.