Joon 10:27 - Gooti Toolluro Yogalokwono

²⁷ A'mwo abolo moro sipsip tonbusuko nonyumo'nodupudo tono'gwowi moro yogaimaguurai tovi kaduko yodupudogano. Nuvu su toro tonyuno kuudo me'no youroma'dumdonyugono. Aki toro ton mi numjunodupudogano.

Joon 10:27 Σταυροειδείς Αναφορές

Matyuu 16:24

Toruda'ai Jisasol gami uumjunyokwe toorai aro kuudokaikono. “A'mwo pwol mi numjunyo'mo kwino'ji su tool gavnokweyolluro noonyumwonyu kuudo yau'dowodo tonyu neya yogallu'mowonekono. Yowo'ji gami i'noguropte tokwe momworarowo'ji mi neya numjunonekono. A'mwo su tool, Oo nobolmonyudeyo, kuudo yaurowo'ji kwol kuruv neya anumjunono.

Matyuu 17:5

Pital toro wuudoduke toga sulu'wo bako awopingikokwe puruv Jisasollu abwolobu'duvolomarokakwono. Sulu'wo abwolobu'duvolomaroka su tovi anakuuto tomuuda'ai yogaimaguurai puruv alokabokakwono. Toro tov aro adokakwono. “Akal moro Kwolaiyo kalo buuropino nyunodowodo tookono. Toro toolluno ilaiyo kuunodo anyunumaiyoo. Gamoro yogalo dodowo'jure tonyu kevu neya duu'nogaulo.” Adokakwono.

Matyuu 25:12

Toro aulodopiyapo kuvi kuruv a'mwo aguto tool aro abiloduwopiyokaikono. “Oo nebal'no ikudumo'mokwono. Nuu kemino kuudo miyaikuu'mwakono.” Abiloduwopiyokaikono.” Jisasol yovekurajo tov su toro kuudokaikono.

Matyuu 7:23

Toro anyudupi kuvi kuruv nuu aro dodowiyoku'bworosumonyugono. “Nuu kemino kuudo miyaikuu'dumdonyugono. Kevu kirovanyuvanyu kiroungovla'mdupudo togaikul mi manyu tomuu'aro neya dovlaiyulo.” Dodowiyoku'bworubwemonyugono.”

Kuuguudo Sugudo akav Makolluro sakwollokakwono Mak 10:21

Jisasol toro toollu wonyuno sumaiyokwe kalo buuropino wino'no aro kuudokaikono. “Guu puvino supto kuuno sadokuuno. Mi neya donumjunono. Guu numjunyo'moneyokwe tooku aro ibinekugono. Guu a'mwo pworaiyomno plavo'bi gumoro yiuwi'nokai kuto ivito tonyu agubipuro. Toro agubipi tonyuda'ai nuugwiyo tov maro'bi a'mwo apoo'nyaiyo tekwojai wiyo'bi mi neya donumjunono. Toro subi tooku Gooti toolluro ago muunyu kai'muu mubiyo sugudo tollovo noma'binekugono.” Kuudokaikono.

Kuuguudo Sugudo akav Makolluro sakwollokakwono Mak 8:34

Toruda'ai Jisasol a'mwo abolo kwolallo togai'aro gami uumjunyokwe toorogai'aro tonyu gamiyomno me'no moju'bworumwallo'no aro kuudokaikono. “A'mwo pwol numino numjunyo'mo kwino'ji tool gavnokweyolluro noonyumwonyu kuudo yau'dowodo tonyu neya yogallu'mowonekono. Yogallu'mowo'ji gami i'noguropte tovi momworarowo'ji mi neya numjunonekono. A'mwo su tool nobolmonyudeyo kuudo yaurowo'ji kwol kuruv neya anumjunono.

Luuk 13:27

Su toro kuudupi kuvi kuruv aro ikudonekono. “Kevu gadomuuda'aiyogaikuldeyo? Kevu kirovanyuvanyu pasudo toorai mujeroungovla'mdupudo togaikul mi donyugollu'meyulo.” Ikudonekono.

Luuk 9:23

Aki Jisasol yiuwi'nokai toorai aro kuudokaikono. “A'mwo pwol numi numjunyo'mo kwino'ji su tool gavnokwelluro ilaiyo igollunyo'mo kuudo toorai neya yogallu'mowonekono. Yowo'ji gami i'noguropte tokwe momworarowo'ji mi neya numjunonekono. A'mwo su tool nobolmonyudeyo kuudo yaurowo'ji kwol kuruv neya anumjunono.

Joon 10:14

Nuvno'gwowi sipsip duuwatokwe sugudo toolbusukonyugono. Nuvnokwenyuro a'mwo abolo kuunodo tonyuno kuudo youroma'dumdonyugono. Aki moro a'mwo abolo kuunodo kun kuruv mino kuudo youronuma'dupudogano.

Joon 10:16

Aki nuvu sipsip pworogai'aro kurukwenyugono. Sipsip su tooro sipsip kuurupto tovi anakuuto tomuu mamwalodupudorogano. Toro kuvi kuruv sipsip gabovo su toorogai'aro mokabo'mi sumdomguda'ai sipsip toorogai neya moguro'mwojosumonyugono. Toro amokami su tooro moro yogaimaguurai tovi kaduko nyumwalpinorogano. Aki yiuwi'nokai sipsip amoguro'mwojosumi su tooro mollu'bwoto yiuno puru'mono imo'nupinorogano. Yiuwi'nokai sipsip su toorai duuwatokwe tool yiuno pwolnodonyugono.

Joon 10:8

Nuvu yere mwolabodore toga yiuwi'nokai a'mwo sumdomguda'ai abopo tooro kuuko'mo to'no aboporogano. Toro tooro yogalo wuudodopure kuvi kuruv sipsip tooro kaduko mwiyajuporogano.

Joon 12:26

Aki a'mwo pwol moro womdo anyo'ji tool numi neya numjunmwalonekono. Aki nuu buro'nyo buro'nyomuudeyo tomuu amwalmi kuruv moro womdokwe su tool nuuge nomwalosunekono. Aki a'mwo pwol moro womdo tovi anyo'ji su toollu moro Nyunumiyago tool yovo aguto nuuwiyonekono.” Kuudokaikono.

Joon 21:22

Toro kuudoganoka tovi Jisasol kuudokaikono. “A'mwo su toollu adado wimo'nonoldukoneyokwe tov gumiyo'mo'maiyo. Nuu aikomgu yere mabodo'mure toga a'mwo su tool kuuno amwaloneyokwe tovino ilaiyo anyuno'ji tov mi anuwoso. Toro kuvi kuruv gumiyo'mo to'gwowi mi donumjunogawono.” Kuudokaikono.

Joon 5:25

Aki nuvu nebal'no kuunodo aro ikudumo'mokwono. A'mwo abolo bolodupudo ton Gooti toolluro Kwolaiyo toonyuro yogaimaguurai tovi wuu'nyo'moneyokwe toga nobai'mowonokwono. Su toro wuu'nyo'mo tov aga toga me'no abai'mo'mokakwono. Toro te a'mwo abolo bolodupudo ton Gooti toolluro Kwolaiyo toonyuro yogaimaguurai tovi kuu'nupi ton aiyo nomjomwekovla'mwalpinogano.

Joon 8:12

Toruda'ai Jisasol a'mwo abolo tonyu aiko te sodubwasoka toga aro kuudokaikono. “Nuu yiuwi'nokai a'mwo abolo kwako akavi mwalodupudo tonyu bako wimo'nodumdonyugono. A'mwo pwol numi anumjuno'ji su tool dugumdo tomuu miyomjomwekovla'mwalonekono. Toro kwol kuruv aiyo yiunokuudo mujomwekovlaiyo'moneyokwe bako to'gwowi kurukwe imo'nonekono.” Kuudokaikono.

Joon 8:43

Kevu moro yogalo ikudodumdo tonyuro kavlo tovi kuudo miyouroma'mwakopo tov aro tovinokwono. Kevu moro yogalo ikudodumdo tonyu ilaiyo mamolloma'dupudo tovinokwono.

Kuurotokwe 3:23

Toro kuvi kuruv yiuwi'nokai a'mwo abolo pun proofet su toolluro yogalo dodowo'jure tovi muu'nyubusuko supi tonyuno'gwowi Gooti tool molleru'mdeyomwallowo'ji yiunokuudo romiyebuuropiyonekono. Aiyoga Moosesol toro kuudokaikono.”

1 Koorin 8:3

Toro kuvi kuruv a'mwo pwol Gooti toolluno kalo buuropino winodowodo su toolluno'gwowi Gooti tool me'no wonoma'dowodekono.

Galesiya 4:9

Toro kuvi kuruv aga'no'gwowi kevu Gooti kuunodo toolluno kuudo me'no youroma'dupudogaikikono. Toro te aro neya dumonyugono. Gooti toolno'gwowi kemino kuudo me'no yaikuu'dowodekono. Toro tovino tov kevu kwako akavida'ai kuudo maluko'nyo su tooraiyomno aki aiko te nyouragunyumo'numwalpiyo. Kwako akavida'ai kuudo maluko'nyo su tooro wollainyorogano. Aki su tooro kemi ku'nono maikullo'mwojupinorogano. Toro tovino tov kevu su toro toorai aki aiko te ki'nato womdo nuuwimwalpiyo.

2 Timooti 2:19

Toro kuvi kuruv Gooti tool gamoro mollu'bwoto tovi mojudapiyo'moneyokwe nebaikuuguudo to'gwowi sulo bwotonyo toolbusuko jurogudo me'no kuudapingikokwono. Toro kuudapingiko su tovi aro sakwollungikokwono. “Aguto tool gamoro a'mwo abolo tonyuno kuudo me'no youroma'dowodekono.” Aki puukwollo sakwollungiko puruv arokwono. “Yiuwi'nokai a'mwo abolo ton, Oo nevu Aguto toolluronogano, dodupudo su tobuuro kaiya'no pasudo toorai buulo neya uugunyumopiyogapuro.” Sakwollungikokwono.

Hibruu 3:7

Nevu Gooti toolluro a'mwo abolo tonol Gooti toolluro Kuullo tool nekudowodo'jure tovi neya uumjunogawano. Gooti toolluro Kuullo su tool aro dodowodekono. “Aga toga kevu Gooti toolluro yogaimaguurai ikudodowo'jure tovi kuu'nupi tov

Adodolukuu'nosungiko 14:4

A'mwo su tooro abolo puru'monodo kurukwe kuruv sumwonyo miyodupudorogano. Toro tooraino tov kaiyako migolamo'nodupudorogano. Aki toro tooro Sipsip Muugunyo tool buro'nyo buro'nyomdeyo tomuu yomolloduke toollu uumjunodupudorogano. Toro toorai Gooti tool yiuwi'nokai a'mwo abolo kwako akavi mwalodupudo tonyuro akuuto tomuuda'ai me'no abiyomarokarogano. Toro abiyomaroka su tov aro tovino'mokwono. Wosa kuto sumdomguda'ai mulodupudo to'busuko kubalno a'mwo su tooro Gooti tooke'aro Sipsip Muugunyo tooke'aro tooralluro sumdomguda'ai wimo'nupino tovino'mokwono.

Adodolukuu'nosungiko 3:20

Kevu duu'nyulo. Nuu kemoro anoullo tonyu wobo toru da'mdum kudo'aiko tonyu iwago romida'nodumdonyugono. Toro toonyu kevu kudo'aiko kuusonumapino'moneyokwe sogwollo kinodumdonyugono. Toro te a'mwo pwol moro yogaimaguurai tovi wuu'nowo'ji kudo'aiko ausonumaro'ji tov nuu a'mwo su to kweke kuulomwalo'mi yiuwi'nokai toonal ibwoto'nyo imo'nowosi wosamujuko tov aval'no kuulonomwalosunonakono.