Joon 11:11 - Gooti Toolluro Yogalokwono

¹¹ Jisasol toro me'no wuujuno sumaiyokwe aro kuudokaikono. “Nemi ibwoto'nyo Lasarosol sa kwoso. Sa wo'dowo'jure kwollu kuruv nuvu nomodukaiyo'moneyokwe pla'monyugono.” Kuudokaikono.

Joon 11:11 Σταυροειδείς Αναφορές

Matyuu 27:52

Aki su toro toga a'mwo buuso pun kuusoda'mno sumaveyokwe Gooti toolluro a'mwo abolo bwotonyago me'no abollajupo tonyu Gooti tool aiyo aiko te amodukavokaikono.

Matyuu 9:24

Su toro tonyu kuuloonyuno sumaiyokwe Jisasol aro kuudokaikono. “Kevu dovlaiyulo. Aro tovinokwono. Taiyo tov mabolmokakwono. Yiuno sa to'no kwoso.” Kuudokaikono. Toro kuudoka tovi a'mwo abolo kumdato auloderaunyajupo su ton wuu'no'mno kakwo amadopogano.

Kuuguudo Sugudo akav Makolluro sakwollokakwono Mak 5:39

Toro tool ago tovi kuula'no noulomwalodopure tonyu aro kuudokaikono. “Kevu buro'nyolno kumdato doderaunadokwovo? Taiyo tov mabolmokakwono. Sa to'no kwoso.” Kuudokaikono.

Joon 11:10

Toro kuvi kuruv a'mwo pwol surakuuto toga kado somollo'ji su toolno'gwowi bako maiyokwe toolluno tov yello novojumouku'nugovlawonekono.” Kuudokaikono.

Joon 11:12

Toro kuudoka tovi gamoro uumjunyokwe tooro kuudoporogano. “Agutoloo, a'mwo su tool sa doosokwe to'gwowi aki aiko te ilaiyo nomwalonekono.” Kuudoporogano.

Joon 11:13

Jisasol Lasarosolluno kuudoka su tov Lasarosol bwiyo me'no aboloka toolluno kuudokaikono. Toro kuudoka kuvi kuruv gamoro uumjunyokwe toorono'gwowi, a'mwo su tool yiuno sa to'no wo'duke toolluno dodadopiyo, kuudo sauropekono.

Joon 11:3

Toro te gami jo'mwo Mariyakwe'aro Martakwe'aro tonodal Jisasolluno aro adapiyolovakono. “Agutoloo, gumoro kalo buuropino gujunodowodo tool nobollokwekono.”

Joon 3:29

Joonol toro wuujuno sumaiyokwe aki yovekurajo puruv aro kuudokaikono. “A'mwo pwol abolo tovi mallo'mo su toolluno, A'mwo nuumaso'mekono, dodowadekono. A'mwo nuumaso'mo su toolluro ibwoto'nyo pwol wobo toru davowo'ji gami ibwoto'nyo su toolluro yogalo tovino kadu'molo yonekono. Toro yodowo'jure toga a'mwo nuumaso'mo su toolluro yogaimaguurai tovi kuu'no'ji tov ilaiyo bwotonyo yonekono. Su toro to'busuko kubalno nuvu Krais toolluno ilaiyo yodumdo tov maluko'nyo'maiyo. Bwotonyo kuunodokwono. Aki moro ilaiyo yodumdo su tov mi poowokalago tovi kuullo'movanuwopiyodowodokwono.

Kuurotokwe 7:60

Toro wuujuno sumaiyokwe Stivenol gami suduko tov inuguto'no'no aiyowo'mo deko guureji puruv aro adokaikono. “Mi Agutoloo, a'mwo ma'no ma'no sadokwopo akaraino kalo neya agujunono. Aki kemoro ma'no ma'nodo tovuro mubiyo tov nuubwebiyo.” Kuudokaikono. Toro wuujuno sumaiyokwe Stivenol yiuno'no abolokaikono.

1 Koorin 15:18

Aki yiuwi'nokai a'mwo abolo Krais toolluno kuudo uubweyodupu me'no bolodupudo su ton du'muudo tomuuno yiunokuudo avlavopujukogano.

1 Koorin 15:34

Neya duu'nyulo. Kemi yogalo aro mojurugolekumollumo'monyugono. Kemida'ai pugaikul Gooti toolluno kuudo ku'nono miyau'mwakovo. Toro tovino wogulo neya jubwosunyulo. Toro tovino tov kevu kuudo po'dogalo neya yauropi kemi ma'no ma'no pasudo yodupudo su toorai yiunokuudo neya dodukwopiyogaulo.

1 Koorin 15:51

Kevu neya duu'nyulo. Yiulo yogalo puruv kemi kuu'maiyo toru'no dodoluwosumo'mokwono. Nevu yiuwi'nokai Jisasolluro a'mwo abolo tonol mabolanonogano. Toro kuvi kuruv Jisasolluro a'mwo abolo yiuwi'nokai tonol kulako muuduko marowa'ji judo pumgu'aro imo'nanonogano.

Efesos 5:14

Aro tovinokwono. Bako pwopiyodowo'jure tomuu yiuwi'nokai ton kuu'maiyo toru'no bomollolupto'nosodowodogano. Su toro tovino yogalo puruv aro dodowodokwono. “Guu a'mwo me'no bolodupudo tooravuro tomuu sa wo'dumdo tooku aiyo aiko te neya dodukavono. Toro aduka'bi tookuji Krais tool gworeko toolbusuko gujumo'nowo'ji gumi bako noguuwonekono.” Dodowodokwono.

1 Tesaloonaika 5:10

Nemi Aguto Krais Jisas su tool nemi nekullo'mwojo'moneyokwe abolokaikono. Toro tovino tov nevu aiyo kuuno amwala'jo'mdeyo oo a'mwo buuso tovi kwora'jo'mdeyo kuruv yiuno kweke aiyo kuuno mujomwekovla'mwalanonogano.

Jems 2:23

Toro te Eburaiyamol Aisakollu su toro soka toga Gooti toolluro yogalo puruv suuwiyo sumwojokakwono. Yogalo su tov arokwono. “Eburaiyamol Gooti toolluro yogalo kuudoka tovi wuu'no'no, Oo nebalo'mdeyo, kuudo kuubweyokaikono. Toro kuudo kuubweyoka toolluno tov Gooti toolluro sumdo tovi sugudo kwimo'nokaikono.” Aki Gooti toolluro yogalo aka kuruv Eburaiyamolluno aro dodowodokwono. “Eburaiyamol Gooti toolluro ibwoto'nyo kwimo'nokaikono.” Dodowodokwono.