Joon 10:6 - Gooti Toolluro Yogalokwono

⁶ Jisasol yovekurajo su tokwe kuudoka tovi a'mwo tooro wuu'no'mno kworo kuruv kavlo tovino kuudo miyouromaroporogano.

Joon 10:6 Σταυροειδείς Αναφορές

Matyuu 13:34

Jisasol a'mwo abolo kwolallo tonyu Gooti toolluro yogalo tokwe ibwaso'mo tool yovekurajo su toro togai sodubwasajukekono. Jisasol kuuguudo pun yovekurajomaiyokwe togai mibwasajukekono. Toro kwol kuruv yiuno yovekurajo kuuguudo togai to'no sodubwasajukekono.

Matyuu 13:51

Jisasol toro wuujuno sumaiyokwe aki aro kuudoganokaikono. “Kevu yiuwi'nokai su tonyuno kavlo ton kuudo jukiyouroma'mwakovo?” Toro kuudoganoka tooro aro kuudoporogano. “Tade, nyouroma'mwakuuwono.” Kuudoporogano.

Kuuguudo Sugudo akav Makolluro sakwollokakwono Mak 4:34

Jisasol a'mwo abolo tonyu yiuno yovekurajo togai to'no sodubwasajukekono. Toro kwol kuruv gami uumjunyokwe tooro judo tomuu mwalodopure tooraino'gwowi yovekurajo tonyuro kavlo ton sodubwasajukekono.

Joon 16:25

Yogalo su ton yovekurajo tovi'aro aikudumonyugono. Toro kuvi kuruv wobo toga nuu yovekurajo tovi'aro miyodekubwasumwalmonyugono. Su toro toga nuvu moro Nyunumiyago toolluno yiuno kuu'maiyo toru yodekubwasumonyugono.

Joon 16:29

Jisasol toro kuudoka toga gamoro uumjunyokwe tooro kuudoporogano. “Mekono, aga'no'gwowi guu yovekurajo tovi'aro anekudumwakudekumaiyo. Toro kweku kuruv yiuno kuu'maiyo toru'no anekudumwakudekugono.

Joon 6:52

Jisasol toro kuudoka tovi Juu kevnokwe tooro aro tovino aullajunoporogano. “A'mwo akal gamoro kulako su tov nevu nonyo'moneyokwe adadomgu'aro nonekullabwonoldukono?”

Joon 6:60

Toruda'ai Jisasolluro uumjunyokwe tooro Jisasolluro yogalo sodubwasajuko su tonyu wuu'nyuno sumaveyokwe bwotonyago tooro aro sajunoporogano. “Awi! Yogalo su tov tagokwono. A'mwo pwol yogalo su tonyuno kavlo tov adadomgu'aro nokwo youromaronoldukono?”

Joon 7:36

Aki a'mwo su toolluro yogalo puruv aro adumokaikono. “Kevu numino a'mgono ino ino yopi kuvi kuruv ku'nono manuwonpinogaikikono. Yopi nuu amwalmi tomuu kevu ku'nono mavlapinogaikikono.” Yogalo su tovalluro kavlo tov buro'nyo tovino'mdukono?” Sajunoporogano.

Joon 8:27

Toro kuudoka kuvi kuruv a'mwo abolo su ton aro kuudo miyouromallajupogano. Oo Jisasol gami Ganumiyago muunyu kai'muuda'ai toolluno donekudadopiyo. Kuudo miyouromallajupogano.

Joon 8:43

Kevu moro yogalo ikudodumdo tonyuro kavlo tovi kuudo miyouroma'mwakopo tov aro tovinokwono. Kevu moro yogalo ikudodumdo tonyu ilaiyo mamolloma'dupudo tovinokwono.

1 Koorin 2:14

Toro kuvi kuruv a'mwo abolo Gooti toolluro Kuullo tool nonagutokwe ton Gooti toolluro yasuwa'no nonekullabodowodo su tonyu ku'nono mamallokweyogano. A'mwo abolo su ton aro kuudo yau'dupudogano. Oo kuuguudo su tov a'mwo junoruko pworavurokwono. Kuudo yau'dupudogano. Aki nebaikuuguudo su tonyuno kavlo tov yiuno Gooti toolluro Kuullo toollu'aro nokwo jagilpinogano. Toro tovino tov Gooti toolluro Kuullo tool nonagutokwe su ton kavlo tovino ku'nono miyouroma'dupudogano.

2 Pita 2:22

Kaiya'no pasudo tov aki aiko te mollubworomokavlaiyo'moneyokwe a'mwo abolo wuulo awapi su tov yovekurajo nebal'nodo puruval nekuduuwallodowodokwono. Puruv arokwono. “Juluko pwol kwodako me'no amuudoso'ji tovi lukomgu kwodako su tomuuno aki aiko te plavowo'ji luvanonekono.” Aki puruv arokwono. “Sa'ai abollamwiyo tov gami kulako tovi wonyo me'no sal'mo'no'ji toga lukomgu kwonolo tomuuno aki aiko te plavowo'ji kuulolukumowopiyonokwono.”

1 Joon 5:20

Aki nevu aro tovino kuudo me'no youroma'dowadonogano. Gooti toolluro Kwolaiyo tool kwako akavi me'no abwolomwalokaikono. Toro bwolomwalno sumaiyokwe Gooti kuunodo su tool gavnokweyolluno kuudo youromallo'moneyokwe tov nemi me'no anekullabokaikono. Toro te nevu Gooti kuunodo su toolluro Kwolaiyo Jisas Kraisollu uuguro'mwonyodowadonogano. Jisas Krais su tool Gooti kuunodekono. Aki yiuno Jisas Kraisollu'aro nevu aiyo yiunokuudo mujomwekovla'mwalanonogano.