Joon 1:19 - Gooti Toolluro Yogalokwono

¹⁹ Toruda'ai Joonolluro adodoluwosungiko puruv arokwono. Wagwolago Jeruusalemda'ai Juu tooro pris pworogai'aro Livaiyolluro iko tovasuda'ai pworogai'aro toorai amoropiyaboporogano. Toro amoropiyabopo su tooro bino sumaveyokwe Joonollu aro abuudoganoporogano. “Guu ala'mwekudukono?” Abuudoganoporogano.

Joon 1:19 Σταυροειδείς Αναφορές

Joon 1:7

Toro amoropiyaboka tool bako su toolluno kuu'maiyo toru dodoluwoso'moneyokwe abokaikono. Su toro dodoluwosodowo'jure toollu'aro yiuwi'nokai a'mwo abolo ton wuu'nopi bako su toolluno kuudo nokwo uubwepinekono.

Joon 10:24

Toro te Jisasol su toru yomolloduke toga Juu a'mwo abolo ton bomwodovomaro'mno aro kuudopogano. “Guu nemi kuu'maiyo toru manekudodumdo tookujuno noo'nookwo kuuno yodowadonogano. Toro te guu Gooti toolluro nekullo'mwojo'moneyokwe ajesoka Krais tookuno'juki kuu'maiyo toru yere neya donekudono.” Kuudopogano.

Joon 10:31

Jisasol toro kuudoka toga Juu a'mwo abolo su ton Jisasollu romiyoso'moneyokwe sulo pworo aluvomaropogano.

Joon 11:19

Toro te Juu bwotonyago tooro Mariyakwe'aro Martakwe'aro tonodallu kemi kwiyo'mwo toolluno kalo dugoga wileyo'moneyokwe aboporogano.

Joon 2:18

Toro te Jisasolluro yoduke su tovino Juu tooro wonyuno sumaveyokwe aro kuudoporogano. “Guu nemi amodovomjonekwapiyadokuudo tooku duuwallo jurogudo puruv anekuduuwallubi tovi wonowa'ji gumino aro kuudo yaguuranekugono. Oo akal Gooti toolluro womdo tovi yo'moneyokwe jurogudo tov kuubweyokaldeyo. Kuudo nokwo yaguuranekugono. Toro te guu buro'nyo duuwallo jurogudo tov nekuduuwallubinekudukono?” Kuudoporogano.

Joon 2:20

Jisasol toro kuudoka toga Juu tooro kuudoporogano. “Oo Gooti toollu ilomoropiyo'moneyokwe ago akavi mojo'mo tov a'mwo tooro modumelabino modumelabino sumaveyokwe kworomo tov 46 tobuul kuuwolo'noka toga amojudapiyopokwono. Toro kuvi kuruv guvu tekwoguno'gwowi yiuno iruko pullapullu tobuullu ago akavi aki aiko te mojudapibinekudukono? Tarevono, guvu ku'nono mamojudapibinekwogugono.” Kuudoporogano.

Joon 5:10

Toro te Juu tooravuro a'mwo mido mollomwalokwe tooro a'mwo sukuloka toollu aro kuudoporogano. “Anuugwo Sabat togakono. Toro tovino tov loowo tovi kisuvolo nuuwibiyokwe gumi i'buronyuko tovi mamokovla'binono.” Kuudoporogano.

Joon 5:15

Jisasol toro wuujuno sumaiyokwe a'mwo sukuloka su tool wuugollu'movo'no Juu toorai aro kuudokaikono. “A'mwo mi anyukulmwa'juko su toolluno yovo tov Jisasolekono.” Kuudokaikono.

Joon 5:16

Jisasol a'mwo abolo nobollokwe tonyu iruko Sabat toga ikulodowodo tovino tov Juu tooro Jisasollu jul'nyo kwiyajuporogano.

Joon 5:18

Sumdomgu Juu tooro Jisasollu romiyoso'mo me'no kwinyajuporogano. Toro tooro Jisasolluro yogalo tovi wuu'no'mno aro kuudo sauroporogano. A'mwo su tool iruko Sabat tollugwojuno loowo duulluku'dowodo tovi kisuvolo yodowodekono. Aki tokwe'aro Gooti toolluno aro dodowodekono. “Mi Nyunumiyagekono.” Su toro dodowodo tov aro anekuduuwalladopiyo. Nuu Gooti toolbusuko aval'no imo'nodumdonyugono. Anekuduuwalladopiyo. Kuudo sauroporogano. Toro tovino tov Jisasolluro kuudoka toga'no'gwowi gami noromiyoso'mo muunyu toru'aro guureji kwinoporogano.

Joon 6:41

Toruda'ai Juu tooro Jisasolluro yogalo aro wuudoduke tovi, “Gooti toolluro ago muunyu kai'muuda'ai bret kwolaboka tool nuu kwonyugono.” Su toro wuudoduke tovino Juu tooro Jisasollu biyolyogalo aduu'mwojopekono.

Joon 6:52

Jisasol toro kuudoka tovi Juu kevnokwe tooro aro tovino aullajunoporogano. “A'mwo akal gamoro kulako su tov nevu nonyo'moneyokwe adadomgu'aro nonekullabwonoldukono?”

Joon 7:1

Toruda'ai lukomgu Jisasol kwako Galili tomuuno to'no somollajukekono. Su tov aro tovinokwono. Kwako Juudiya tomuuda'ai Juu tooro Jisasollu romiyoso'moneyokwe puuto tovino a'mgono yodupudo tovino tov Jisasol kwako Juudiya tomuuno yomollo'mo mwinokaikono.

Joon 7:11

Toro te a'mwo abolo ton lubullu doto su tovi yanodopure toga Juu tooravuro a'mwo aguto tooro Jisasolluno a'mgono soporogano. A'mgono ino ino sumaveyokwe a'mwo abolo tonyu aro kuudoganyajuporogano. “A'mwo su tool gadomuu domwallo?” Kuudoganyajuporogano.

Joon 7:15

Toro yodubwasoduke tovi Juu a'mwo abolo ton wuu'nyuno sumaveyokwe toga mollolokurosi yo'mno aro sajunopogano. “A'mwo pwolnodo kwol kuruv a'mwo akallu miyodubwasungikekono. Toro toolluno tov pi'mwo kuudokwe pwolbusuko adado sumo'nokaldukono?” Sajunopogano.

Joon 8:22

Su toro kuudoka toga Juu a'mwo abolo ton aro sajunopogano. “A'mwo su toolluro yogalo aro adumoka tov, “Moro avla'mi su tomuu kevu ku'nono mavlapinorekikono,” adumoka su tov buro'nyo kavlo tovino'mdukono? Gavnokwe tool romiyosunono'moldukono?” Sajunopogano.

Joon 8:48

Jisasol toro kuudoka tovi Juu tooro kuudoporogano. “Nevu gumino aro agudowonogano. Samariyada'ai a'mwo su tool kuullo ma'no ma'nodo tool kuulomwalodowodekono. Su toro agudowo tov kuvigono.” Kuudoporogano.

Joon 8:52

Toro kuudoka tovi Juu tooro Jisasollu aro kuudoporogano. “Aga toga gumino aro kuudo me'no saguu'mawekugono. Kuullo ma'no ma'nodo pwol gumi kuulogumwalodowodekugono. Saguu'mawekugono. Aki Eburaiyameke'aro proofet toorogai'aro tooro me'no abollajuporogano. Toro kuvi kuruv guvno'gwowi aro anekudumodekugono. “A'mwo pwol moro yogalo tovi kuumjuno'ji su tool yiunokuudo mabolonekono.”

Joon 8:57

Jisasol toro kuudoka tovi Juu tooro aro kuudoporogano. “Guu kworomo 50-pela tobuullu muuwolo'mwakuno. Toro tookuji Eburaiyamol adadomgu'aro agwonokaldeyo?” Kuudoporogano.

Kuurotokwe 13:25

Toro moruudodowo aki Joonol gamoro womdo tov yopiyo'mo tool aro adokaikono. “Kevu mino tov buro'nyo'mo noo'nookwo jadokwovo? Kevu a'mwo pwolluno sogwollo ainadokwopo su tool nuu kwonyumaiyo. Nuu a'mwo yasuwa'nodo pwekwonyugono. Toro kuvi kuruv mi lukomgu abwo'ji pwolno'gwowi kwekono. Su tool aguto kuunodekono. Toro tool mi nuwolenodekono. Aki toro toolluro yiuno suulpweyo to'no mollurolopiyo'mo kuruv sugudekwonyumaiyo.” Joonolluro adoka tov torokwono.” Kuudokaikono.

Kuurotokwe 19:4

Toro wuujuno sumaveyokwe Poolol aro kuudokaikono. “Aiyoga a'mwo abolo ton Gooti toollomno kuudo youragunyumo'nupino'moneyokwe Joonol wonyo mogaluvollodowo aro amoruujajukekono. “Mi lukomgu amjonumokabwo'ji toolluno kuudo neya duubweyulo.” Amoruujajukekono. Joonolluro toro amoruujajuko tool Jisasol kwekono.” Kuudokaikono.

1 Joon 1:5

Krais Jisasolluro yogalo nekudoduke tovi nevu me'no kuu'nowonogano. Yogalo kuu'nowo su tov aga kemi aikudumwakuuwono. Su tov arokwono. Gooti tool bako to'busukekono. Aki Gooti toollu anakuuto tomuu dugumdo puru'monodo kuruv nonagutekono.