Jems 5:16 - Gooti Toolluro Yogalokwono

¹⁶ Toro tovino tov Aguto tool kemi ikuloneyokweyo'mo kevu pwolno puru'monodo togaikul kemida'ai a'mwo abolo pubuurai kevnokweyogaikulluro ma'no ma'no pasudo tonyuno dodowiyoku'bworosunogaulo. Aki Gooti tool kemida'ai su tobuurai wiyo'mwojoneyokweyo'mo kevu pwolno puru'monodo togaikul subusu'nyogalo duudogaulo. A'mwo Gooti toolluro sumdo tovi sugudo wimo'nodowodo pwolluro subusu'nyogalo tov womdo bwotonyo yowo'ji aki jurogudo kurukweyokwono.

Jems 5:16 Σταυροειδείς Αναφορές

Muuduko 19:29

Toro te Gooti Yawel wagwolago kwako wora'maluko wo'dupudo tonyu toro amollounapiyokaikono. Aki Gooti Yawel Lootolluro amwallajuko towai kaiyako amollounapiyoka toga Lootolluro ganumamwolo Eburaiyamolluno kuudo saurokaikono. Toro yau'no sumaiyokwe Lootol kwako su towai nobolo'jokweyo'mo pumuuno amorapiyokaikono.

Muuduko 20:17

Abimelekol toro me'no wuujuno sumaiyokwe Eburaiyamol Abimelekollu wiyo'mwojo'moneyokwe subusu'nyogalo tov Gooti toollu kuudokaikono. Toro wuujuno sumaiyokwe Gooti tool Abimelekollu sukulokaikono. Muudu'nodo toga Abimelekol Saravi kaiyako igollo'mo yoduke toga Gooti Yawel Abimelekeke gami abolo tokwe teyaullu kwolaiyo nyawosunbullokweyo'mo kuullukurokaikono. Aki Abimelekolluro ki'nato womdokwe abolo kunyu kuruv kwolaiyo nyawosunpiyokweyo'mo kuullukurokaikono. Muudu'nodo toga Gooti tool toro me'no kuullukuroka kuvi kuruv Eburaiyamol subusu'nyogalo kuudoka toga'no'gwowi Gooti tool Abimelekollu sukulokaikono. Aki Abimelekolluro abolo tokwe'aro gamoro ki'nato womdokwe togai'aro tonyu kwolaiyo sumwoluko imo'nopureyokwe iroto kwiyokaikono.

Muuduko 20:7

Toro te aga guu abolo su tovi gami kwolo toollomno aikomgu neya domorapiyono. Gamoro kwolo tool moro proofet pwekono. Toro tool guu nobolbiyokweyo'mo mi subusu'nyogalo anyudo'ji tov mabolbinekugono. Toro kuvi kuruv guu abolo tovi aikomgu mamorapibi to'gwowi nobolbinekugono. Aki guuge avalo kugai'aro yiuwi'nokai togaikul nobolpinogaikikono.” Kuudokaikono.

Muuduko 32:28

Toro kuudoka tovi kuudokaikono. “Gumino Jekoopolo gudodupudo kweku kuruv aga'no'gwowi toro magudumwalpinekugono. Guu Gooti tooke'aro a'mwo pworogai'aro toorogai jumapollunyo yodum kuuwolo'mado tovino tov gumino yovo muuduko tov Isuraiyololo soguuwa'mono.” Kuudokaikono.

Mollurolovomato 17:11

Toro iloda'mno sumaveyokwe Moosesol gami ato toval bomokailoduke toga Isuraiyolda'ai tooro Amalekda'ai toorai uuwoleyo'mo soporogano. Toro kuvi kuruv Moosesol gamoro ato toval nokwo uumwogapiyoduke toga'no'gwowi Amalekda'ai tooro Isuraiyolda'ai toorai uuwoleyo'mo soporogano.

Mollurolovomato 9:33

Toruda'ai Moosesol Feroo toollu wuugollu'mo'mno sumaiyokwe wagwolago bwotonyo su tovi kwa'mgu tomuuno abolokwokaikono. Toro bolokwino sumaiyokwe gamoro ato toval bomokaila'no Gooti Yawellu subusu'nyogalo kuudokaikono. Toro kuudoka toga kuuloulo tokwe sullumiyo buuruko bwotonyo tokwe aki buuruko yasuwa'no aviyajuko tokwe ton avomuudodavopogano.

Matyuu 21:22

Toro te kevu Gooti toolluno kuudo kuubwepi toorekul buro'nyo buro'nyodeyo tonyuno subusu'nyogalo kuudoganpi tov kuvinono ikullumo'nonokwono.” Kuudokaikono.

Matyuu 3:6

Toro ton bodupu kemi ma'no ma'nodo tonyuno adodowiyoku'bworosunyajupogano. Toro dodowiyoku'bworosunodopure tonyu Joonol wonyo Joodanovi amogaluvollajukekono.

Kuuguudo Sugudo akav Makolluro sakwollokakwono Mak 1:5

Joonol toro galuvolloduke toga yiuwi'nokai Juudiyada'ai toorogai'aro Jeruusalemda'ai toorogai'aro tooro Joonollomno aboporogano. Toro tooro kemi ma'no ma'nodo tonyuno dodowiyoku'bworosuno'mno Joonol wonyo Joodanovi agaluvollokarogano.

Luuk 9:6

Toro amodapiyoka tooro wuugollu'mo'mno sumaveyokwe wagwolago go'no go'nodo tomuu kuuguudo sugudo tokwe amoruudomollajuporogano. Aki toro tooro yiuwi'nokai su tomuuda'ai a'mwo abolo nobolluwuulokwe tonyu sukullajuporogano.

Joon 9:31

Nevu aro tovino kuudo me'no youroma'dowadonogano. Oo a'mwo ma'no ma'no yodopure toorai Gooti tool kaduko mwiyokwekono. Toro kuvi kuruv a'mwo pwol Gooti toollu ilomoropiyawo'ji gamoro ilaiyo winodowo'jure tovi kuumjuno'ji su toolluno'gwowi Gooti tool kaduko wiyokwekono.

Kuurotokwe 10:38

Gooti tool Nasaretda'ai Jisasollu jeso'moneyokwe gamoro Kuullo tool uubweyo'no gamoro jurogudo tokwe'aro kuubweyokaikono. Toro kuubweyoka tokwe Jisasol a'mwo abolo tonyu ilaiyo to'no sugollajukekono. Aki Gooti tool kweke yomollodowo a'mwo abolo Satanyolluro kaiyako igolodowodo tobuurai sukullajukekono.

Kuurotokwe 19:18

Aki su toro toga a'mwo abolo Jisasolluno kuudo muudu'no kuubweyopo bwotonyago ton bo'mno a'mwo abolo pun muugona'dopure toru abododowiyoku'bworosunopogano. Toro tobuuro kemi ma'no ma'nododeyo oo bula'yogalodeyo sajupo tonyuno kuu'maiyo toru'no adodoluwosunopogano.

Kuurotokwe 8:24

Pitalluro su toro kuudoka tovino Saimoonol aro kuudokaikono. “Awi, kemoro yiuwi'nokai anyudumalo su tov kuvinono nonyumo'no'jo. Toro tovino tov Aguto tool neya nyo'mwojono'moneyokwe kevu subusu'nyogalo neya duudogaulo.” Kuudokaikono.

Room 3:10

Toro mwalodowado tonolluno Gooti toolluro yogalo sakwollungiko pun aro dodupudogano. “A'mwo sugudo yodowodo pwol nonagutomuugono. Yiuno pwolnodo kwol kuruv mamwallo.

Room 5:19

Aki puruv a'mwo pwolnodo toolluro Gooti toollu kisuvolo kwiyoka tovasuda'ai bwotonyago tonol Gooti toolluro sumdo tovi ma'no ma'nodokwe sumo'nyajuwonogano. Su toro to'busuko kubalno a'mwo pwolnodo tool Gooti toollu pi'mwono kuumjunoka tovida'ai nevu bwotonyago tonol Gooti toolluro sumdo tovi sugudo wimo'nodowadonogano.

Kooloosi 1:9

Toro te navu kemino kuuguudo su tovi kuu'numwa'juuwolo tovino tov Gooti tool kemi jurogudo daikullumwojono'moneyokwe subusu'nyogalo wuudodowolonakono. Muudu'no kemino kuu'numwa'juuwolo togada'ai subusu'nyogalo wuudodowolo su tov mimwogapimwakuuwolonakono. Toro kwonal kuruv Gooti toollu subusu'nyogalo aro wuudodowolonakono. Gooti tool gamoro ilaiyo winodowodo tovino yiuwi'nokai kuudo ton kemi nokwo ikubwemwalonekono. Su toro ikubweyodowo'jure tonyuno kevu kuudo souromapi tov kemoro kuudo tovi nokwo kuullo'movaikwopipinogano. Aki Gooti toolluro Kuullo toolluda'ai yiuwi'nokai pi'mwo kuudo lokabodupudo kunyuno kuruv kemoro kuudo tonyu nokwo kuullo'movaikwopipinogano. Kuudo su tollovaino pi'mwono youromallo'moneyokwe tov Gooti gavnokwe tool nokwo ikullabwonekono.

1 Tesaloonaika 5:17

Aki yiuwi'nokai toga subusu'nyogalo neya domwalopi nyuu'dapimwalpiyo.

1 Tesaloonaika 5:23

Oo kemino tov aro anekullunadopiyo. Gooti sumwoluko kavo wosunyo'moneyokwe tool kemi womdo nekullumwalonekono. Toro ikullodowo'jure tovida'ai kemoro yiuwi'nokai somjomwekovlapi tomgu'aro Gooti gavnokwe toolluro kuunodo nokwo wimo'numwalpinogaikikono. Toro wimo'nugovlavopi nemi Aguto Jisas Kraisol abwo'ji toga kevu a'mwo abolo kaiya'nodomaiyokwe to'no neya imo'nupinogaikikono. Su toro kuvinono ikullumo'nyo'moneyokwe Gooti tool pi'mwono nomollekumwalonekono. Kemoro poowokalago togai'aro kuudo togai'aro kulako togai'aro tonyu nokwo mollekumwalmwalonekono. Su toro tovino anekullunadopiyo.

1 Tesaloonaika 5:25

Nemiyobuuravoo, Gooti tool nemi anekullo'mwojoneyokwe tovino kevu subusu'nyogalo neya duudumovlavogaulo.

Hibruu 11:4

Aiyoga Ebelol Gooti toolluno kuudo kuubweyajukekono. Toro kuubweyajuko su tovi'aro gamoro Gooti toollu kwiroudapiyoka tov Kenolluro kwiroudapiyoka tovino'gwowi kuuwolovokakwono. Ebelol Gooti toolluno kuudo kuubweyoka tovino tov Gooti toolluro sumdo tovi sugudo kwimo'nokaikono. Toro te Gooti tool Ebelollu ilaiyo amollomaroka tovino kuu'maiyo wuuduuwallo'moneyokwe tov Ebelolluro kwiroudapiyoka kuvi kuruv ilaiyo amollomarokaikono. Ebelol me'no abolokaikono. Toro kwol kuruv Ebelolluro kuudo kuubweyoka su tovino aga kuga kuruv kuuno nekudodowodokwono.

Hibruu 11:7

Aki aiyoga Noowal Gooti toolluno kuudo kuubweyajukekono. Noowal Gooti toolluro lukomgu nyumo'nupino tonyuno duudapi yogalo wiyoduke tonyu kaduko kwiyokaikono. Toro wino sumaiyokwe Gooti toollu dolago tomuu amwallajukekono. Toro tool gami julkwolaiyo togai'aro tonumdotai buuru'allako tovida'ai kaiyako nomapiyokwe sip pwollu amodokaikono. Noowalluro su toro soka tovino tov yiuwi'nokai kwako akavida'ai a'mwo abolo Gooti toollu kuudo muubweyodupudo tobuurai kuu'maiyo aro kuuduuwallokaikono. Kevu kemi kirumwallo tov nomapinogaikikono. Aki yiuwi'nokai a'mwo abolo Gooti toollu kuudo kuubwepi tono'gwowi gamoro sumdo tovi sugudo wimo'nupinogano. Su toro to'busuko kubalno Noowal kwol kuruv Gooti toollu kuudo kuubweyoka tovi'aro Gooti toolluro sumdo tovi sugudo kwimo'nokaikono.

Hibruu 12:13

Aki kemi suvlo togai puuto idopto'nodo tovino to'no neya duumjunogaulo. Kevu kuvinono kuumjunpi tov a'mwo suul nomuullugollokwe pwolbusuko mimo'nupinogaikikono. Toro kuvi kuruv pugaikul kemoro poowokalago ton suul nomuullugollokwe pwolbusuko sumo'nupi su togaikulno'gwowi aiko te ikulnopi puuto idopto'nodo tovi neya duumjunogaulo.

Hibruu 13:18

Gooti tool nemi anekullo'mwojoneyokwe tovino kevu subusu'nyogalo neya duudogaulo. Aki Gooti toolluro sumdo tovi nevu aro me'no yainyunodowadonogano. Oo nemi poowokalago tovi kuulanekwo'dupudo tonyu kuvinono uumjunodowadonoldeyo. Yainyunodowadonogano. Aki nevu yiuwi'nokai toga pasudo idopto'nodo tonyu mujumovlaiyo'mo nekullunodowodonogano.

1 Pita 2:24

Krais su tool nemoro ma'no ma'nodo ton gavnokweyolluro kulako tovi ilomolloulloso'no amokavlavokaikono. Toro mokavla'mno sumaiyokwe i'noguropte tovi muunyu toru sulejuku'narokaikono. Nemoro ma'no ma'nodo ton gamoro kulako tovi sulomolloullosoka su tov aro'mokwono. Nemoro ma'no ma'no yo'moneyokwe kuudo tooro yiunokuudo neya bolopipinorogano. Aki nevu aiyo sumo'na'ji tovi'aro gamoro sugupasudo tonyuno'gwowi neya mujumovla'mwalano tovino'mokwono. Kuudo neya jaullulo. Krais toollu iwago aromiyopo tovida'ai imuulo amaroka su tovi'aro kevu ikulnodupu ilaiyo aiko te imo'nodupudogaikikono.

1 Joon 3:22

Aki nevu noonyumwonyu pun mallo'moneyokwe tovino kuudogana'ji tov kuvinono nomaranonogano. Nevu gamoro yogalo adanekulloka tokwe'aro gamoro pasudo ilaiyo winodowodo tokwe'aro tonyu uumjunodowadonogano. Toro tovino tov nemoro kuudogana'ji su tonyu kuvinono nomaranonogano.