Joon 11:49 - Gooti Toolluro Yogalokwono

⁴⁹ A'mwo su tooraida'ai pwolluno yovo tov Kaiyafasolekono. Kaiyafasol su toro toga pris aguto sumo'nyajukekono. Toro tool aro kuudokaikono. “Kevu kuudo nonaguto imo'nodupudorekikono.

Joon 11:49 Σταυροειδείς Αναφορές

Matyuu 26:3

Su toro toga pris mido mollomwalokwe toorogai'aro Juu tooravuro mido mollomwalokwe toorogai'aro tooro pris aguto pwolluro agwapto bwotonyo tovi su'bwo'noporogano. Pris aguto su toolluno yovo tov Kaiyafasolekono.

Luuk 3:2

Aki su toro toga a'mwo pworal pris aguto imo'nodubul womdo sajulorakono. A'mwo su tooralluno yovo tov pwol Anasolekono. Aki pwol Kaiyafasolekono. Su toro toga Sekoraiya'wolluro muugunyo Joonol kwako a'mwomaiyo kuu'maiyo tomuu amwallajukekono. Toro mwaloduke toollu Gooti tool yogalo pun aduubweyokaikono.

Joon 11:51

Kaiyafasolluro yogalo kuudoka su tov gavnokweyolluro kuudo tovida'aiyo'maiyo. Kworomo su toga Kaiyafasol pris aguto sumo'nyajuko tovino tov yogalo su tov Jisasolluno proofet yogalo adokaikono. Proofet yogalo adoka su tov aro tovinokwono. Jisasol yiuwi'nokai kantri tomuuda'ai Juu a'mwo abolo tonyuro aiko toru marowo'ji nobolonekono.

Kuurotokwe 4:6

Aki pris aguto Anaseke'aro Kaiyafaseke'aro Jooneke'aro Aleksadaike'aro aki yiuwi'nokai pris aguto toolluro iko tovasuda'ai kworogai'aro tooro abi'bwo'noporogano.

1 Koorin 1:20

Toro te Gooti toolluro yodowo'jure tovida'ai kwako akavuro a'mwo pi'mwo kuudokwe tooro junorukuudokwe toorobusuko imo'nodupudorogano. Aki Moosesolluro loowo tovino pi'mwo kuudokwe kworo kuruv junorukuudokwe toorobusuko imo'nodupudorogano. Aki kwako akavida'ai a'mwo yogalo youllajunyo'moneyokwe kuudo kuural'moptokwe imo'nodupudo kworo kuruv junorukuudokwe toorobusuko imo'nodupudorogano. Gooti toolluro yodowo'jure tovida'ai yiuwi'nokai kwako akavida'ai a'mwo tooravuro pi'mwo kuudo su ton a'mwo junoruko tooravuro yasuwa'yogalo to'busuko imo'nodupudogano.

1 Koorin 2:6

Nuu toro sodekubwasajo kwonyu kuruv a'mwo abolo pun aguto me'no gullodopure su tonyuno'gwowi nuvu pi'mwo kuudo purukwe kuuguudo moruudodumdonyugono. Toro kuvi kuruv pi'mwo kuudo su to'gwowi kwako akavida'aiyo'maiyo. Aki kwako akavida'ai mido mollomwalokwe tooravuro'maiyo. Kevu kuudo neya jaullulo. Kwako akavida'ai a'mwo mido mollomwalokwe su tooro yere yovlaiyokwerogano.