“Su toro toga muunyu kai'muuda'ai aguto kig toolluro mido mollomwalo tovi kuulomwallo'mo tov aro to'busuko imo'nonokwono. A'mwo pwol gami abolo tovi mallo'mo toga sujuraiyo atousal pun a'mwo su toollu gami abolo toviyomno mokavlaiyo'mo kwinopogano. Sujuraiyo su ton a'mwo pworogai sumwonyo miyomollodupudogano. Toro ton kemi lamwo togai momwora'no sumaveyokwe a'mwo su toollu wuuru'mallo'mo avlavopogano.
Joon 11:20 - Gooti Toolluro Yogalokwono20 Martav Jisasol puuto tomuu boduke toolluno wuu'nyuno sumaiyokwe ago tovida'ai bolokwo'no Jisasollu puuto tomuu kuuru'marokakwono. Mariya'gwowi ago tovi aulomwallajukokwono. Δείτε το κεφάλαιο |
Joon 11:20
7 Σταυροειδείς Αναφορές
Nevu puuto tovi pla'mdowore toga wagwolago Roomda'ai Jisasolluro a'mwo abolo pun wuu'no'mno nemi puuto su tomuu bwolonekuru'mallo'moneyokwe kwolabopogano. Toro ton wolabino sumaveyokwe pun puuto su tovida'ai wosamuju'maket wosodupudo toru abwolonekuru'maropogano. Maket su tovino yovo tov, Apiyosovo, dodupudokwono. Aki pun puuto su tovida'ai sa wollo'moneyokwe ago ton wo'dupudo toru abwolonekuru'maroponogano. Ago su tonyuno yovo tov Sa Wollo'moneyokwe Biyoma'dupudo Ago Puusapuulovogano. Toro tomuu a'mwo abolo su ton bwolonekuru'ma'no sumaveyokwe Poolol a'mwo abolo su tonyu wono'no Gooti toollu, “Nenyoo,” kuudokaikono. Aki toro tool a'mwo abolo su tonyu kwonoka toga gamoro poowokalago tovi jurogudo kwimwojokakwono.
Su toro me'no aduko'melapi toga'no'gwowi lukomgu nevu aiyo kuuno amwala'ji tonol sulu'wo tomuuno ilowanonogano. Toro tonol a'mwo abolo me'no aduko'melapi su togai Aguto toollu sulugumdo tomuu illuru'maranonogano. Toro me'no sulluru'mara'ji tonol Gooti Aguto tooke yiunokuudo mujomwekovla'mwalanonogano.
Διαφημίσεις