Hibruu 7:11 - Gooti Toolluro Yogalokwono

¹¹ Pris womdo sajupo tooraino aiyoga Gooti toolluro loowo kwiyoka puruv aro dodowodokwono. “Yiuno a'mwo Livai iko tovasuda'ai yawosunodupudo su toorono pris womdo tov nokwo imwalpinorogano.” Dodowodokwono. Toro kuvi kuruv Livai iko tovasuda'ai su tooravuro pris womdo mujumovla'mdopure tovida'ai a'mwo abolo ton Gooti toolluro sumdo tovi sugudo mimo'nyajupogano. A'mwo abolo su ton sugudo kuvinono sumo'nopujuko'mno'juki nevu lukomguda'ai tonol pris Melkisodekolbusuko pwolluno supto miyowa'jujukonogano. Kuudo neya jaullulo. Gooti tool Eroonolbusuko pris muuduko pwol kwolomonekwopiyabokalmaiyo. Toro kuvi kuruv Gooti tool Melkisodekolbusuko pwolluno'gwowi kwolomonekwopiyabokaikono.

Hibruu 7:11 Σταυροειδείς Αναφορές

Galesiya 2:21

Toro tovino tov nuu Gooti toolluro yasuwa'wino sugumaluko su tovi mamolluduvolmonyugono. Su tov aro tovinokwono. A'mwo abolo ton Moosesolluro loowo tovi'aro Gooti toolluro sumdo tovi sugudo kuvinono wimo'nyo'mo'mno'juki Krais toolluro aboloka tov yasuwa'no to'no imo'numwalonokwono.

Galesiya 4:3

Su toro to'busuko kubalno ne kunol kuruv kwoloraiyo tobuuronolbusuko kwako akavida'ai loowo maluko'nyo su tooro mollubworonekumokavla'mdopure tovi ki'nato womdo kwiyajuwonogano.

Galesiya 4:9

Toro kuvi kuruv aga'no'gwowi kevu Gooti kuunodo toolluno kuudo me'no youroma'dupudogaikikono. Toro te aro neya dumonyugono. Gooti toolno'gwowi kemino kuudo me'no yaikuu'dowodekono. Toro tovino tov kevu kwako akavida'ai kuudo maluko'nyo su tooraiyomno aki aiko te nyouragunyumo'numwalpiyo. Kwako akavida'ai kuudo maluko'nyo su tooro wollainyorogano. Aki su tooro kemi ku'nono maikullo'mwojupinorogano. Toro tovino tov kevu su toro toorai aki aiko te ki'nato womdo nuuwimwalpiyo.

Hibruu 5:6

Aki yogalo sakwollungiko puruv arokwono. “Melkisodekol pris womdo yiuwi'nokai toga amjumovlaiyajuko toolbusuko kubalno guu pris womdo tovi yiuwi'nokai toga yiunokuudo mujumovla'mwalbinekugono.” Sakwollungikokwono.

Hibruu 6:20

Nevu Gooti toolluro ago mwalodowodo su toru'no yere maulodowado kuvi kuruv Jisasolno'gwowi nemi nekullo'mwojo'moneyokwe sumdomgu wano'no me'no aulomwalokaikono. Melkisodekol pris womdo sajuko su toolbusuko kubalno Jisasol pris aguto sumo'nokaikono. Jisasol toro imo'nyuno sumaiyokwe muunyu kai'muuda'ai Gooti toolluro mwalodowodo toru anakuuto tomuu nemi nonekullo'mwojo'moneyokwe pris womdo tov yiuwi'nokai toga mujumovla'mdowodekono.

Hibruu 7:10

Nebalokwono. Su toro toga Livaiyol yere mimo'noduke kuvi kuruv gami jukweyago Eburaiyamolluro kulako nyawosunono tovino'gwowi me'no kwollajukekono. Toro te Eburaiyamol Melkisodekollu wuuru'maro'no kwiyoka toga gamoro jukweyago Livai kwol kuruv Melkisodekollu me'no wuuru'maro'no kwiyoka to'busuko sumo'nokakwono.

Hibruu 7:12

Su tov aro tovinokwono. Gooti tool pris muuduko pwollu yasuwa'no majesonekono. Toro kwol kuruv sumdomgu gavnokweyolluro loowo muuduko puruv neya wosonekono. Toro te loowo muuduko su tov Moosesolluro sumdomguda'ai pris womdo yo'moneyokwe loowo tovuro aiko toru nomaronokwono. Loowo muuduko su tovi'aro Gooti tool uumjunowo'ji pris muuduko pwollu nokwo jesonekono.

Hibruu 7:13

Neya duu'nyulo. Melkisodekolbusuko pris adumo su tool Livai iko tovasuda'ai abokalmaiyo. Toro kuvi kuruv iko go'nodo puvasuda'ai abokaikono. Aki iko go'nodo su tovasuda'ai a'mwo pris womdokwe pworo mimo'nyajuporogano.

Hibruu 7:15

Toro te Melkisodekolbusuko pris muuduko tool me'no abiyalo'noka tovino kavlo su tov kuu'maiyo toru bomollolupto'nosodowodokwono. Kavlo kuu'maiyo toru bomollolupto'nosodowodo su tov arokwono. Pris muuduko su tool Livai iko tovasuda'ai pris toorai uuwolo'mdowodekono.

Hibruu 8:7

Kuudo pun jaullulo. Sumdomguda'ai subuu'yamju su tov sugudo yiunokuudo mujo'movlaiyo'mo'mno'juki gamoro aiko toru mallo'moneyokwe subuu'yamju muuduko puruv mabai'mowo'jujukokwono.

Hibruu 9:6

Nemi nellukweyago ton sel ago tokwe'aro yiuwi'nokai sel ago su tovi aulallajupo togai'aro ton me'no yovrowosuno sumaveyokwe yiuwi'nokai toga pris yasuwa'nodo tooro aullajuporogano. Toro tooro sel ago su tovuro muudu'nodo adovarojungiko toru kuulodapu kemi womdo judo'no judo'nodo ton aullajuporogano.